ഒരു ചെറുവിരലനക്കം..

ആരൊക്കെയോ കത്തി അണയ്ക്കുന്നു..

2012-01-20T09:23:00.003+05:30

പന്നിയും പശുവും പട്ടിയും... തേങ്ങാക്കൊല.. നാട്ടിലെന്ന പോലെ നെറ്റിലും ഒരു വര്‍ഗീയ കലാപം മണക്കുന്നു.. എന്താണ് ഇവരൊക്കെ ഇങ്ങനെ..? അടിയൊഴുക്കുകളില്‍ ഞാന്‍ ചോര മണക്കുന്നു.. ആരൊക്കെയോ കത്തിയും വാളും അണച്ച് വെച്ചിരിക്കുന്നു.. സ്വന്തം വാദങ്ങള്‍ ന്യായീകരിക്കുവാന്‍ എന്തൊക്കെയാണ് ഇവരൊക്കെ പറയുന്നത്? അടിച്ചു മോന്ത പൊട്ടിക്കുകയാ വേണ്ടത്.. നമ്മുടെ കുട്ടികള്‍ക്ക് ഇവിടെയൊക്കെ ജീവിക്കേണ്ടേ, കൂട്ടുകാരെ? മതേതരത്വത്തിന്റെ വസന്ത വായുവില്‍ വസൂരി രോഗാണുക്കള്‍ പരത്തുന്ന എല്ലാവരെയും നമ്മള്‍ തിരസ്കരിക്കേണ്ടതല്ലേ? സാധാരണക്കാരന്റെ പാവം മനസ്സില്‍ മറഞ്ഞു കിടക്കുന്ന വൃത്തികേടുകള്‍ കുത്തി പൊന്തിക്കാന്‍ പണിയെടുക്കുന്ന എല്ലാ മതത്തിലും പെട്ട വര്‍ഗീയ വാദികളെ തള്ളിപ്പറയുക.. ഒന്നോര്‍ക്കുക, അവര്‍ക്ക് സംവാദം എന്നതിന്റെ അര്‍ഥം അറിയില്ല.. സംവദിക്കാന്‍ അറിയുന്നവര്‍ക്ക് ഇത്രയും ചെറ്റത്തരം ചെയ്യാന്‍ കഴിയില്ല.. ഓര്‍ക്കുക, ഇവിടെ വീഴുന്ന ഓരോ തുള്ളി ചോരയ്ക്കും കണ്ണുനീരിനും ചരിത്രം നമുക്ക് മാപ്പ് നല്‍കില്ല..

ചില്ലറ വ്യാപാരത്തിലെ വിദേശനിക്ഷേപം- യുപിഎയുടെ "താല്‍ക്കാലിക പിന്മാറ്റം" (പി. സായ് നാഥ് )

2011-12-22T11:29:00.000+05:30

ചില്ലറ വ്യാപാരത്തിലെ വിദേശ പ്രത്യക്ഷ നിക്ഷേപം തല്‍ക്കാലം മരവിപ്പിച്ചിട്ടുണ്ടായിരിക്കാം. അതെന്തായാലും ആനന്ദ്ശര്‍മ്മയെയും പ്രണാബ്മുഖര്‍ജിയേയും കുറിച്ച് ഹില്ലാരി ക്ലിന്‍റണ് ഇനി വേവലാതിപ്പെടേണ്ടിവരില്ല. "വിദേശ പ്രത്യക്ഷനിക്ഷേപത്തെ സംബന്ധിച്ച ഇന്ത്യയുടെ ഇപ്പോഴത്തെ മാര്‍ഗ്ഗനിര്‍ദ്ദേശങ്ങളെ (വാണിജ്യകാര്യമന്ത്രി) ശര്‍മ്മ എങ്ങനെയാണ് വീക്ഷിക്കുന്നത്?" "ഏതു മേഖലയെയാണ് നിക്ഷേപത്തിനായി ഇനിയും തുറക്കാന്‍ അദ്ദേഹം ഉദ്ദേശിക്കുന്നത്.? മള്‍ട്ടിബ്രാന്‍ഡ് ചില്ലറ വ്യാപാര മേഖലയിലേക്ക് കടക്കാന്‍ അദ്ദേഹം വൈമുഖ്യം കാണിക്കുന്നതെന്തുകൊണ്ടാണ്?"
പ്രധാനമന്ത്രി മന്‍മോഹന്‍സിങ്ങിെന്‍റ രണ്ടാമൂഴം ആരംഭിച്ചതിനുശേഷം ഏതാനും മാസം കഴിഞ്ഞ് 2009 സെപ്തംബറില്‍ ന്യൂഡെല്‍ഹിയിലെ അമേരിക്കന്‍ എംബസിയിലേക്ക് അമേരിക്കന്‍ സ്റ്റേറ്റ് സെക്രട്ടറി ക്ലിന്‍റണ്‍ അയച്ച കേബിള്‍ സന്ദേശത്തില്‍ ഉന്നയിച്ച ചോദ്യങ്ങളില്‍ ചിലതാണ് ഇവ. (വിക്കിലീക്സ് വെളപ്പെടുത്തലുകള്‍ , ഹിന്ദു 2011 മാര്‍ച്ച് 18) മള്‍ട്ടിബ്രാന്റ് ചില്ലറ വ്യാപാരം തുറന്നുകൊടുക്കുന്നതിനെക്കുറിച്ച് അവര്‍ പ്രത്യേകം എടുത്തുചോദിക്കുന്നത് ശ്രദ്ധിക്കണം. അവര്‍ക്ക് മറ്റ് പല കാര്യങ്ങളിലും ആശങ്കയുണ്ട്. "മോണ്‍ടേക്സിങ് അഹ്ലുവാലിയയെ ഒഴിവാക്കി പ്രണാബ്മുഖര്‍ജിയെ ധനകാര്യവകുപ്പ് ഏല്‍പിച്ചുകൊടുത്തത് എന്തുകൊണ്ടാണ്? മുഖര്‍ജിയും അഹ്ലുവാലിയയും തമ്മിലുള്ള ബന്ധം എങ്ങനെയാണ്?" "പ്രധാനമന്ത്രി സിങ്ങുമായും മുഖര്‍ജിയുമായും ശര്‍മ്മയ്ക്ക് നല്ല ബന്ധമാണോ?" എന്നൊക്കെ ഹില്ലാരി തുടര്‍ന്ന് ചോദിക്കുന്നുണ്ട്. മാഡം, അവരൊക്കെ തമ്മില്‍ തികച്ചും നല്ല ബന്ധംതന്നെയാണുള്ളത്. അവര്‍ ശരിക്കും ഒരു ടീമായിത്തന്നെയാണ് പ്രവര്‍ത്തിക്കുന്നത്. ചില്ലറ വ്യാപാരമേഖലയിലെ വിദേശ പ്രത്യക്ഷ നിക്ഷേപത്തെ സംബന്ധിച്ച് ആശങ്കപ്പെടാന്‍ ഹില്ലാരിക്ക് അവരുടേതായ കാരണങ്ങളുണ്ട്. വാള്‍മാര്‍ട്ടിെന്‍റ ഡയറക്ടര്‍ബോര്‍ഡില്‍ അംഗമായി സേവനമനുഷ്ഠിച്ച് ലക്ഷക്കണക്കിന് ഡോളര്‍ സമ്പാദിച്ച ആളാണ് ഹില്ലാരി.

2007-08ലെ തിരഞ്ഞെടുപ്പ് പ്രചരണകാലത്ത് വാള്‍മാര്‍ട്ടിെന്‍റ എക്സിക്യൂട്ടീവുകളും വാള്‍മാര്‍ട്ടിനുവേണ്ടി ചരടുവലിക്കുന്നവരും ഹില്ലാരിക്ക് ലക്ഷക്കണക്കിന് ഡോളര്‍ സംഭാവനനല്‍കിയിട്ടുണ്ട്. ഡയറക്ടര്‍മാരില്‍ ഒരാള്‍ എന്ന നിലയില്‍ ഹില്ലാരി ക്ലിന്‍റണ്‍ വാള്‍മാര്‍ട്ടിനെ വിശ്വസ്തതയോടെ സേവിച്ചിട്ടുണ്ടെന്ന്, 2008ല്‍ എബിസി ന്യൂസ് റിപ്പോര്‍ട്ട് ചെയ്യുകയുമുണ്ടായി. (2008, ജനുവരി 31, എബിസി ന്യൂസ്). വിദേശ പ്രത്യക്ഷ നിക്ഷേപത്തിെന്‍റ കാര്യത്തില്‍ യുപിഎ നടത്തിയ പിന്‍മാറ്റം വെറുമൊരു അടവാണെന്നും അവര്‍ക്ക് കൃത്യമായും അറിയാം. പ്രണാബ് മുഖര്‍ജി നിസ്സഹായതയോടെ, സത്യസന്ധതയോടെ തന്നെ ഇങ്ങനെ പ്രസ്താവിക്കുന്നുമുണ്ട്. "ഇടക്കാല തിരഞ്ഞെടുപ്പ് ഉണ്ടാക്കാന്‍ ഞങ്ങള്‍ ആഗ്രഹിക്കുന്നില്ല." എബിസി ന്യൂസ് റിപ്പോര്‍ട്ട് അനുസരിച്ച് തെന്‍റ തിരഞ്ഞെടുപ്പ് പ്രചാരണവേളയില്‍ ഹില്ലാരിയും അക്കാര്യം സൂചിപ്പിക്കുന്നുണ്ട്. (വാള്‍മാര്‍ട്ടിന്റെ ഡയറക്ടര്‍ ബോര്‍ഡില്‍ അംഗമായിരിക്കെ 1990 ജൂണില്‍ ഹില്ലാരി ഇങ്ങനെ പ്രസ്താവിച്ചിട്ടുണ്ട്-"വാള്‍മാര്‍ടിനെക്കുറിച്ച് എനിക്ക് എല്ലായ്പ്പോഴും അഭിമാനമാണുള്ളത്. മറ്റാരേക്കാളും കൂടുതല്‍ മെച്ചമായി ഞങ്ങള്‍ ചെയ്യുന്നുണ്ട് എന്നതിലും അഭിമാനമുണ്ട്.") എന്നാല്‍ എബിസി ന്യൂസ് റിപ്പോര്‍ട്ട് ഒരു കാര്യം ചൂണ്ടിക്കാണിക്കുന്നുണ്ട്. 2007-08ലെ പ്രചരണ വെബ്സൈറ്റിലെ ഹില്ലാരിയുടെ വിശദമായ ജീവചരിത്രക്കുറിപ്പില്‍ , വാള്‍മാര്‍ട്ടുമായുള്ള അവരുടെ ബന്ധത്തെക്കുറിച്ചുള്ള ഭാഗം വിട്ടുകളഞ്ഞുവെന്നതാണത്. തിരഞ്ഞെടുപ്പ് മത്സരത്തിന് ചൂടുപിടിച്ചുവന്നപ്പോള്‍ താന്‍ ആദ്യം പറഞ്ഞത് അവര്‍ തിരുത്തിപ്പറഞ്ഞു. "ഏറ്റവും നല്ലനിലയില്‍ ബിസിനസ് നടത്തുന്ന രീതിയെ പ്രതിഫലിപ്പിക്കുന്നതല്ല വാള്‍മാര്‍ട്ടിെന്‍റ നയങ്ങളെന്നും അമേരിക്കയില്‍ സുപ്രധാനങ്ങളായി ഞാന്‍ കണക്കാക്കുന്ന മൂല്യങ്ങളെ പ്രതിഫലിപ്പിക്കുന്നവയല്ല വാള്‍മാര്‍ട്ടിെന്‍റ നയങ്ങളെന്നും ഇന്നെനിക്കറിയാം." വിദേശ പ്രത്യക്ഷ നിക്ഷേപത്തെ സംബന്ധിച്ച ഹില്ലാരിയുടെ താല്‍പര്യങ്ങള്‍ ഒരുപക്ഷേ, കൂടുതല്‍ മഹത്തരമായിരിക്കണം.

ഇന്ത്യയിലെ ദരിദ്രനായ കൃഷിക്കാരനെക്കുറിച്ച് അവര്‍ക്ക് വലിയ വിഷമമുണ്ടാവണം. ചില്ലറ വ്യാപാരരംഗത്തെ വിദേശപ്രത്യക്ഷ നിക്ഷേപത്തെക്കുറിച്ചുള്ള ചര്‍ച്ചകളിലെ ഏറ്റവും ആശ്ചര്യജനകമായ കാര്യം കൃഷിക്കാരെ സംബന്ധിച്ച ഉല്‍ക്കണ്ഠകളുടെ വിസ്ഫോടനമാണല്ലോ. ദുരിതമനുഭവിക്കുന്ന ഇന്ത്യന്‍ കൃഷിക്കാരുടെ സംരക്ഷകരായി ഇതിന് മുമ്പൊരിക്കലും ഇത്രയധികം പേര്‍ മുന്നോട്ടുവന്നു കണ്ടിട്ടില്ല. ചില്ലറ വില്‍പന രംഗത്തെ പ്രത്യക്ഷ വിദേശനിക്ഷേപം സംബന്ധിച്ചുള്ള പ്രഖ്യാപനം വന്നതിനെ തുടര്‍ന്ന് അവര്‍ മാളത്തില്‍നിന്ന് ഇഴഞ്ഞ് പുറത്തുവന്നുകൊണ്ടിരിക്കുകയാണ്-ചെറുകിട കൃഷിക്കാരെന്‍റ ദുരിതമോര്‍ത്ത് മനംനൊന്ത് ഉറക്കമില്ലാത്ത രാത്രികള്‍ തള്ളിനീക്കിക്കൊണ്ടിരിക്കുന്ന ദീപക് പരേഖ് തൊട്ട് രത്തന്‍ ടാറ്റവരെയുള്ളവര്‍ . അമേരിക്കയിലെ കൃഷിക്കാരുടെ ജനസംഖ്യയെക്കുറിച്ച് അവര്‍ക്ക് അറിയണമെന്നുണ്ടായിരിക്കും. കൂറ്റന്‍ അഗ്രി ബിസിനസ്സുകാര്‍തൊട്ട് പടുകൂറ്റന്‍ ചില്ലറ വ്യാപാര ശൃംഖലകള്‍വരെ എല്ലാ തലങ്ങളിലുമുള്ള കോര്‍പ്പറേറ്റ് കുത്തകകളാല്‍ തകര്‍ത്തുനശിപ്പിക്കപ്പെട്ട അമേരിക്കന്‍ കാര്‍ഷിക കുടുംബങ്ങളെക്കുറിച്ച്, പ്രത്യേകിച്ചും ചെറുകിട കൃഷിക്കാരെക്കുറിച്ച് അവര്‍ക്ക് അറിയണമെന്നുണ്ടായിരിക്കും. ഇന്നിപ്പോള്‍ 10 ലക്ഷത്തില്‍ താഴെവരുന്ന അമേരിക്കക്കാര്‍ മാത്രമാണ് കൃഷിപ്പണി തങ്ങളുടെ ജോലിയാണ് എന്ന് അവകാശപ്പെടുന്നത്. 1950 കളില്‍ അവരുടെ സംഖ്യ 250 ലക്ഷത്തില്‍ കൂടുതലായിരുന്നുവെന്ന കാര്യം നാം ഓര്‍ക്കണം.

രണ്ടര ലക്ഷത്തിലധികം കൃഷിക്കാര്‍ ആത്മഹത്യചെയ്തുകഴിഞ്ഞുവെന്ന് കണക്കുകള്‍ വ്യക്തമാക്കുമ്പോള്‍ കൃഷിക്കാരെ സഹായിക്കുന്നതിനെക്കുറിച്ച് ഭരണക്കാര്‍ പറയുന്നത് വിശ്വസ്തതയോടുകൂടിത്തന്നെയാണോ? ചില്ലറ വ്യാപാര ഭീമന്മാരുമായി ഉണ്ടാക്കിയ കരാറില്‍നിന്ന്, ചരിത്രത്തിലെ ഏറ്റവും അഴിമതിനിറഞ്ഞ ഈ സര്‍ക്കാരിലെ ഏതെല്ലാം വ്യക്തികള്‍ക്ക്, എന്തൊക്കെ കിട്ടി എന്ന് ആര്‍ക്കറിയാം? പത്ര പ്രവര്‍ത്തകരുടെ പഴയ തത്വം നാം അവലംബിച്ചാല്‍ മതി-പണത്തിെന്‍റ വഴിയേ പോവുക. വളരെ വ്യത്യസ്തമായ ഒരു രീതിയിലാണെങ്കിലും ഹില്ലാരിയും ചെയ്യുന്നത് അതുതന്നെയാണ്. അതിനിടയില്‍ നമുക്ക്, നമ്മുടെ ഗവണ്‍മെന്‍റിെന്‍റ അവകാശവാദങ്ങളിലേക്ക് ഒന്നെത്തിനോക്കാം. "ഇടത്തട്ടുകാരെ ഒഴിവാക്കുകയാണ്" ആദ്യത്തേത്. അതില്‍ ആദ്യംതന്നെ തകര്‍ക്കപ്പെടുന്നത്, നമ്മുടെ നഗരങ്ങളിലും പട്ടണങ്ങളിലും ദിവസംതോറും പുതിയ പച്ചക്കറികളും മറ്റ് ഉല്‍പന്നങ്ങളും കൊണ്ടുവന്ന്, നടന്നു വില്‍ക്കുന്ന വഴിവാണിഭക്കാരായ പാവപ്പെട്ട സ്ത്രീ കച്ചവടക്കാരായിരിക്കും. വിലക്കയറ്റം ഉണ്ടാക്കുന്നത് ഈ പാവപ്പെട്ട കച്ചവടക്കാരല്ല; എന്നാല്‍ വിലകള്‍ ഉയരുമ്പോള്‍ അവരുടെ ഏറ്റവും മിതമായ ലാഭംപോലും കുത്തിച്ചോര്‍ക്കപ്പെടുകയും ചെയ്യും. നിങ്ങളുടെ വീട്ടുവാതില്‍ക്കല്‍ , ദിവസേന, വലിയ കുട്ടയും ചുമന്ന് സാധനങ്ങള്‍ വില്‍ക്കാന്‍വരുന്ന, ദിവസത്തില്‍ പതിനാലും പതിനഞ്ചും മണിക്കൂര്‍ ആ കുട്ടയും ചുമന്ന് നടക്കുന്ന, സ്വന്തം കുടുംബത്തെ പോറ്റാന്‍ പാടുപെടുന്ന ഇത്തരം "ഇടത്തട്ടുകാരാ"ണ് ആദ്യംതന്നെ ഗവണ്‍മെന്‍റിെന്‍റ നീക്കത്തിന് ഇരയായിത്തീരുന്നത്. എന്നാല്‍ വില്‍പനശൃംഖലയിലെ ഏറ്റവും ചൂഷകരായ "ഇടത്തട്ടു"കാരെ കൂറ്റന്‍ ചില്ലറ വില്‍പനക്കാര്‍ തങ്ങളുടെ കൂട്ടത്തിലേക്ക് എടുക്കുകയും ചെയ്യും. കാരണം കൂറ്റന്‍ വില്‍പനക്കാര്‍ക്ക് സാധനങ്ങള്‍ സംഭരിക്കുന്നതിന് കോണ്‍ട്രാക്ടര്‍മാരായും സംഭരിക്കുന്നവരായും ആളുകളെ ആവശ്യമുണ്ട്-അത്രയധികമൊന്നും വേണ്ടെങ്കിലും. കുറച്ചുകഴിഞ്ഞാല്‍ അവരുടെ സംഖ്യതന്നെ, കൂറ്റന്‍ വില്‍പനക്കാര്‍ വെട്ടിക്കുറയ്ക്കുകയും ചെയ്യും. ചേരികളിലെ പയ്യന്മാരില്‍നിന്ന് കച്ചവടം മാന്യന്മാര്‍ ഏറ്റെടുക്കുന്നു. കാര്‍ഷിക ഉല്‍പന്നങ്ങള്‍ ലഭ്യമാക്കുന്ന ശൃംഖലയില്‍നിന്ന് വന്‍തോതില്‍ ഇടത്തട്ടുകാരെ ഒഴിവാക്കുന്ന കാര്യമാണ് നാം പരിഗണിക്കുന്നത്. ഗവണ്‍മെന്‍റുമായി കൂടുതല്‍ അടുപ്പമുള്ള സമര്‍ഥന്മാര്‍ മാത്രം പുതിയ ഇടത്തട്ടുകാരായി അവശേഷിക്കുന്നു. നിങ്ങളുടെ വീട്ടുവാതില്‍ക്കല്‍ പുതിയ (ഫ്രഷ്) ഉല്‍പന്നങ്ങള്‍ കൊണ്ടുവരുന്ന വഴിവാണിഭക്കാരായ സ്ത്രീകളെ നശിപ്പിക്കുകയല്ല, അവരുടെ സ്ഥിതി മെച്ചപ്പെടുത്തുകയാണ് വേണ്ടത്. അവര്‍ക്കത് അന്നന്ന് വില്‍ക്കണം; അല്ലെങ്കില്‍ പിന്നെ വില്‍ക്കാന്‍ കഴിയില്ല. (എന്നാല്‍ വന്‍കിടക്കാരായ ചില്ലറ വില്‍പനക്കാരാകട്ടെ തങ്ങളുടെ സാധനങ്ങളില്‍ "നാച്വറല്‍" എന്നും "ഫ്രഷ്" എന്നും മറ്റും എഴുതിവെച്ച് വില്‍ക്കുന്നത് പലപ്പോഴും ദിവസങ്ങളോളം റഫ്രിജറേറ്ററില്‍വെച്ച് തണുപ്പിച്ചതോ മരവിപ്പിച്ചതോ ആയ സാധനങ്ങളായിരിക്കും.) ഒരു കോടി തൊഴിലുണ്ടാക്കും എന്നാണ് മറൊരു പ്രഖ്യാപനം. അതുകേട്ട് ചിരിച്ചുചിരിച്ച് മരിക്കരുതേ! കഴിഞ്ഞ മൂന്നു പതിറ്റാണ്ടുകാലമായി "തൊഴിലില്ലാത്ത വളര്‍ച്ച" ലോകത്തിന് സമ്മാനിച്ച ഒരു സാമ്പത്തിക ചിന്താധാരയില്‍നിന്നാണ് ഈ വാദം വരുന്നത്. നമ്മുടെ നയ ചട്ടക്കൂടിനുള്ളില്‍ നിന്നുകൊണ്ട് തൊഴില്‍ അവസരങ്ങള്‍ അസാധ്യമാക്കിത്തീര്‍ക്കുന്ന വലിയ വികസനം കൈവരിക്കുന്നതിന് അതില്‍ രണ്ടു പതിറ്റാണ്ടുകാലം നാം കഠിനമായി പ്രയത്നിക്കുകയും ചെയ്തു. പുത്തന്‍ ഉദാരവല്‍ക്കൃത-ആഗോളവല്‍ക്കരണത്തില്‍നിന്ന് ചെറുകിട കൃഷിക്കാര്‍ക്ക് വലിയ നേട്ടങ്ങള്‍ കൈവരുന്നതിനെക്കുറിച്ച്, 1990കളുടെ തുടക്കംതൊട്ട് എത്ര സമ്മോഹനമായ അവകാശവാദങ്ങളാണ് കേട്ടുകൊണ്ടിരുന്നത്. ഉദാഹരണത്തിന് ഇന്ത്യയിലെ വില ആഗോള വിലകളുമായി ബന്ധിപ്പിക്കുകയാണെങ്കില്‍ കൃഷിയില്‍നിന്നുള്ള വരുമാനം 25 ശതമാനം കണ്ട് വര്‍ദ്ധിക്കും; വാങ്ങല്‍ കഴിവ് കുത്തനെ ഉയരും എന്നൊക്കെയായിരുന്നു അവകാശവാദങ്ങള്‍ . അതിനുവേണ്ടി വിത്തുകളുടെ കാര്യത്തിലെന്നപോലെ പല മേഖലകളിലും 100 ശതമാനം വിദേശ പ്രത്യക്ഷ നിക്ഷേപം അടക്കം പല നടപടികളും സ്വീകരിക്കുകയും ചെയ്തു. എല്ലാറ്റിന്റെയും ഫലം നേര്‍ വിപരീതമായിരുന്നു.

കര്‍ഷക ജന സാമാന്യത്തിെന്‍റ കടബാധ്യത ഇരട്ടിയാകുകയാണ് അതുകൊണ്ടുണ്ടായത്; കര്‍ഷക ആത്മഹത്യകള്‍ രേഖപ്പെടുത്തപ്പെട്ടവയില്‍വെച്ച് ഏറ്റവും രൂക്ഷമായിത്തീരുകയും ചെയ്തു. ഇതിനൊക്കെപുറമെ ഒരൊറ്റ പതിറ്റാണ്ടിനുള്ളില്‍ 75 ലക്ഷം കൃഷിക്കാര്‍ കൃഷി ഉപേക്ഷിച്ചുപോയി. കൃഷിക്കാര്‍ക്ക് നേട്ടമുണ്ടാക്കിക്കൊടുക്കുന്നതിനുള്ള നയങ്ങളുടെ ഫലമായിട്ടായിരുന്നു ഇവരില്‍ മിക്കവരും കൃഷി ഉപേക്ഷിച്ചുപോയത്. ഈ നയങ്ങള്‍ കാരണം ഉണ്ടായ എല്ലാ നാശങ്ങളും, ചില്ലറ വ്യാപാരത്തിലെ വിദേശ പ്രത്യക്ഷ നിക്ഷേപംമൂലം തിരുത്തപ്പെടും എന്ന് നാം വിശ്വസിക്കണം എന്നാണ് അവര്‍ പറയുന്നത്-ആ നയങ്ങള്‍ നടപ്പാക്കിയവര്‍ തന്നെയാണത് പറയുന്നത്. ഒരൊറ്റ കൊല്ലംകൊണ്ട് ഒരു കോടി തൊഴിലുകള്‍ ഉണ്ടാകും എന്നും ഇതേ പരിഷകള്‍തന്നെ പ്രവചനം നടത്തുന്നു. എന്തൊക്കെ ബുദ്ധിമുട്ടുകളും പ്രാരാബ്ധങ്ങളും വീഴ്ചകളും ഉണ്ടെങ്കിലും ശരി, ഇന്ന് 4.4 കോടി ജനങ്ങള്‍ക്ക് ജോലി ലഭ്യമാക്കുന്നതും ആകെ 40,000 കോടി ഡോളര്‍ വിറ്റുവരവുള്ളതുമായ ഒരു മേഖല, വിദേശ കുത്തകകള്‍ക്ക് തുറന്നുകൊടുക്കണം എന്നതാണ് യുപിഎയുടെ ആവശ്യം. ഏതാണ്ട് ഇത്രയും വിറ്റുവരവുണ്ടാക്കുന്നതിനായി വാള്‍മാര്‍ട്ട് ജോലിക്കുവെയ്ക്കുന്നവരുടെ 20 ഇരട്ടി വരും ഇന്ത്യയിലെ ചെറുകിട കച്ചവടക്കാരുടെ സംഖ്യ. അവരുടെ കുടുംബാംഗങ്ങളെക്കൂടി കണക്കിലെടുക്കുകയാണെങ്കില്‍ അതുകൊണ്ട് ജീവിക്കുന്നവരുടെ സംഖ്യ പിന്നെയും പല കോടികള്‍ വരും.

ചെറുകിട കച്ചവട സ്ഥാപനങ്ങള്‍ക്കും വന്‍കിട ചില്ലറ വില്‍പനശാലകള്‍ക്കും ഒരേസമയം നിലനില്‍ക്കാന്‍ കഴിയും എന്നാണ് കോര്‍പ്പറേറ്റ് ഗാനസംഘം മൂളിപ്പാട്ടുപോലെ പാടുന്നത്. ശരിയാണ്. കോടിക്കണക്കിന് ചെറുകിട കടയുടമകളെ രംഗത്തുനിന്ന് തൂത്തെറിഞ്ഞതിനുശേഷം ബാക്കിയാവുന്നവര്‍ക്ക്, വന്‍കിടക്കാരോടൊപ്പം ഒന്നിച്ച് നിലനില്‍ക്കാം. വന്‍കിടക്കാര്‍ക്ക് കാര്യങ്ങള്‍ നടത്തിക്കൊണ്ടുപോകാന്‍ കയ്യാളായും ചിലര്‍ വേണമല്ലോ. ഇന്ത്യയുടെ അധികാരസ്ഥാനത്തിരിക്കുന്നവര്‍ കൂടുതല്‍ പ്രധാനപ്പെട്ട കയ്യാളുകളായി പ്രവര്‍ത്തിക്കും. വാള്‍മാര്‍ട്ടിെന്‍റ ഇന്‍റര്‍നാഷണല്‍ ഡിവിഷെന്‍റ ചീഫായ ജോണ്‍ മെന്‍സര്‍ , കമ്പനിയുടെ 2005ലെ വാര്‍ഷിക സമ്മേളനത്തില്‍ ഇങ്ങനെ പറഞ്ഞതില്‍നിന്ന് അത് വ്യക്തമാകുന്നുണ്ട്. "ഗവണ്‍മെന്‍റുമായി നാം നടത്തിയ ആറ് യോഗങ്ങളിലൂടെ വാള്‍മാര്‍ട്ടിനെക്കുറിച്ച് വളരെ രചനാത്മകമായ (പോസിറ്റീവ്) ഒരു പ്രതിച്ഛായ നാം സൃഷ്ടിച്ചെടുത്തിട്ടുണ്ട്. ഇന്ത്യയിലെ എഫ്ഡിഐ ലോബിയെ നാം ഊര്‍ജ്ജസ്വലമാക്കിത്തീര്‍ത്തിട്ടുണ്ട്. എഫ്ഡിഐ വിരുദ്ധ ലോബിയെ ദുര്‍ബലപ്പെടുത്തിയിട്ടുമുണ്ട്."

(വാള്‍മാര്‍ട്സ് ഹോട്ട്-ഇന്‍ ഇന്ത്യ, ഇചച ങഛചഋഥ.രീാ 2005 ജൂണ്‍ 6) കാര്യക്ഷമതയാണ് മൂന്നാമത്തേത്. പ്രാദേശികമായും തൊട്ടടുത്തായും ഉല്‍പാദിപ്പിക്കപ്പെട്ട ഭക്ഷ്യവസ്തുക്കള്‍ വില്‍പന നടത്തുന്ന കൃഷിക്കാരുടെ വിപണികളോട് കാര്യക്ഷമതയുടെ കാര്യത്തില്‍ ഒപ്പം നില്‍ക്കാന്‍ കൂറ്റന്‍ കമ്പനികളുടെ ശൃംഖലയ്ക്ക് ഒരിക്കലും കഴിയുകയില്ല. ലോകത്തിലെങ്ങുനിന്നും കുത്തകകള്‍ ഉല്‍പന്നങ്ങള്‍ വാങ്ങിക്കൂട്ടുന്നു കേന്ദ്രീകൃത സംഭരണശാലകളും കൂറ്റന്‍ ചരക്കു കടത്തു പ്രവര്‍ത്തനങ്ങളും നടത്തുന്നു ഇതിനൊക്കെ വമ്പിച്ച ഇന്ധനം ആവശ്യമാണ്. അതിനര്‍ത്ഥം നമുക്ക് ലഭിക്കുന്നതില്‍ വലിയ ഭാഗവും പഴയതും റഫ്രിജറേറ്ററുകളില്‍ സൂക്ഷിച്ചതും അഥവാ മരവിപ്പിച്ചതും ആയിരിക്കും എന്നാണ്.

നിങ്ങള്‍ വാങ്ങിക്കുന്ന സാധനങ്ങള്‍ക്ക് വേണ്ടിവരുന്ന മറ്റ് ചെലവുകള്‍ എന്തൊക്കെയാണെന്നും മനസ്സിലാക്കണം. കൃഷിക്കാര്‍ക്ക് നേട്ടമുണ്ടാകും എന്നതാണ് മറ്റൊരുവാദം. ഇവിടെയാണ് വിരോധാഭാസം. നമ്മള്‍ നിശ്ചയദാര്‍ഢ്യത്തോടെ സൂപ്പര്‍ മാര്‍ക്കറ്റുകളിലേക്ക് നീങ്ങിക്കൊണ്ടിരുന്നപ്പോള്‍ , വന്‍കിടക്കാരായ ചില്ലറ വ്യാപാരികളുടെ സ്വന്തം നാട്ടിലെ ആളുകള്‍ കൃഷിക്കാരുടെ വിപണികളില്‍നിന്ന് കൂടുതല്‍ കൂടുതല്‍ വാങ്ങിക്കൊണ്ടിരിക്കുകയായിരുന്നു. ചെറുകിടക്കാരായ ഉല്‍പാദകരെ സംബന്ധിച്ചിടത്തോളം നേരിട്ടുള്ള വിപണനത്തിെന്‍റ ഏറ്റവും പഴയ രൂപമായിരുന്നു അത്. കൂടുതല്‍ കൂടുതല്‍ അമേരിക്കക്കാര്‍ ന്യായമായ ഉല്‍പന്നങ്ങള്‍ ലഭിക്കണമെന്നാണ് ആഗ്രഹിച്ചത്; രാസപദാര്‍ഥങ്ങളിലും കീടനാശിനികളിലും മറ്റും മുക്കിവെച്ച ഉല്‍പന്നങ്ങള്‍ ലഭിക്കണമെന്നല്ല. ആ രാജ്യത്തിലെ മിക്ക ചെറുകിട കൃഷിക്കാരും കുടുംബ കൃഷിക്കാരും തങ്ങളുടെ ഉല്‍പന്നങ്ങള്‍ കൃഷിക്കാരുടെ വിപണികള്‍ വഴിയാണ് വില്‍ക്കുന്നത്. അവരുടെ സംഖ്യ വര്‍ഷംതോറും വര്‍ധിച്ചുകൊണ്ടിരിക്കുകയാണ്. ഇന്ത്യയിലും മുമ്പ് എല്ലാ വിപണികളും കൃഷിക്കാരുടെ വിപണികളായിരുന്നു. കാലക്രമേണ കൃഷിക്കാര്‍ക്ക് അത്തരം വിപണികളുടെമേലുള്ള നിയന്ത്രണം നഷ്ടപ്പെട്ടു; വ്യാപാരികളും ഹുണ്ടികക്കാരും ആ നിയന്ത്രണം പിടിച്ചെടുത്തു. ഇപ്പോഴിതാ അവസാനത്തെ മാരകമായ പ്രഹരം. വന്‍കിടക്കാരായ ചില്ലറ കച്ചവടക്കാരുടെ വരവെന്നുപറഞ്ഞാല്‍ , പത്തുലക്ഷത്തിലധികം ജനങ്ങളുള്ള പട്ടണങ്ങളില്‍ കടകള്‍ ആരംഭിക്കുന്നുവെന്ന് മാത്രമല്ല അതിനര്‍ഥം. കാര്‍ഷികോല്‍പന്ന വിതരണ ശൃംഖലയെ മുഴുവനും മൗലികമായിത്തന്നെ പുനഃസംഘടിപ്പിക്കുക എന്നാണ് അതിനര്‍ത്ഥം.

10 കോടിയില്‍ അധികം ഡോളറോളം വരുന്ന ഇത്തരം നിക്ഷേപങ്ങള്‍ തൊഴില്‍ പ്രധാനമായ പ്രവര്‍ത്തനങ്ങളിലേക്ക് ഇറങ്ങിച്ചെല്ലുകയില്ല എന്ന് വളരെ വ്യക്തമാണ്. കൃഷിക്കാരെ നേരിടുന്ന ഈ പുതിയ ആക്രമണം അവര്‍ക്ക് അറിയാവുന്ന എല്ലാറ്റിനേക്കാളും കൂടുതല്‍ ശക്തമാണ്. ഓക്ലഹാമയിലെ "കെര്‍ സെന്റര്‍ ഫോര്‍ സസ്റ്റേനബിള്‍ അഗ്രികള്‍ചര്‍" എന്ന സ്ഥാപനം "അമേരിക്കയിലെ കാര്‍ഷിക പ്രതിസന്ധി" എന്ന പ്രബന്ധത്തില്‍ ഇങ്ങനെ പ്രസ്താവിക്കുന്നു. "ഉല്‍പാദനക്കരാറുകളിലൂടെയും ഏകീകരണത്തിന്റെ മറ്റ് രൂപങ്ങളിലൂടെയും കൃഷിക്കാരുടെ സ്വാശ്രിതത്വം വെട്ടിക്കുറയ്ക്കാന്‍ , ഈ അടുത്ത വര്‍ഷങ്ങളില്‍ വന്‍കിട കോര്‍പ്പറേഷനുകള്‍ നീക്കങ്ങള്‍ നടത്തിക്കൊണ്ടിരിക്കുകയാണ്. കൃഷിക്കാരില്ലാതെതന്നെ കന്നുകാലികളെ വളര്‍ത്തിയെടുക്കുന്ന, കോര്‍പ്പറേറ്റുകളുടെ ഉടമസ്ഥതയിലുള്ള വന്‍കിട മൃഗ പരിപാലന കേന്ദ്രങ്ങള്‍ സ്ഥാപിക്കുന്നതടക്കമുള്ള പ്രവര്‍ത്തനങ്ങള്‍ അവരുടെ ഈ നീക്കത്തില്‍ ഉള്‍പ്പെടുന്നു." ഗവണ്‍മെന്റ് സ്വാഗതംചെയ്യുന്ന പുതിയ ഇടത്തട്ടുകാര്‍ക്ക് ഗ്രാമങ്ങളോടോ ഗ്രാമീണരോടോ യാതൊരു താല്‍പര്യവും ഉണ്ടായിരിക്കുകയില്ല. അവരുടെ ഒരേയൊരു താല്‍പര്യം സ്വന്തം ലാഭം എങ്ങനെ പരമാവധി ഉയര്‍ത്താം എന്നതില്‍ മാത്രമായിരിക്കും. വാങ്ങുന്നവരുടെ സംഖ്യ ഒരു പിടി വന്‍കിട കോര്‍പ്പറേറ്റുകളുടേതായി ചുരുങ്ങുമ്പോള്‍ കൃഷിക്കാരുടെ ഉല്‍പന്നങ്ങള്‍ വില്‍ക്കാനുള്ള ഇടം കുറഞ്ഞുകുറഞ്ഞു വരുന്നു. ഇത്തരം കൂറ്റന്‍ ഇടത്തട്ടുകാരുടെമുന്നില്‍ കൃഷിക്കാര്‍ക്ക് എന്തു വിലപേശല്‍ കഴിവാണ് ഉണ്ടാവുക?

(ലോകത്തിലെ ഏറ്റവും വലിയ പത്ത് സമ്പ ദ്വ്യവസ്ഥകളോളം വലിപ്പമുള്ള വന്‍കിട കോര്‍പ്പറേറ്റുകള്‍ ഉണ്ട്-അവയെ രാജ്യങ്ങള്‍പോലെ കണക്കാക്കുകയാണെങ്കില്‍) പുതിയ സാഹചര്യങ്ങളിലെ "കരാര്‍" പ്രതിഫലിപ്പിക്കുന്നത് ഈ ശക്തി സംതുലനത്തെയാണ്. ഡോക്ടര്‍ എം എസ് സ്വാമിനാഥെന്‍റ നേതൃത്വത്തിലുള്ള, കൃഷിക്കാര്‍ക്കായുള്ള ദേശീയ കമ്മീഷന്‍ ഇങ്ങനെ ചൂണ്ടിക്കാണിക്കുന്നു: "കൃഷിക്കാരെന്‍റ ആവശ്യങ്ങളും സുരക്ഷിതത്വവും വിലപേശല്‍ കഴിവും ഉറപ്പുവരുത്താതെ കരാര്‍ കൃഷി സമ്പ്രദായത്തിന് ധൃതികൂട്ടുന്നത്, കാര്‍ഷിക മേഖലയില്‍നിന്ന് കൃഷിക്കാരെ വന്‍തോതില്‍ ഇറക്കിവിടാനേ ഉപകരിക്കുകയുള്ളു." എന്നാല്‍ ഹില്ലാരി, നിങ്ങളൊട്ടും വേവലാതിപ്പെടേണ്ട. നിങ്ങളുടെ ടീം ഇപ്പോഴും ബാറ്റിങ്ങിനുണ്ട്. തല്‍ക്കാലം പരിക്കുപറ്റി പിന്‍വാങ്ങിയിരിക്കുന്നുവെന്നേയുള്ളൂ.
(ചിന്ത വാരികയില്‍ പി സായ് നാഥ് എഴുതിയ ലേഖനം)

ഇറാഖില്‍ എന്തുനേടി

2011-12-21T18:55:00.000+05:30

ഇറാഖില്‍നിന്ന് അവസാനത്തെ അമേരിക്കന്‍ സൈനികനും പിന്മാറിയത് മഹാകാര്യമായി അമേരിക്ക ലോകത്തിനുമുമ്പില്‍ അവതരിപ്പിച്ചു. ഇറാഖ് യുദ്ധം പൂര്‍ണമായി അവസാനിപ്പിക്കുകയാണെന്ന് അമേരിക്കന്‍ പ്രസിഡന്റ് ബറാക് ഒബാമ കഴിഞ്ഞ ദിവസം പ്രഖ്യാപിച്ചിരുന്നു. അതിനുപിന്നാലെയാണ്, ഞായറാഴ്ച പുലര്‍ച്ചെയോടെ 110 വാഹനങ്ങളിലായി 500 പട്ടാളക്കാര്‍ ഇറാഖ് അതിര്‍ത്തി കടന്ന് അയല്‍രാജ്യമായ കുവൈത്തിലേക്ക് നീങ്ങിയത്. സേനാപിന്മാറ്റത്തിന്റെ ഔപചാരികമായ പരിസമാപ്തിയായി അതിനെ അമേരിക്ക അവതരിപ്പിക്കുന്നു. ഒമ്പതുവര്‍ഷം നീണ്ട അമേരിക്കന്‍ അധിനിവേശത്തിന്റെ അന്ത്യം ഇറാഖിലെ ജനങ്ങള്‍ക്ക് സന്തോഷവും ആശ്വാസവും പകര്‍ന്നു എന്നാണ് റിപ്പോര്‍ട്ട്. ഇറാഖ് എന്ന സ്വതന്ത്ര പരമാധികാര രാജ്യത്തിലേക്ക് കടന്നുകയറി അവിടത്തെ ജനതയെയും സംസ്കാരത്തെയും പ്രകൃതിയെയും പിച്ചിച്ചീന്തിയെറിഞ്ഞുകൊണ്ടാണ് അമേരിക്ക മടങ്ങുന്നത്.

എന്താണ് അധിനിവേശം അമേരിക്കയ്ക്കും ഇറാഖിനും സമ്മാനിച്ചത് എന്ന ചര്‍ച്ച ഈ ഘട്ടത്തില്‍ പ്രസക്തമാണ്. നാലായിരത്തഞ്ഞൂറിലേറെ സൈനികരെയാണ് അമേരിക്കയ്ക്ക് നഷ്ടമായത്. 32,000 യുഎസ് സൈനികര്‍ക്ക് പരിക്കേറ്റു. ഒരുലക്ഷത്തിലേറെ ഇറാഖുകാരും ഇക്കാലയളവില്‍ ആക്രമണങ്ങളില്‍ കൊല്ലപ്പെട്ടു. ഏറ്റവുമൊടുവില്‍ തിരിച്ചുപോകുമ്പോഴും ഭീതിയിലാണ് അമേരിക്കന്‍ സൈന്യം-തീവ്രവാദ ആക്രമണം ഭയന്ന് അതീവ സുരക്ഷാസന്നാഹത്തോടെയായിരുന്നു അവരുടെ യാത്ര. സൈന്യം പിന്മാറിയെങ്കിലും ഇറാഖില്‍ യുഎസ് സാന്നിധ്യം അവസാനിക്കുന്നില്ല. യുഎസ് എംബസിയുടെ ശക്തി വര്‍ധിപ്പിക്കുകയാണ്. ഇപ്പോള്‍ 8000 പേരാണ് എംബസിയുമായി ബന്ധപ്പെട്ട് പ്രവര്‍ത്തിക്കുന്നത്. ഇത് ഇരട്ടിയാക്കുകയും 2000 സൈനിക ഉദ്യോഗസ്ഥരെ എംബസിയുടെ സുരക്ഷയ്ക്കായി നിയോഗിക്കുകയും ചെയ്യും. ഒപ്പം ഇറാഖി സര്‍ക്കാരിന് ആയുധങ്ങള്‍ വില്‍ക്കാന്‍ അമേരിക്ക തീരുമാനിച്ചതായും റിപ്പോര്‍ട്ട് വന്നിരിക്കുന്നു. ഈ യുദ്ധത്തില്‍ അമേരിക്ക ചെലവിട്ടത് ലക്ഷം കോടി ഡോളറാണ്. അമേരിക്ക ഇന്നഭിമുഖീകരിക്കുന്ന സാമ്പത്തികപ്രതിസന്ധിക്ക് ഒരു കാരണം അതുതന്നെയാണ്. സ്വന്തം രാജ്യത്തെ ജനങ്ങളെ പട്ടിണിക്കിട്ട് അന്യരാജ്യത്തെ ജനങ്ങളെ കൂട്ടക്കൊലചെയ്യുക എന്ന ഏറ്റവും നികൃഷ്ടമായ കുറ്റകൃത്യമാണ് അരങ്ങേറിയത്. അഞ്ച് ലക്ഷം സൈനികരാണ് ഇറാഖില്‍ സേവനമനുഷ്ഠിച്ചത്. ഇറാഖ് പ്രസിഡന്റായിരുന്ന സദ്ദാം ഹുസൈന്റെ ആയുധശേഖരത്തെക്കുറിച്ചുള്ള ഭീതിജനിപ്പിക്കുന്ന വ്യാജവെളിപ്പെടുത്തലുകളാണ് അമേരിക്ക അധിനിവേശത്തിന് കളമൊരുക്കിയത്.

ലോക ജനാഭിപ്രായം അവഗണിച്ച്, സമാധാനത്തിനുള്ള ആവര്‍ത്തിച്ചുള്ള അഭ്യര്‍ഥനകള്‍ തൃണവല്‍ഗണിച്ച് ഇറാഖിനുമേല്‍ , ബോംബുകള്‍ മഴയായി പെയ്യിച്ചു. കൂട്ടക്കൊലകളാണ് നടന്നത്. ഒടുവില്‍ പ്രസിഡന്റ് സദ്ദാം ഹുസൈനെ പിടികൂടി തൂക്കിക്കൊന്നു. ഇറാഖിന്റെ അധികാരസ്ഥാനങ്ങളിലുണ്ടായിരുന്ന പ്രധാനപ്പെട്ട എല്ലാവരെയും കൊന്നൊടുക്കി. ജീവഭയത്താല്‍ ഒളിച്ചുകഴിഞ്ഞവരെ പിടിച്ചുകൊണ്ടുപോയി കൊന്നുതള്ളുമ്പോഴും ഇറാഖിലെ "മാരകമായ" ആയുധശേഖരം കണ്ടെത്താനായില്ല. ഇല്ലാത്ത ആയുധക്കലവറകളുടെ പേരില്‍ ലോകത്തെ തെറ്റിദ്ധരിപ്പിച്ചാണ് കടന്നാക്രമണമുണ്ടായതെന്ന് സംശയാതീതമായി തെളിയിക്കപ്പെട്ടിരിക്കുന്നു. സദ്ദാം ഹുസൈന് ഭീകരസംഘടനകളുമായി ബന്ധമുണ്ടെന്നതും കള്ളപ്രചാരണമാണെന്നതില്‍ ഇന്ന് ആര്‍ക്കും സംശയമില്ല. അബുഗുറൈബ് തടവറയില്‍ യുദ്ധത്തടവുകാരെ മൃഗീയമായി പീഡിപ്പിച്ചതും സ്ത്രീകളും കുഞ്ഞുങ്ങളുമടക്കമുള്ള നിരപരാധികളായ ഇറാഖിപൗരന്മാരെ കൊന്നൊടുക്കിയതും അമേരിക്കന്‍ അധിനിവേശത്തിന്റെ ഒരുനാളും കരിയാത്ത മുറിവുകളായി അവശേഷിക്കുന്നു. തങ്ങളുടെ പ്രിയപ്പെട്ടവരെ എന്തിനുവേണ്ടി ഇറാഖില്‍ കൊലയ്ക്ക് കൊടുത്തു എന്ന സൈനിക കുടുംബങ്ങളുടെ ചോദ്യത്തിനുമുന്നില്‍ അമേരിക്കന്‍ ഭരണകൂടം തലകുനിക്കുകയാണ്. എന്തിനുവേണ്ടിയായിരുന്നു ഇറാഖ് അധിനിവേശം എന്ന ചോദ്യത്തിന് യുക്തിഭദ്രമായ ഉത്തരം നല്‍കാന്‍ അമേരിക്ക മടിക്കുന്നുവെങ്കിലും ലോകത്തിനുമുന്നില്‍ അക്കാര്യത്തില്‍ സംശയങ്ങളൊന്നും അവശേഷിക്കുന്നില്ല. ഇറാഖിന്റെ എണ്ണവിഭവങ്ങള്‍ കൊള്ളയടിക്കുക; അതിലൂടെ അമേരിക്കയുടെ ഇന്ധനലഭ്യതയും സാമ്പത്തികഭദ്രതയും ഉറപ്പാക്കുക എന്നതുമായിരുന്നു പരമപ്രധാനമായ ലക്ഷ്യം. യുദ്ധാനന്തരം തങ്ങളുടെ സാമ്പത്തിക ഉപഗ്രഹമായി ഇറാഖിനെ മാറ്റുകയും ജനാധിപത്യപരമായ പുറംമോടിയോടുകൂടിയ പാവഭരണത്തെ അവരോധിക്കുകയും അമേരിക്കന്‍ സ്വപ്നമായിരുന്നു. ഇറാഖില്‍ മാത്രമല്ല, ദക്ഷിണേഷ്യയെയും മധ്യേഷ്യയെയും പോലുള്ള നിര്‍ണായകമേഖലകളില്‍ അധീശത്വം സ്ഥാപിക്കുന്നതിനുള്ള എല്ലാ നീക്കങ്ങളും ഊര്‍ജവിഭവങ്ങളുടെ നിയന്ത്രണം കൈക്കലാക്കുന്നതിനുള്ളതാണ്. ഇറാഖില്‍ ആ തന്ത്രം പ്രതീക്ഷിച്ച വിജയം കണ്ടില്ല. അഫ്ഗാനിസ്ഥാനില്‍ അമേരിക്കന്‍ -നാറ്റോ ശക്തികള്‍ക്ക് ശ്രദ്ധേയമായ ഒരു നേട്ടവും കൈവരിക്കാന്‍ ഇന്നുവരെ കഴിഞ്ഞില്ല.

കൊല്ലപ്പെടുന്ന സാധാരണ പൗരന്മാരുടെ എണ്ണം വര്‍ധിക്കുകയാണ്. ഭീകരവിരുദ്ധ യുദ്ധത്തിന്റെ പേരില്‍ അമേരിക്ക തങ്ങളുടെ പരമാധികാരത്തെപ്പോലും അപകടപ്പെടുത്തുന്നതില്‍ പാകിസ്ഥാന്‍ പരസ്യമായി പ്രതിഷേധിച്ചിരിക്കുന്നു. തങ്ങളുടെ മാത്രമായ ന്യായങ്ങളുമായി അന്യരാജ്യങ്ങള്‍ കീഴ്പ്പെടുത്തുകയും ജനങ്ങളെ കൊന്നൊടുക്കുകയും ചെയ്യുന്ന അമേരിക്കന്‍ കാടത്തത്തിനെതിരായ പ്രതിഷേധം ലോകത്താകെ വ്യാപിക്കുന്നുണ്ട്. യുഎസ് സാമ്പത്തികതലസ്ഥാനമായ വാള്‍സ്ട്രീറ്റില്‍ നടന്ന ബഹുജനസമരത്തില്‍ ഉയര്‍ന്ന ഒരു മുദ്രാവാക്യം യുദ്ധക്കൊതി അടക്കൂ; ഞങ്ങള്‍ക്ക് ഭക്ഷണവും തൊഴിലും തരൂ എന്നതായിരുന്നു. അമേരിക്കന്‍ സാമ്രാജ്യത്വം സ്വന്തം രാജ്യത്തെ ജനങ്ങളോടും ലോക ജനതയോടാകെയും കണക്കുപറയേണ്ട ഘട്ടമാണ് ഉരുത്തിരിയുന്നത്. ഇറാഖ് യുദ്ധത്തിന്റെ നീക്കിബാക്കി എന്താണെന്നും അത് ലോകത്തെ എങ്ങനെ ബാധിച്ചെന്നും പറയാനുള്ള ബാധ്യതയില്‍നിന്ന് പിടിച്ചുനിര്‍ത്തി പറയിക്കുമെന്ന പ്രഖ്യാപനം അമേരിക്കയിലെ സമരവേദികളില്‍ത്തന്നെ ഉയര്‍ന്നത് സ്വാഗതാര്‍ഹമാണ്.---------------------------------------------------------------
ദേശാഭിമാനി മുഖ പ്രസംഗം..
ചിത്രങ്ങള്‍ : ഗൂഗിള്‍

ആനന്ദത്തില്‍ ആറാടുക നാം.. ഇവരുടെ കാര്യശേഷിയില്‍..

2011-09-21T11:26:00.001+05:30

2009 തെരഞ്ഞെടുപ്പു സത്യവാങ്ങ്മൂലത്തില്‍ കേന്ദ്ര മന്ത്രി പ്രഫുല്‍ പട്ടേലിന്റെ സ്വത്ത് 79 കോടി.. കഴിഞ്ഞ മാസം പ്രധാനമന്ത്രിയുടെ ഓഫീസ് പുറത്തു വിട്ട കണക്കു അനുസരിച്ച് പട്ടേലിന്റെ സ്വത്ത് 122 കോടി.. അതായത്, അദ്ദേഹം ഈ ഇരുപത്തെട്ടു മാസമായി ഓരോ ദിവസവും സ്വത്തിലേക്ക് അഞ്ചു ലക്ഷം രൂപ ചേര്‍ത്തുകൊണ്ടിരുന്നു..

------------

മൊത്തം മന്ത്രിമാരുടെ സ്വത്തു സമ്പാദനം വിശകലനം ചെയ്തിരിക്കുന്നു, പി.സായ് നാഥ് ഹിന്ദു പത്രത്തില്‍..

ആനന്ദത്തില്‍ ആറാടുക നാം.. ഇവരുടെ കാര്യശേഷിയില്‍..

നരമേധ രാഷ്ട്രീയത്തിന്റെ മാരീച വേഷം

2011-09-20T15:14:00.001+05:30

ഗുജറാത്തില്‍ ന്യൂനപക്ഷ സമുദായാംഗങ്ങളെ കൂട്ടത്തോടെ കൊന്നൊടുക്കിയ കേസിലെ മുഖ്യപ്രതി ആ സംസ്ഥാനത്തിന്റെ മുഖ്യമന്ത്രി തന്നെയാണ്. നരേന്ദ്രമോഡി എന്ന വര്‍ഗീയരാഷ്ട്രീയക്കാരന്റെ ക്രൂരതകളെക്കുറിച്ചോ ഗുജറാത്തിനെ വര്‍ഗീയവല്‍ക്കരിക്കാന്‍ മോഡിയുടെ നേതൃത്വത്തില്‍ നടത്തുന്ന നീക്കങ്ങളെക്കുറിച്ചോ ആര്‍ക്കും സംശയമില്ല. 2002ല്‍ വംശഹത്യക്ക് നേതൃത്വം കൊടുത്തതിന് മോഡി വിചാരണ നേരിടാന്‍ പോകുന്നു. വിചാരണയുമായി മുന്നോട്ടുപോകാനാണ് സുപ്രീംകോടതി കീഴ്ക്കോടതിയോട് കഴിഞ്ഞദിവസം ആവശ്യപ്പെട്ടത്. അതിനിടെയാണ്, ബിജെപിയുടെ ഭാവി പ്രധാനമന്ത്രി സ്ഥാനാര്‍ഥിയായി സ്വയം ഉയര്‍ത്തിക്കാട്ടി മാധ്യമങ്ങളുടെ വന്‍പിന്തുണയോടെ "മതസൗഹാര്‍ദത്തിനുവേണ്ടി" ഉപവാസമനുഷ്ഠിക്കാന്‍ മോഡി ഇറങ്ങിപ്പുറപ്പെട്ടത്.

വംശഹത്യാകേസില്‍ ആരംഭിക്കാനിരിക്കുന്ന വിചാരണയില്‍നിന്ന് ജനശ്രദ്ധ തിരിച്ചുവിടാനും സുപ്രീംകോടതി വിധി തെറ്റായി വ്യാഖ്യാനിക്കാനുമുള്ളതാണ് മോഡിയുടെ ഈ "സദ്ഭാവനായജ്ഞം" എന്ന് വ്യത്യസ്ത കോണുകളില്‍നിന്ന് പ്രതികരണമുയര്‍ന്നിട്ടുണ്ട്. അടുത്ത പ്രധാനമന്ത്രിസ്ഥാനാര്‍ഥി ആരാകണമെന്ന തര്‍ക്കം നടക്കുകയാണ് ബിജെപിയില്‍ . എല്‍ കെ അദ്വാനിയെ തട്ടിമാറ്റി കേന്ദ്രസ്ഥാനത്തേക്ക് വരാന്‍ ഒരുങ്ങിനില്‍ക്കുന്നയാളാണ് മോഡി. അങ്ങനെയൊരു കടന്നുകയറ്റത്തിന് പശ്ചാത്തലമൊരുക്കുന്നതിന്റെ ഭാഗമായാണ്, സര്‍വവിധ സന്നാഹങ്ങളുമൊരുക്കി സംഘടിപ്പിച്ച ഈ ത്രിദിന ഉപവാസം. അധികാരത്തില്‍നിന്ന് തുടര്‍ച്ചയായി രണ്ടാംതവണയും മാറ്റിനിര്‍ത്തപ്പെട്ട ബിജെപിയും അതിനെ നയിക്കുന്ന സംഘപരിവാറും വരാനിരിക്കുന്ന തെരഞ്ഞെടുപ്പുകളിലേക്ക് പുതിയ വര്‍ഗീയ അജന്‍ഡകള്‍ പരീക്ഷിക്കാനൊരുങ്ങുകയാണ്. അദ്വാനി രഥയാത്ര നടത്തുന്നു. ബിജെപി അധ്യക്ഷന്‍ നിതിന്‍ ഗഡ്കരി താനാണ് അധികാരകേന്ദ്രം എന്ന് സ്ഥാപിക്കാനുള്ള പ്രചാരണം ശക്തമായി നടത്തുന്നു. അതിനിടയിലാണ് മോഡിയുടെ രംഗപ്രവേശം. "അഴിമതിക്കെതിരായ പ്രചാരണത്തിന്" രഥയാത്ര നടത്തുമെന്ന് അദ്വാനി സ്വയം തീരുമാനിച്ച് പ്രഖ്യാപിച്ചതാണ്. മോഡിയുടെ ഗുജറാത്തില്‍നിന്ന് രഥയാത്രയ്ക്ക് തുടക്കംകുറിക്കാനും അദ്വാനി നിശ്ചയിച്ചിരുന്നു. പിന്നീട് ഉദ്ഘാടനവേദി ബിഹാറിലേക്ക് മാറ്റി.

ബിഹാര്‍ ഭരിക്കുന്നത് ബിജെപിയുടെ ഘടകകക്ഷിയായ ജനതാദള്‍ (യു) ആണ്. ആ പാര്‍ടിയാകട്ടെ, നരേന്ദ്രമോഡിക്കും അദ്ദേഹം നടത്തുന്ന ഉപവാസത്തിനുമെതിരെ പരസ്യനിലപാടെടുത്തിട്ടുണ്ട്. സ്വാഭാവികമായും മോഡിയോടുള്ള വെല്ലുവിളികൂടിയായാണ് ബിഹാറില്‍നിന്നുള്ള രഥയാത്രാത്തുടക്കം വ്യാഖ്യാനിക്കപ്പെടുന്നത്. മാത്രമല്ല, കോണ്‍ഗ്രസിന്റെ അഴിമതിക്കെതിരെ രഥയാത്ര നടത്തുന്നത്, ബിജെപിയുടെ അഴിമതിയില്‍ക്കുളിച്ച മുഖം കൂടുതലായി ചര്‍ച്ചചെയ്യപ്പെടാന്‍ കാരണമാകും എന്ന ആശങ്കയും ആ പാര്‍ടിയുടെ മുതിര്‍ന്ന നേതാക്കള്‍തന്നെ പ്രകടിപ്പിച്ചിട്ടുണ്ട്. അഴിമതിയുടെ കാര്യത്തില്‍ കോണ്‍ഗ്രസില്‍നിന്ന് ഒട്ടും ഭിന്നമല്ല ബിജെപിയെന്ന് ശവപ്പെട്ടി കുംഭകോണം മുതല്‍ പെട്രോള്‍പമ്പ്, ഖനി കുംഭകോണം വരെയുള്ള അഴിമതികള്‍ ചൂണ്ടിക്കാട്ടി വ്യക്തമാക്കപ്പെട്ടതാണ്. അണ്ണ ഹസാരെ സമരത്തെ ഹൈജാക്ക് ചെയ്യാനും ബാബാ രാംദേവിന്റെ പിന്നില്‍ അണിനിരക്കാനും ബിജെപി നടത്തിയ ശ്രമങ്ങള്‍ ഗുണംചെയ്യാതെപോയത് ഈ യാഥാര്‍ഥ്യം ജനങ്ങള്‍ക്ക് ബോധ്യമുള്ളതിനാലാണ്. അദ്വാനിയുടെ രഥയാത്രയെയും ഗഡ്കരിയുടെ അധികാര പ്രയോഗത്തെയും മറികടന്ന് ബിജെപിയില്‍ മേധാശക്തി സ്ഥാപിക്കുക എന്ന വ്യക്തമായ ഉദ്ദേശ്യവും നരേന്ദ്രമോഡിക്കുണ്ട്. അങ്ങനെ ബഹുമുഖമായ ലക്ഷ്യങ്ങള്‍ മനസ്സില്‍വച്ച് ഒരുക്കിയ ആസൂത്രിത നാടകമാണ് അദ്ദേഹത്തിന്റെ ഉപവാസം. മൂവായിരത്തിലേറെ മനുഷ്യരെ മണിക്കൂറുകള്‍ക്കുള്ളില്‍ അരുംകൊലചെയ്ത്, "മുസ്ലിങ്ങള്‍ ഒരു പാഠം പഠിക്കട്ടെ" എന്ന് ഉളുപ്പില്ലാതെ പറഞ്ഞ ഒരു നരാധമന്‍ ഒരു സുപ്രഭാതത്തില്‍ മതസൗഹാര്‍ദത്തിന്റെയും സാഹോദര്യത്തിന്റെയും പശ്ചാത്താപത്തിന്റെയും മന്ത്രങ്ങള്‍ പുലമ്പുന്നത് ബോധോദയമുണ്ടായിട്ടല്ല, കൂടുതല്‍ നശീകരണശേഷിയുള്ള അധികാരസ്ഥാനം സ്വപ്നം കണ്ടിട്ടാണെന്ന് ചുരുക്കം. ജനദ്രോഹനയങ്ങളുടെ സര്‍വകാല റെക്കോഡ് സൃഷ്ടിക്കുന്ന രണ്ടാം യുപിഎ സര്‍ക്കാരിന്റെ പരാജയവും ജനങ്ങളില്‍നിന്നുള്ള അകല്‍ച്ചയും തിരിച്ചുവരവിനുള്ള അവസരമാക്കിമാറ്റാനാണ് മോഡിയുടെ നീക്കം.

നിലവിലുള്ള രാഷ്ട്രീയസാഹചര്യത്തില്‍ ബദല്‍ ശക്തിയാകാന്‍ ബിജെപിക്കോ എന്‍ഡിഎയ്ക്കോ കഴിയില്ല എന്ന യാഥാര്‍ഥ്യം മനസ്സില്‍വച്ചുകൊണ്ട് ആസൂത്രണംചെയ്യുന്ന പരീക്ഷണംതന്നെയാണ് മോഡിയുടെ ഉപവാസവും അദ്വാനിയുടെ രഥയാത്രയും. ഇത്തരം തട്ടിപ്പുകള്‍ക്കെതിരെ എല്ലാ കോണുകളില്‍നിന്നും പ്രതിഷേധമുയരുന്നു എന്നതിന്റെ തെളിവാണ് നര്‍ത്തകിയും സാമൂഹ്യപ്രവര്‍ത്തകയുമായ മല്ലിക സാരാഭായിയെപ്പോലുള്ള പ്രശസ്ത വ്യക്തിത്വങ്ങളുടെ പരസ്യമായ രംഗപ്രവേശം. വംശഹത്യയെക്കുറിച്ച് മൗനം പാലിക്കുന്നതില്‍ പ്രതിഷേധിച്ച് ഗുജറാത്തിലെ സംഘപരിവാര്‍ ക്രൂരതകളുടെ ഇരകളെയടക്കം സംഘടിപ്പിച്ച് മോഡിയുടെ ഉപവാസകേന്ദ്രത്തിലേക്ക് മാര്‍ച്ച് നടത്താന്‍ ഒരുങ്ങിയപ്പോഴാണ് മല്ലികയെ അറസ്റ്റ് ചെയ്തത്. 2002ലെ ഗുജറാത്ത് വംശഹത്യയ്ക്കിടെ 90 പേര്‍ കൊല്ലപ്പെട്ട നരോദ പാട്യയില്‍നിന്നുള്ള 25 പേരാണ് മല്ലികയ്ക്കൊപ്പമുണ്ടായിരുന്നത്. മോഡിയുടെ വര്‍ഗീയ അജന്‍ഡയെ പ്രതിരോധിക്കാന്‍ കഴിയാതെ ഇരുട്ടില്‍തപ്പുന്ന കോണ്‍ഗ്രസ്, സബര്‍മതി ആശ്രമത്തിനു സമീപത്തെ നടപ്പാതയില്‍ രണ്ടുനേതാക്കളെ പകരം ഉപവാസമിരുത്തിയാണ് ചടങ്ങൊപ്പിച്ചത്.

യുപിഎയും എന്‍ഡിഎയും അല്ലാത്ത ബദല്‍ രാജ്യത്ത് ഉയര്‍ന്നുവരേണ്ടതിന്റെ അനിവാര്യതയിലേക്കാണ് ഈ സംഭവങ്ങളാകെ വിരല്‍ചൂണ്ടുന്നത്. നരേന്ദ്രമോഡി ഇന്നണിഞ്ഞ ആട്ടിന്‍തോല്‍ പിച്ചിച്ചീന്തി യഥാര്‍ഥ മോഡി ആരാണെന്നുംഎന്താണ് ഗുജറാത്തില്‍ നടന്നതെന്നും ജനങ്ങളോട് വിളിച്ചുപറയാന്‍ ബാധ്യതപ്പെട്ട മാധ്യമങ്ങള്‍ ഗുജറാത്ത് വംശഹത്യക്കാലത്ത് സ്വീകരിച്ച അതേനയം ഈ ഉപവാസനാടകത്തോടും സ്വീകരിച്ചതായി കാണുന്നു. മോഡിയെ മഹാനും ആദര്‍ശധീരനും ഭാവനാശാലിയായ ഭരണാധികാരിയുമാക്കി ചിത്രീകരിക്കാനുള്ള മത്സരം ബൂര്‍ഷ്വാ മാധ്യമങ്ങളെ ഭരിക്കുന്നു. പരസ്യങ്ങള്‍ക്കായി മോഡി ഗുജറാത്തിന്റെ ഖജനാവില്‍നിന്ന് അനേക കോടികള്‍ ഒഴുക്കുന്നു. അധികാരത്തെയും മാധ്യമങ്ങളെയും സമ്പത്തിനെയും വര്‍ഗീയവികാരത്തെയും ഉപയോഗിച്ചുള്ള യുദ്ധമാണ് ഈ പ്രകടനങ്ങളിലൂടെ ആരംഭിച്ചത്. ഇത് തിരിച്ചറിഞ്ഞ് മതനിരപേക്ഷശക്തികളാകെ ജാഗ്രതയോടെ പ്രതികരിക്കേണ്ട സമയം അതിക്രമിച്ചിരിക്കുന്നു.

(ദേശാഭിമാനി മുഖപ്രസംഗം)

ജനാവലിയുടെ രാഷ്ട്രീയം എന്ന സാമ്രാജ്യത്വ തന്ത്രം

2011-06-19T12:05:00.000+05:30

സാമൂഹ്യ പരിവര്‍ത്തനം വരുത്തുന്നതിനുള്ള ചരിത്രപരമായ ചുമതല തൊഴിലാളി വര്‍ഗത്തിനാണെന്നു മാര്‍ക്സ്.. അത് അരാഷ്ട്രീയ ജനാവലിയ്ക്കാണെന്നതിനു സൈദ്ധാന്തികമായ തെളിവുകളൊന്നും ഇതുവരെ മുന്നോട്ടു വെയ്ക്കപ്പെട്ടിട്ടില്ല. സൈദ്ധാന്തിക തെളിവുകളെന്നാല്‍ സമൂഹത്തിന്റെ ആന്തരിക ഘടനയെയും അതിലെ വിവിധ ഘടകങ്ങളെയും, അവ തമ്മിലുള്ള ബന്ധങ്ങളെയും, വൈരുധ്യങ്ങളെയും വിശകലനം ചെയ്തു വിവിധ ഘട്ടങ്ങളില്‍ സമൂഹത്തിലുണ്ടാകുന്ന സംഘര്‍ഷങ്ങളെ പഠന വിധേയമാക്കി, സാമൂഹ്യ ചലനത്തിന്റെ ദിശ നിര്‍ണയിക്കാനുള്ള ശേഷി അരാഷ്ട്രീയ ജനാവലിയില്‍ നിക്ഷിപ്തമായിരിക്കുന്നു എന്ന് തെളിയിക്കുന്ന സൈദ്ധാന്തിക രൂപങ്ങള്‍ എന്നര്‍ത്ഥം. അത്തരം സൈദ്ധാന്തിക രൂപങ്ങള്‍ ഇനിയും രൂപപ്പെട്ടിട്ടില്ല. വേറൊരു തരത്തില്‍ ലളിതമായി പറഞ്ഞാല്‍ സമൂഹം ആകെ രണ്ടു വര്‍ഗങ്ങളായി പിളര്‍ന്നു നില്‍ക്കുകയാണെന്നും എഴുതപ്പെട്ട ചരിത്രം മുഴുവന്‍ ഈ വിരുദ്ധ വര്‍ഗങ്ങള്‍ തമ്മിലുള്ള സംഘര്‍ഷമാണെന്നും ഈ സംഘര്‍ഷത്തില്‍ അന്തിമ വിജയം കൈവരിക്കുന്നതിലൂടെ തൊഴിലാളി വര്‍ഗം സോഷ്യലിസ്റ്റ്‌ വിപ്ലവം സാധ്യമാക്കുമെന്ന യുക്തിപൂര്‍ണവും ശാസ്ത്രത്തിന്റെ രീതി സമ്പ്രദായങ്ങള്‍ക്ക് ഉള്ളില്‍ നിന്നുകൊണ്ട് വികസിപ്പിചെടുത്തതുമായ ഒരു സിദ്ധാന്തത്തിനു വിരുദ്ധമോ, സമാന്തരമോ ആയ മറ്റൊന്ന് ജനാവലിയുടെ മുന്നേറ്റത്തെ സാധൂകരിക്കുന്നതായി ഇല്ല, എന്നര്‍ത്ഥം.

എന്നാല്‍ പശ്ചിമേഷ്യയിലും അറബ് സമൂഹങ്ങളിലും നടക്കുന്ന 'ജനാധിപത്യത്തിനായുള്ള ജനകീയ പ്രക്ഷോഭങ്ങളെ' മുന്‍ നിര്‍ത്തി ജനാവലിയുടെ രാഷ്ട്രീയ വിജയം പ്രഖ്യാപിക്കുന്ന നിരവധി രാഷ്ട്രീയ വിശകലനങ്ങള്‍ മലയാളത്തില്‍ വന്നു കഴിഞ്ഞു. അതില്‍ പ്രധാനപ്പെട്ട ഒന്നാണ്, 'വികസനാനന്തര രാഷ്ട്രീയത്തിന്റെ കേരളീയ പരിസരങ്ങള്‍' എന്ന തലക്കെട്ടില്‍ ടി.ടി.ശ്രീകുമാര്‍ മാധ്യമം വാരികയില്‍ (2011 ഏപ്രില്‍ 18 ) എഴുതിയ ലേഖനം. ശ്രീകുമാര്‍ മാത്രമല്ല, കേരളത്തിലെ മധ്യവര്‍ഗ ബുദ്ധിജീവികള്‍ ആകെ ഇക്കാര്യത്തില്‍ ആവേശ ഭരിതരാണ്. മുഖ്യധാരാ മാധ്യമങ്ങളും ലിറ്റില്‍ മാഗസിനുകളും അടങ്ങുന്ന മാധ്യമ ലോകമാകെ അറബ് ദേശങ്ങളിലെ ഫേസ് ബുക്ക്‌, ഓര്‍ക്കുട്ട് വിപ്ലവങ്ങളില്‍ ആവേശം കൊണ്ട് ലോകത്തെ മാറ്റിയെഴുതുന്നതിനുള്ള അധികാരാവകാശങ്ങള്‍ അരാഷ്ട്രീയ ജനാവലിയെയും സൂക്ഷ്മതല സാമൂഹ്യ സംഘര്‍ഷങ്ങളില്‍ വിപ്ലവരാഷ്ട്രീയത്തിന്റെ പദാവലികള്‍ ഉപയോഗിച്ച് ഇടപെടുന്ന നവ പ്രതിരോധ സംഘങ്ങളെയും ഏല്പിച്ചു കൊടുത്തിരിക്കുന്നു. ആസൂത്രിതമായ ഘടനയോ, കേന്ദ്രീകൃതമായ നേതൃത്വമോ ഉള്ള സുസംഘടിതമായ സമരങ്ങളല്ല ലോകത്തിന്റെ ഭാവി തീരുമാനിക്കുന്നതെന്നും, ചെറിയ സന്നദ്ധ സംഘടനകള്‍, കൊച്ചു പ്രസിദ്ധീകരണങ്ങള്‍, സൈബര്‍ കൂട്ടായ്മകള്‍, തുടങ്ങിയവയാണ് വമ്പന്‍ വിപ്ലവങ്ങള്‍ നയിക്കാന്‍ പോകുന്നതെന്നും അവര്‍ ആവേശം കൊള്ളുന്നു. ജമാ അത്തെ ഇസ്ലാമിയുടെ യുവജന വിഭാഗമായ സോളിഡാരിറ്റി മുതല്‍ വിവിധ ചെറു പരിസ്ഥിതി ഗ്രൂപ്പുകള്‍ വരെ ഇത് ഏറ്റു പാടുന്നു.

ഈജിപ്തിന്റെ ആകെ ജനസംഖ്യ എത്രയാണ് എന്ന ചോദ്യത്തിനു ഒരു സര്‍വ വിജ്ഞാന കോശത്തില്‍ നിന്നോ ഇന്റര്‍നെറ്റില്‍ നിന്നോ ഉത്തരം ലഭ്യമാണ്. എന്നാല്‍ ഈജിപ്തില്‍ എത്ര പേര്‍ക്ക് കമ്പ്യൂട്ടര്‍ - ഇന്റര്‍നെറ്റ്‌ സംവിധാനങ്ങള്‍ ലഭ്യമാണ്, എത്രപേര്‍ ഫെയ്സ് ബുക്കില്‍ അംഗങ്ങളാണ്, എത്രപേര്‍ സജീവമായി ഉപയോഗപ്പെടുത്തുന്നുണ്ട്, അവര്‍ സൈബര്‍ സന്ദേശങ്ങള്‍ കുറിച്ചത് ഇംഗ്ലീഷിലോ ഈജിപ്ഷ്യന്‍ ഭാഷയിലോ, ഇംഗ്ലീഷ് ഭാഷയില്‍ ആണെങ്കില്‍ എത്ര പേര്‍ ഇത്തരം ആശയ വിനിമയങ്ങള്‍ക്ക്‌ ഉതകുംവിധം ഇംഗ്ലീഷ് പഠിച്ചവരാണ് തുടങ്ങിയ ചോദ്യങ്ങള്‍ക്കൊന്നും ഉത്തരം ലഭിക്കുക എളുപ്പമല്ല. പക്ഷെ, ഈ ദത്തങ്ങള്‍ ഒന്നും ഇല്ലാതെ ഈജിപ്തിലെ സമര സംഘാടനത്തില്‍ ഫേസ് ബുക്കിന്റെ സ്വാധീനം എത്രയെന്നു എങ്ങിനെ ഉറപ്പിക്കും എന്ന ചോദ്യം ആരും ചോദിക്കുന്നില്ല. ഇന്റര്‍ നെറ്റിലൂടെ കുറിച്ചിടുന്ന അപൂര്‍ണവും കൃത്യതയില്ലാതതുമായ കുറിപ്പുകളാണ് ആയിരക്കണക്കിന് പ്രക്ഷോഭകരെ പ്രക്ഷോഭത്തിന്റെ സൂചിമുനയിലേക്ക് കൊണ്ടുവന്നതെന്ന കേവല വിശ്വാസവും പ്രചാരണവും സാമാന്യ ബുദ്ധിയുള്ള ഒരാള്‍ക്കും മുഖവിലയ്ക്ക് എടുക്കുവാനാവില്ല. എന്നാല്‍ അറബ് മുല്ലപ്പൂ - താമരപ്പൂവ് വിപ്ലവങ്ങള്‍ക്ക് പിന്നില്‍ സുസംഘടിതമായ ഒരു സമര സംഘടന പ്രത്യക്ഷത്തില്‍ കാണാന്‍ ഉണ്ടായിരുന്നില്ലെന്നത് ഒരു സത്യമാണ്. ഈ വിടവിനുള്ളില്‍ ആഗോള രാഷ്ട്രീയത്തിന്റെ വെളിപ്പെടാത്ത ഒരു മുഖം ഗുപ്തമായിരിക്കുന്നു. ഈജിപ്തിലും ടുനീഷ്യയിലും പ്രക്ഷോഭകര്‍ ക്ക് അന്തിമ വിജയം നേടിക്കൊടുത്തത് ജനകീയ വികാരമല്ലെന്നും പട്ടാളം നടത്തിയ കാലുമാറ്റം ആണെന്നുമുള്ള വസ്തുതയെ ആവുന്നത്ര മറച്ചു വെക്കാന്‍ എല്ലാ ഉത്തരാധുനിക വിശകലങ്ങളും ശ്രമിക്കുന്നതില്‍ നിന്ന് ചില സത്യങ്ങള്‍ വായിചെടുക്കെണ്ടതുണ്ട്. ഇതൊരു പ്രധാനപ്പെട്ട സംഗതിയാണ്. ഒരു രാജ്യത്തിന്റെ പട്ടാളം ഫെയ്സ്ബൂക്കിലെ കുറിപ്പ് വായിച്ചു രാജ്യത്തിന്റെ ഭാവിയെ സംബന്ധിച്ച നിര്‍ണായകമായ തീരുമാനം കൈ ക്കൊള്ളു മെന്നു വിശ്വസിക്കുവാന്‍ മാത്രം ബുദ്ധി ശൂന്യരാണ് ലോക ജനതയെന്നു വരുമോ? സംശയമുള്ളവര്‍ ഇക്കാര്യത്തില്‍ ലിബിയയെക്കൂടി ചേര്‍ത്തുവെച്ചു വായിക്കുക. ലിബിയയില്‍ പട്ടാളം ഗദ്ദാഫിയെ കൈവിട്ടില്ല. അത്തരമൊരവസ്ഥ യില്‍ വിപ്ലവം വിജയിപ്പിക്കുവാന്‍ ഏത് തരം പൂമണം പ്രസരിപ്പിച്ചതുകൊണ്ടും കാര്യമില്ലെന്നും സാമ്രാജ്യത്ത്വം ഇടപെടുകയാണ് വേണ്ടതെന്നും അമേരിക്ക, ഫ്രാന്‍സ്, ബ്രിട്ടന്‍ സഖ്യത്തിന് മനസ്സിലായി എന്നത് ഒരു ചൂണ്ടു പലകയാണ്. സാമ്രാജ്യത്വം നേരിട്ടിറങ്ങാതെ കാര്യം നടക്കുമെങ്കില്‍ എല്ലാ വിധ 'പൂമണങ്ങളും' ഒരു മറ മാത്രമാണ്. അവ പരാജയപ്പെടുന്നിടത്ത് സാമ്രാജ്യത്വം അതിന്റെ ക്രൂര ദംഷ്ട്രങ്ങളുമായി ഇറങ്ങുകയും ചെയ്യും. അറബ് ലോകത്തെ അരാഷ്ട്രീയ ജനാവലിയുടെ മുന്നേറ്റങ്ങളെ പ്രകീര്‍ത്തിച്ച മാധ്യമങ്ങള്‍ തന്നെ ലിബിയയിലെ സാമ്രാജ്യത്വ ഇടപെടലിനെ ന്യായീകരിക്കുന്നതും കാണാം. 'ജനാധിപത്യത്തിന്റെ കാറ്റ് ലിബിയയിലും എത്തട്ടെ..' എന്ന തലക്കെട്ടില്‍ 2011 മാര്‍ച്ച്‌ 21 ന് ദീപിക ദിനപത്രം എഴുതിയ മുഖ പ്രസംഗം അത്തരത്തില്‍ ഒന്നാണ്.

'യു.എന്‍. പ്രമേയത്തിന്റെ അടിസ്ഥാനത്തില്‍ വെടി നിര്‍ത്തല്‍ പ്രഖ്യാപിച്ചില്ലെങ്കില്‍ ലിബിയയില്‍ ഇടപെടുമെന്ന മുന്നറിയിപ്പ് അവഗണിച്ചു പ്രക്ഷോഭങ്ങള്‍ക്കെതിരെ സൈനിക നടപടികളുമായി മുന്നോട്ടു പോയതാണ് അവിടെ വ്യോമാക്രമണം നടത്താന്‍ പാശ്ചാത്യ ശക്തികളെ നിര്‍ബന്ധിതരാക്കിയത്' എന്ന് പറഞ്ഞാണ് മുഖപ്രസംഗം ഒരു രാജ്യത്തിന്റെ ആഭ്യന്തര സംഘര്‍ഷത്തില്‍ സാമ്രാജ്യത്വം ഇടപെടുന്നതിനെ നീതിമല്‍ക്കരിക്കുന്നത്. ഇത് ഈജിപ്തിനും ടുനീഷ്യയ്ക്കും ബാധകമാണ്. പൂമണ വിപ്ലവങ്ങള്‍ പരാജയപ്പെട്ടിരുന്നുവെങ്കില്‍ തീര്‍ച്ചയായും അവിടെ സാമ്രാജ്യത്വം ഇടപെടുമായിരുന്നു എന്ന സൂചനയാണ് നമുക്ക് ഇതില്‍നിന്നു വായിച്ചെടുക്കാന്‍ കഴിയുന്നത്‌.

സാമ്രാജ്യത്വം അതിന്റെ പദ്ധതികള്‍ വളരെ ആസൂത്രിതമായി നടപ്പിലാക്കുന്നത് തന്നെയാണ്. യാദൃശ്ചികമായി പൊട്ടി വീഴുന്ന നിമിത്തങ്ങള്‍ക്ക് വേണ്ടി അവര്‍ കാത്തിരിക്കാരില്ലെന്നതിനു ലോകചരിത്രത്തില്‍ വിശേഷാല്‍ തെളിവുകള്‍ അന്വേഷിക്കേണ്ട കാര്യമില്ല. എന്ന് പറഞ്ഞാല്‍ അതിന്റെയര്‍ത്ഥം ഉത്തരാധുനികര്‍ പ്രകീര്‍ത്തിക്കുന്ന എല്ലാ ജനാവലി മുന്നേറ്റങ്ങളുടെയും അങ്ങേയറ്റത്ത്‌ ഒരു സാമ്രാജ്യത്വ കരം ഉണ്ടെന്നു തന്നെയാണ്. ഒന്ന് കൂടി. ഇന്നത്തെ വ്യാപകമായ പ്രചരണങ്ങളിലൂടെ ഉത്തരാധുനികര്‍ സംഘടിത പ്രസ്ഥാനങ്ങള്‍ക്ക്‌ പകരം വെക്കാന്‍ ശ്രമിക്കുന്നത് അരാഷ്ട്രീയ ജനാവലിയെയല്ല, സാമ്രാജ്യത്വത്തെ തന്നെയാണ്. സാമ്രാജ്യത്വ ഇടപെടല്‍ ചിലപ്പോള്‍ പരാജയപ്പെടാമെന്നും ഒന്നരയോ രണ്ടോ ദശകങ്ങള്‍ കഴിയുമ്പോള്‍ അവ വെളിപ്പെടുത്തപ്പെടാമെന്നുമാണ് പശ്ചിമ ബംഗാളിലെ പുരുളിയയില്‍ നടത്തിയ ആയുധ വര്‍ഷം സംബന്ധിച്ചവെളിപ്പെടുത്തലുകള്‍ (ദേശാഭിമാനി, ഏപ്രില്‍ 29 ) വ്യക്തമാക്കുന്നത്. ഇന്ത്യയുടെയും ബ്രിട്ടന്റെയും ഇന്റലിജെന്‍സ് എജെന്‍സികള്‍, പാക്കിസ്ഥാന്‍ വിമാനം, ബ്രിട്ടീഷ് - ഡാനിഷ് പൌരന്മാര്‍, ഇന്ത്യന്‍ ഭരണ കക്ഷി ഇവയെല്ലാമായിരുന്നു അന്നതില്‍ കണ്ണി ചേര്‍ന്നതെന്ന് പരിപാടിയുടെ മുഖ്യ ആസൂത്രകന്‍ നീല്‍സ് ക്രിസ്ത്യന്‍ നീല്‍സണ്‍ എന്ന കിം ഡേവി വെളിപ്പെടുത്തിയതാണ് വാര്‍ത്ത. അന്നീ ഗൂഡാലോചന വിജയിച്ചിരുന്നുവെങ്കില്‍ പശ്ചിമ ബംഗാളിലെ കമ്മ്യുണിസ്റ്റ് എകാധിപത്യതിനെതിരായി അവിടുത്തെ അരാഷ്ട്രീയ ഗ്രാമീണ ജനാവലി നടത്തിയ നിഷ്കളങ്കമായ ചെറുത്തു നില്‍പ്പിന്റെ കഥകള്‍ ലോകമെങ്ങും വ്യാപിക്കുമായിരുന്നു.

ജനാവലിയുടെ മുന്നേറ്റ ങ്ങള്‍ക്ക് നിരവധി ഉദാഹരണങ്ങള്‍ ടി.ടി.ശ്രീകുമാറിന്റെ മുന്‍പ് പറഞ്ഞ ലേഖനത്തില്‍ വിശദമാക്കുന്നുണ്ട്. 1989 - ല്‍ ബെര്‍ലിന്‍ മതില്‍ തകര്‍ത്തതും, 1997 - ല്‍ സോവിയെറ്റ് യൂണിയനില്‍ യെനായെവിനെ പുറത്താക്കിയതും റുമാനിയയില്‍ യെഷസ്ക്യുവിനെയും ഫിലിപ്പീന്‍സില്‍ ജോസഫ്‌ എസ്ട്രഡോയെയും പുറത്താക്കിയതും എല്ലാം ഇതില്‍ ഉള്‍പ്പെടുന്നു. 1989 നും 1991 നും ഇടയില്‍ 1990 എന്നൊരു വര്‍ഷം ഉണ്ടെന്നും ആ വര്‍ഷമാണ്‌ സോവിയെറ്റ് യൂണിയന്‍ തകര്‍ന്നതെന്നും ഉള്ള കാര്യങ്ങള്‍ ശ്രീകുമാര്‍ മനപൂര്‍വം വിട്ടുകളഞ്ഞതാകാനിട. സോവിയെറ്റ് യൂണിയന്റെ തകര്‍ച്ച കൂടി പരാമര്‍ശിക്കപ്പെട്ടിരുന്നെങ്കില്‍ അതിനു മുന്‍പുള്ള ശീതയുദ്ധക്കാലവും അക്കാലത്തെ സാമ്രാജ്യത്വ തന്ത്രങ്ങളും സോവിയെറ്റ് യൂണിയനില്‍ 'ജനാധിപത്യം സ്ഥാപിക്കുന്നതിനുള്ള' സാമ്രാജ്യത്വ ഇടപെടലുകളും ഓര്‍ക്കേണ്ടി വരുമായിരുന്നു. ഉത്തരാധുനിക ചിന്തകന്മാരുടെ ഒരു പ്രധാന കഴിവ് അവര്‍ ഓര്‍ക്കാനാഗ്രഹിക്കുന്നത് മാത്രമേ അവരുടെ ഓര്‍മകളില്‍ വരികയുള്ളൂ എന്നതാണ്. അത് പോലെ, അവര്‍ ആധുനിക ശാസ്ത്രത്തിന്റെ രീതി സമ്പ്രദായങ്ങളെ തള്ളിക്കളയുകയും ചെയ്യുന്നു. അതുകൊണ്ടാണ് ഈജിപ്തിലെ ഫെയ്സ്ബൂക് വിപ്ലവത്തെ സാധൂകരിക്കാന്‍ ആവശ്യമായ ദത്തങ്ങളൊന്നും ലഭ്യമല്ലെങ്കിലും അവയ്ക്ക് തങ്ങളുടെ വിശ്വാസ സത്യങ്ങള്‍ക്ക് ആവര്‍ത്തിച്ചു സാക്ഷ്യം പറയാന്‍ കഴിയുന്നത്‌.

ഇതിന്റെയര്‍ത്ഥം ജനാവലി യുടെ രാഷ്ട്രീയം എന്നത് പ്രചരണങ്ങളില്‍ മാത്രം നിലനില്‍ക്കുന്ന ഒന്നാണെന്നല്ല. അതിന്റെ പ്രായോഗിക രൂപങ്ങള്‍ സൃഷ്ടിച്ചു കൊടുക്കാനുള്ള നിരവധി പ്രവര്‍ത്തനങ്ങള്‍ നടക്കുന്നുണ്ട്. പുരുളിയയില്‍ അത് വിഫലമായെങ്കില്‍ അണ്ണാ ഹസാരെ എന്ന അഴിമതി വിരുദ്ധ ബിംബം നിര്‍മിച്ചെടുത്തത്തിലൂടെ അതിനു വിജയിച്ച ഒരു മാതൃകയും ഉണ്ടായി. അണ്ണാ ഹസാരെ അഞ്ചു ദിവസമാണ് ഉപവസിച്ചത്‌. വളരെ കുറഞ്ഞ ദിവസങ്ങള്‍ കൊണ്ട് മാധ്യമങ്ങളുടെയും മധ്യവര്‍ഗ സമൂഹത്തിന്റെയും പിന്തുണയോടെ അഴിമതിക്കെതിരായ ഒരു വലിയ പ്രക്ഷോഭമായി അത് മാറി. ഈ ലോക്പാല്‍ നിയമം വരികയോ വരാതിരിക്കുകയോ ചെയ്യാം. അത് വന്നാലും ഒരു ബൂര്‍ഷ്വാ ഭരണ കൂടത്തിലെ അഴിമതികള്‍ നിര്‍ബാധം തുടരുമെന്നതില്‍ ആര്‍ക്കും സംശയം ഒന്നുമില്ല. കാരണം, അഴിമതി ബൂര്‍ഷ്വാ രാഷ്ട്രീയത്തിന്റെ സഹജ സ്വഭാവമാണ്. എന്നാല്‍, അണ്ണാ ഹസാരെ വിജയകരമായി പൂര്‍ത്തിയാക്കിയ ഒരു ദൌത്യം ഉണ്ട്. അത് മറ്റൊന്നുമല്ല; അഴിമതിക്ക് എതിരായ സമരത്തില്‍ നിന്ന് രാഷ്ട്രീയക്കാരെ ഒഴിച്ച് നിര്‍ത്തണമെന്ന മധ്യവര്‍ഗ മോഹത്തെ ഇന്ത്യന്‍ മനസ്സില്‍ ഉറപ്പിച്ചെടുത്തു എന്നതാണത്. ഒറ്റപ്പെട്ട വ്യക്തിത്വങ്ങളെ ജനങ്ങളുടെ ഇച്ചയ്ക്ക് പകരം വെയ്ക്കുന്ന അതെ ജനാവലിയുടെ രാഷ്ടീയം തന്നെയാണ് അണ്ണാ ഹസാരെ സ്ഥാപിച്ചെടുക്കാന്‍ ശ്രമിക്കുന്നത്.

കേരളത്തിലെ സൂക്ഷ്മതല രാഷ്ട്രീയത്തിന്റെ പ്രായോഗിക മേഖലയില്‍ ഇത് പ്രാവര്‍ത്തികമാക്കാനുള്ള നിരവധി പരീക്ഷണങ്ങള്‍ നടന്നിട്ടുണ്ട്. വികസനത്തിന്റെ കാര്യത്തില്‍ രാഷ്ട്രീയം മാറ്റി വെക്കണമെന്ന സമയായ മുദ്രാവാക്യം മുതല്‍ കേരളത്തില്‍ പുതിയ പാഠപദ്ധതിയില്‍ അടങ്ങിയിരിക്കുന്ന ക്ലാസ് മുറിയിലെ ജ്ഞാനോല്പാദനം എന്ന സങ്കല്‍പ്പതിനെതിരായ മത സംഘടനകളുടെ നീക്കം വരെ ഈ പുതിയ രാഷ്ട്രീയത്തിന്റെ പരീക്ഷണ ശാലകള്‍ ആയിരുന്നു. മുത്തങ്ങ മുതല്‍ ചെങ്ങറ വരെ ഉള്ള സമര മുഖങ്ങളില്‍ കണ്ടതും ഇത് തന്നെ. പ്ലാച്ചിമടയില്‍ നടന്ന പ്രക്ഷോഭങ്ങളില്‍ ഒരിടത്തും രാഷ്ട്രീയത്തിന്റെ മുദ്ര പതിയരുത് എന്ന് അതിന്റെ സംഘാടകരും സ്പോന്‍സര്‍മാരും നിര്‍ബന്ധം പിടിച്ചപ്പോള്‍ വെളിവായത് ഇത് തന്നെ.

സംഘടിത പ്രസ്ഥാനങ്ങളെ തകര്‍ക്കുക എന്ന് പറഞ്ഞാല്‍ തൊഴിലാളികളുടെയും ദുര്‍ബലരുടെയും അവകാശ പോരാട്ടങ്ങളെ തകര്‍ക്കുക എന്നെ അര്‍ത്ഥമുള്ളൂ. കാരണം, മുതലാളിത്തത്തിന് സംഘടനകളും പ്രസ്ഥാനങ്ങളും ആവശ്യമില്ല. നിലനില്‍ക്കുന്ന വ്യവസ്ഥിതിയിലെ ആധിപത്യം എന്ന അനുകൂല ഘടകം മുതലാളിത്തത്തിന് ഇപ്പോള്‍ ഉണ്ട്. ചെറുത്തുനില്‍പ്പുകള്‍ക്കാണ് സംഘടിത രൂപവും അതിനെ നിലനിര്‍ത്താനുള്ള പ്രത്യയ ശാസ്ത്രവും വേണ്ടത്. അതുകൊണ്ട് കേരളത്തിലെ കമ്മ്യുണിസ്റ്റ് തൊഴിലാളി വിരുദ്ധ ശക്തികള്‍ക്കു ജനകീയതയുടെയും പോരാട്ടത്തിന്റെയും കപട മുഖം നല്‍കാനുള്ള ഒരു പ്രചാരണ യുദ്ധത്തിന്റെ പെരുമ്പറ അണിയറയില്‍ മുഴങ്ങുന്നത് കാതോര്‍ത്താല്‍ ആര്‍ക്കും കേള്‍ക്കാവുന്നതെ ഉള്ളൂ..

(ശാസ്ത്രഗതി മാസിക (ജൂണ്‍ 2011 ) / ജോജി കൂട്ടുമ്മേല്‍ എഴുതിയ ലേഖനം)

രാജ്യദ്രോഹികളുടെ ഇടതുപക്ഷവേട്ട

2011-04-29T08:22:00.005+05:30

ഒഞ്ചിയം വെടി വെപ്പിനു തൊട്ടു മുന്‍പ് ഒരു സാമ്രാജ്യത്വ ഉദ്യോഗസ്ഥന്‍ പരിസരത്ത് വന്നു താമസിച്ചു ആസൂത്രണം നടത്തി എന്ന് പറയുമ്പോള്‍, ഓ! ഈച്ചയെ കൊല്ലാന്‍ ആരെങ്കിലും വെടി വെക്കുമോ എന്ന് പരിഹസിക്കുന്നവര്‍ക്ക്, ബംഗാളിലെയും കേരളത്തിലെയും തെരഞ്ഞെടുപ്പുകളില്‍ അമേരിക്ക ഇടപെടുന്നു എന്ന ആരോപണത്തെ പരിഹസിക്കുന്നവര്‍ക്ക്, വോട്ടിനു കോഴ ഇടപാടില്‍ അമേരിക്കന്‍ പണം ഒഴുകി എന്ന് പറയുമ്പോള്‍, അയ്യേ എന്ന് പറയുന്നവര്‍ക്ക്.. ഈ മുഖപ്രസംഗം സമര്‍പ്പിക്കുന്നു:

പശ്ചിമബംഗാളിലെ പുരൂളിയയില്‍ 16 കൊല്ലംമുമ്പ് വിദേശവിമാനത്തില്‍നിന്ന് വന്‍ ആയുധശേഖരം വര്‍ഷിച്ച സംഭവത്തെക്കുറിച്ചുള്ള പുതിയ വെളിപ്പെടുത്തല്‍ ഇന്ന് പശ്ചിമബംഗാളില്‍ ഇടതുപക്ഷത്തെ തകര്‍ക്കാന്‍ നടക്കുന്ന കൈവിട്ട കളികളുമായി കൂട്ടിവായിക്കേണ്ടതാണ്. ഇന്ത്യയില്‍ ഇടതുപക്ഷത്തിന്റെ വേരറുക്കാന്‍ എന്തും ചെയ്യാനുള്ള സാമ്രാജ്യത്വത്തിന്റെ കൈയറപ്പില്ലായ്മയാണ് പുരൂളിയയിലെ ആയുധവര്‍ഷത്തിനുപിന്നിലും. കേരളത്തില്‍ ഇ എം എസ് സര്‍ക്കാരിനെ അട്ടിമറിക്കാന്‍ പണവും തന്ത്രങ്ങളുമൊഴുക്കിയ അതേശക്തികള്‍; ഇന്ത്യന്‍ ഇടതുപക്ഷം ക്ഷയിച്ചുകാണാന്‍ ഇടതടവില്ലാതെ കരുക്കള്‍ നീക്കുന്നവര്‍; അതിനായി പണംകൊണ്ടും ആയുധംകൊണ്ടും മനസ്സുകളെ പാട്ടിലാക്കാനുള്ള കൗശലങ്ങള്‍കൊണ്ടും യുദ്ധംചെയ്യുന്നവര്‍- അവര്‍തന്നെയാണ് പുരൂളിയയില്‍ ആയുധങ്ങള്‍ വര്‍ഷിച്ചതെന്നാണ് കുറ്റകൃത്യത്തില്‍ പങ്കാളികളായവരുടെ വെളിപ്പെടുത്തല്‍. ആയുധവര്‍ഷം രാഷ്ട്രീയഗൂഢാലോചനയുടെ ഭാഗമായിരുന്നുവെന്നും അന്നത്തെ കേന്ദ്രസര്‍ക്കാരിന് അത് അറിയാമായിരുന്നുവെന്നുമാണ് ഡെന്‍മാര്‍ക്കില്‍ അറസ്റ്റിലായ കിം ഡേവി വെളിപ്പെടുത്തിയത്. ഇന്ത്യന്‍ രഹസ്യാന്വേഷണ ഏജന്‍സിയായ റോയുടെയും ബ്രിട്ടനിലെ സുരക്ഷാ ഏജന്‍സിയുടെയും അറിവോടെയായിരുന്നു ആയുധവര്‍ഷമെന്ന് ഒരു ടെലിവിഷന്‍ ചാനലിന് നല്‍കിയ അഭിമുഖത്തിലാണ് കിം ഡേവിവെളിപ്പെടുത്തിയത്. ആനന്ദമാര്‍ഗി സന്ന്യാസിസംഘത്തിന് ആയുധം നല്‍കി പശ്ചിമബംഗാളിലെ ഇടതുമുന്നണി സര്‍ക്കാരിനെ അട്ടിമറിക്കാന്‍ ശ്രമിക്കുന്നുവെന്ന് അന്നുതന്നെ ശക്തമായ ആരോപണം നിലനിന്നിരുന്നു. വെറുതെ വെളിപ്പെടുത്തിയതല്ല, കുറ്റവിചാരണയ്ക്കായി ഇന്ത്യക്ക് കൈമാറാന്‍ സാധ്യത തെളിഞ്ഞപ്പോള്‍ കുറ്റസമ്മതത്തിന് കിം ഡേവി നിര്‍ബന്ധിതനാവുകയാണുണ്ടായത്. പാകിസ്ഥാനില്‍നിന്നാണ് പുരൂളിയയിലേക്ക് വിമാനം വന്നത്. അത് ഇന്ത്യയുടെ അനുവാദമില്ലാതെ അസാധ്യമാണെന്ന് ഓര്‍മിപ്പിച്ചുകൊണ്ട്, പിന്നീട് തനിക്ക് രക്ഷപ്പെടാന്‍ സാഹചര്യമൊരുക്കിയതും ഇന്ത്യയിലെ ഉന്നതവൃത്തങ്ങള്‍തന്നെയാണെന്ന് ഡേവി വെളിപ്പെടുത്തുന്നു. ഡെന്‍മാര്‍ക്കില്‍ ഉണ്ടെന്നറിഞ്ഞിട്ടും ഡേവിയെ പിടികൂടാന്‍ സിബിഐ താല്‍പ്പര്യം കാട്ടാഞ്ഞതിനെതിരെ നേരത്തെതന്നെ കടുത്ത വിമര്‍ശമുയര്‍ന്നിരുന്നു. ആനന്ദമാര്‍ഗി സംഘാംഗമായ ഡേവിയാണ് ആയുധവര്‍ഷത്തിന്റെ യഥാര്‍ഥ സൂത്രധാരന്‍. കഴിഞ്ഞ ഏപ്രിലിലാണ് അയാള്‍ അറസ്റ്റിലായത്. അന്ന് വിമാനത്തിലുണ്ടായിരുന്ന ആയുധവ്യാപാരി പീറ്റര്‍ ബ്ലീച്ചാകട്ടെ, അല്‍പ്പംകൂടി വ്യക്തമായി, പശ്ചിമബംഗാള്‍ സര്‍ക്കാരിനെ അസ്ഥിരപ്പെടുത്താന്‍തന്നെയായിരുന്നു ആയുധവര്‍ഷമെന്നാണ് പറയുന്നത്. ആ സമയത്ത് പാകിസ്ഥാനില്‍നിന്ന് ഇന്ത്യന്‍ ആകാശാതിര്‍ത്തിയിലേക്ക് പറന്ന ലാറ്റ്വിയന്‍ വിമാനം ശ്രദ്ധിക്കപ്പെടാതിരിക്കാന്‍ വ്യോമസേനയുടെ റഡാര്‍ പ്രവര്‍ത്തിപ്പിച്ചിരുന്നില്ലെന്നും ബ്ലീച്ച് സാക്ഷ്യപ്പെടുത്തുന്നു. അന്ന് കോണ്‍ഗ്രസ് ഭരണമായിരുന്നു. പി വി നരസിംഹറാവു ആയിരുന്നു പ്രധാനമന്ത്രി. രാജ്യം ഭരിക്കുന്ന സര്‍ക്കാര്‍തന്നെ, ഇന്ത്യയുടെ ആഭ്യന്തരസുരക്ഷയെ വെല്ലുവിളിച്ച് ഇടതുപക്ഷവേട്ടയ്ക്കൊരുങ്ങി എന്നത് പൊറുക്കാനാകുന്ന സംഭവമല്ല. രാഷ്ട്രീയമായി ഇടതുമുന്നണിയെ നേരിടാന്‍ കഴിയാത്തതിനാല്‍ അക്രമത്തിലൂടെയും തീവ്രവാദപ്രവര്‍ത്തനങ്ങളിലൂടെയും അരാജകത്വം സൃഷ്ടിക്കാനാണ് വലതുപക്ഷം എന്നും ശ്രമിച്ചത്. പ്രതിപക്ഷത്തിരിക്കുന്ന കോണ്‍ഗ്രസ് കേന്ദ്ര സര്‍ക്കാരിന്റെ സംവിധാനങ്ങളെയും സൈന്യത്തെപ്പോലും ഇതിന് ഉപയോഗിച്ചു. പശ്ചിമബംഗാളിലെ ഡാര്‍ജിലിങ്ങിലും കൂച്ച്ബിഹാറിലും പ്രത്യേക സംസ്ഥാന വാദക്കാരെ പ്രോത്സാഹിപ്പിച്ചു. മാവോയിസ്റ്റ് കൂട്ടക്കൊലയ്ക്ക് സഹായം നല്‍കുന്ന തൃണമൂല്‍ കോണ്‍ഗ്രസിനൊപ്പം മാര്‍ക്സിസ്റ്റുവിരുദ്ധ മഹാസഖ്യത്തില്‍ പങ്കാളിയാകാന്‍ കോണ്‍ഗ്രസ് അറച്ചുനില്‍ക്കുന്നില്ല അവിടെ. കഴിഞ്ഞ ലോക്സഭാ തെരഞ്ഞെടുപ്പില്‍ ബിജെപിയെ പിന്തുണച്ച വിഘടനവാദ പാര്‍ടിയായ ഗൂര്‍ഖാ ജനമുക്തി മോര്‍ച്ച ഇപ്പോള്‍ തൃണമൂല്‍ കോണ്‍ഗ്രസ്- കോണ്‍ഗ്രസ് സഖ്യത്തിലാണ്. ബംഗാളിന്റെ പടിഞ്ഞാറന്‍ ഭാഗമായ പശ്ചിമ മിഡ്നാപുര്‍, ബാങ്കുറ, പുരൂളിയ എന്നീ മൂന്നു ജില്ലകളുടെ ചില ഭാഗങ്ങള്‍ ചേരുന്ന ജാര്‍ഖണ്ഡ് സംസ്ഥാനത്തിന്റെ അതിര്‍ത്തിപ്രദേശത്താണ് മാവോയിസ്റ്റ് ഗ്രൂപ്പുകളുടെ കേന്ദ്രീകരണം. അവിടെ മാവോയിസ്റ്റുകളെ പരസ്യമായി സഹായിക്കുകയാണ് കോണ്‍ഗ്രസ്. മാത്രമല്ല, മാവോയിസ്റ്റുകള്‍ക്കെതിരായ നടപടികളില്‍ വെള്ളംചേര്‍ക്കുന്നു. മാവോയിസ്റ്റുകളുടെ സഹായത്തോടെയാണ് നന്ദിഗ്രാം- സിംഗൂര്‍ കലാപങ്ങള്‍ സൃഷ്ടിച്ചത്. ഇന്ന് മാവോയിസ്റ്റുകളെങ്കില്‍ അന്ന് ആനന്ദമാര്‍ഗികളായിരുന്നു. സിപിഐ എമ്മിന്റെ നേതാക്കളെയും പ്രവര്‍ത്തകരെയുമാണ് മാവോയിസ്റ്റ്- തൃണമൂല്‍ സഖ്യം കൊല്ലുന്നതും ആക്രമിക്കുന്നതും. അതിന് ചൂട്ടുപിടിക്കുകയാണ് കോണ്‍ഗ്രസ്. ഇന്നും അന്നും ഒരുപോലെ, രാജ്യത്തിന് പുറത്തെ ശക്തികളെയും ഉപയോഗപ്പെടുത്തി അട്ടിമറിശ്രമം നടന്നു എന്നാണ് പുരൂളിയ സംഭവത്തിലെ പുതിയ വിവരങ്ങളിലൂടെ തെളിഞ്ഞത്. ഇതിനുപിന്നില്‍ ആരൊക്കെയെന്ന് കണ്ടെത്തുകയും അവരെ രാജ്യദ്രോഹക്കുറ്റത്തിന് വിചാരണചെയ്ത് പരമാവധി ശിക്ഷ വാങ്ങിക്കൊടുക്കുകയും ചെയ്യാനുള്ള സമയം വല്ലാതെ അതിക്രമിച്ചിരിക്കുന്നു. ഇന്ത്യയുടെ ആഭ്യന്തരസുരക്ഷ പണയപ്പെടുത്തിയും ഇടതുപക്ഷഭരണത്തെ തകര്‍ക്കണമെന്ന് തോന്നിയവര്‍ മാപ്പര്‍ഹിക്കുന്നില്ല. ഒളിഞ്ഞും തെളിഞ്ഞും ഇതേപണിചെയ്യുന്നവര്‍ ഈ കേരളത്തിലുമുണ്ട്. അത്തരം ശക്തികള്‍ക്ക് എത്രവലിയ ശിക്ഷ നല്‍കിയാലും അധികമാകില്ല. സമഗ്രമായ അന്വേഷണം; കുറ്റവാളികളോടുള്ള കാരുണ്യരഹിതമായ സമീപനം- അതേമാര്‍ഗമുള്ളൂ. അതിന് ബന്ധപ്പെട്ടവര്‍ തയ്യാറാകുന്നില്ലെങ്കില്‍ ആ ധാര്‍ഷ്ട്യത്തിന് മറുപടി പറയാന്‍ ജനങ്ങളുടെ ശക്തി ഉയര്‍ന്നുവരണം.

ദേശാഭിമാനി മുഖപ്രസംഗം

17 ലക്ഷം മലയാളികളെ കണ്ടവരുണ്ടോ?

2010-11-07T05:01:00.000+05:30

പിണറായിയുടെ ചിരി

2010-10-28T11:56:00.000+05:30

ഗൂഗിള്‍ ബസ്സില്‍ ഇന്നലെ ഒരു ചര്‍ച്ചയ്ക്കിടയില്‍ സഖാക്കളുടെ സ്വഭാവം, പെരുമാറ്റം, ശരീര ഭാഷ തുടങ്ങിയ കാര്യങ്ങളെ പറ്റി പൊരിഞ്ഞ ചര്‍ച്ച നടന്നു.. അപ്പോള്‍ തോന്നിയതാണ്, ഇങ്ങനെ ഒരു പോസ്റ്റ്‌ വേണമെന്ന്..

---------------------------------------------------------------------

കഴിഞ്ഞ ദിവസം കണ്ണൂര്‍ തെരഞ്ഞെടുപ്പു സംബന്ധിച്ച് മുല്ലപ്പള്ളിയുടെ പത്ര സമ്മേളനം.. ഒരു ആനയുടെ തലയെടുപ്പുണ്ടെന്നു തോന്നിക്കുവാന്‍ വേണ്ടി കേന്ദ്ര മന്ത്രി പത്രക്കാരെ നോക്കിക്കൊണ്ട്‌ തല ഇങ്ങനെ പെടെസ്ടല്‍ ഫാന്‍ തിരിയുംപോലെ ആട്ടിക്കൊണ്ടിരുന്നു.. നല്ല പാല്‍ പുഞ്ചിരി പൊഴിച്ചുകൊണ്ട്‌ പത്രക്കാരുടെ ചോദ്യങ്ങളെ പ്രോല്‍സാഹിപ്പിച്ചുകൊണ്ട്‌ അങ്ങിനെ.. എന്നെ ഒന്ന് promote ചെയ്യൂ എന്ന് ആ മുഖത്ത് വായിച്ചെടുക്കാം.നിങ്ങളില്ലെങ്കില്‍ എനിക്കെന്താഘോഷം എന്ന മട്ടില്‍. പത്രക്കാരും അങ്ങിനെ തന്നെ, പരസ്പരം തലോടിക്കൊണ്ട്...ഇനിയും ചോദിക്കൂ, ചോദിക്കൂ, എന്നെക്കൊണ്ട് എന്തെങ്കിലും പറയിക്കൂ എന്ന ഭാവത്തില്‍ വിനയാന്വിതനായി മുല്ലപ്പള്ളി.. ഒരു പുതു തലമുരക്കാരന് തോന്നും, ഓ എന്തൊരു മന്ത്രി, എന്തൊരു സ്വഭാവം! ആ ശരീരഭാഷ കണ്ടാല്‍ പോരെ, വാരിയെടുത്ത് ഉമ്മവെക്കാന്‍ തോന്നും... ഒടുക്കം പത്രക്കാരുടെ ചോദ്യങ്ങള്‍ തീര്‍ന്നു.. തീര്‍ന്നോ എന്നൊരു ചോദ്യം! എന്നാ ശരി എന്ന് പറഞ്ഞുകൊണ്ട് മന്ത്രി എഴുന്നേല്‍ക്കുന്നു.. അടുത്ത് വന്ന ചില പത്രപ്രവര്‍ത്തകരോട് കുശലം പറയുന്നു, ചിരിക്കുന്നു, പുറത്തു തട്ടുന്നു...കെട്ടിപ്പിടിക്കുന്നു.. ഒരാളുടെ കൈയിലെ മൊബൈല്‍ ഫോണ്‍ സംബന്ധിച്ച് ചില കൊച്ചു വര്‍ത്തമാനങ്ങള്‍ പറയുന്നു... അങ്ങനെ ഒരു രംഗം തീരുന്നു...

---------------------------------------------------------------------

പത്തു മിനിട്ടിനു ശേഷം പിണറായിയുടെ പത്രസമ്മേളനം.. പ്രസ്താവന നടത്തിക്കൊണ്ടിരിക്കുമ്പോള്‍ പാറ പോലെ ഉറച്ച ആ മുഖത്ത് പ്രത്യേകിച്ച് ഒരു വികാരവും ഇല്ല.. അല്പം ചില വാചകങ്ങള്‍ക്ക് ശേഷം അദ്ദേഹം ഒന്ന് അമര്‍ന്നിരുന്നു.. ഇനി ചോദ്യങ്ങളാകട്ടെ എന്ന് പറയാതെ പറഞ്ഞു.. ചോദ്യങ്ങള്‍ തുടങ്ങി.. ചോദ്യങ്ങള്‍ക്ക് പതറാതെ ഉള്ള കൃത്യമായ മറുപടി.. വാചാടോപങ്ങളില്ല.. ഒരു വാക്ക് കൂട്ടിചെര്‍ക്കാനോ എടുത്തു മാറ്റാനോ ഇല്ല.. ചിരിക്കുമ്പോള്‍ തന്നെ ചിരി ശരിക്ക് തെളിയുന്നില്ല.. വല്ലാത്തൊരു ഗൌരവം.. പത്രക്കാരുടെ ചോദ്യങ്ങളും വെറും ചോദ്യങ്ങള്‍.. ഉത്തരങ്ങള്‍ പാര്‍ട്ടി നിലപാടുകളില്‍ ഊന്നി നിന്നുകൊണ്ട്.. പിണറായി വിജയന്‍ എന്ന വ്യക്തി അവിടെ എങ്ങുമില്ല, പാര്‍ട്ടി സെക്രട്ടറി മാത്രം.. പിന്നെ അല്‍പനേരം ചോദ്യങ്ങളില്ല.. പിന്നെ രണ്ടു കൈയും കൊണ്ട് ശരി എന്ന് പറഞ്ഞുകൊണ്ട് എഴുന്നേറ്റു.. അല്പം കൂനിക്കൊണ്ടു തല ഒരു പ്രത്യേക ആംഗിളില്‍ ഉയര്‍ത്തിക്കൊണ്ടു പിണറായി പോയി.. ആരും പിന്നാലെ പോയില്ല.. ചിരിയില്ല, കളിയില്ല..

----------------------------------------------------------------------

കുറച്ചു കാലം മുന്‍പ് വരെ എല്ലാ പി ബി യോഗങ്ങളും 'നിര്‍ണായകം' ആയിരുന്നുവെന്നു വായനക്കാര്‍ക്ക് ഓര്‍മയുണ്ടാകും.. അങ്ങിനെ ഒരു യോഗത്തിന് പിണറായി ഡല്‍ഹിയില്‍ എത്തി.. പത്രപ്രവര്‍ത്തകര്‍ ചോദിച്ച ചോദ്യങ്ങള്‍ക്ക് പിണറായിയും വി.എസ്സും അടക്കം ആരും ഒന്നും മറുപടി പറഞ്ഞില്ല.. അതായത് ചാനലുകളില്‍ നിരന്നിരുന്ന ചര്‍ച്ചാ ജീവികള്‍ക്ക് കൃത്യമായ വിഷയം കിട്ടിയില്ലാ.. ഒരു ചാനലില്‍നിന്നും ഒരു ശുംഭന്‍ അവതാരകന്‍ വിളിച്ചു ചോദിച്ചു: 'മറുപടിയൊന്നും കിട്ടിയില്ല എങ്കിലും, പിണറായിയുടെ ശരീര ഭാഷയില്‍ നിന്നും എന്തെങ്കിലും നമുക്ക് വായിചെടുക്കാമോ?' റിപ്പോര്‍ട്ടര്‍ എന്ന അമുല്‍ ബേബി എന്ത് പറയുമെന്ന് അറിയാമായിരുന്നതിനാല്‍ ഞാന്‍ എഴുന്നേറ്റു പുറത്തു പോയി.. വിശദമായി ഒന്ന് കാര്‍ക്കിച്ചു തുപ്പി..

----------------------------------------------------------------------

അടിയന്തരാവസ്ഥ കാലത്ത് മുല്ലപ്പള്ളി മലബാറിന്റെ ചുമതലയുള്ള കമാണ്ടര്‍ ആയിരുന്നു.. ഇന്ദിരയുടെയും കരുണാകരന്റെയും കമാണ്ടര്‍.. ആ കാലത്താണ് പിണറായി വിജയന്‍ എന്ന വിദ്യാര്‍ഥി നേതാവിന് മര്‍ദ്ദനം എല്ക്കുന്നത്.. മുതുകിന്റെ വലിവിനും ഒട്ടനവധി ശാരീരിക വിഷമതകള്‍ക്കും കാരണമായ മര്‍ദ്ദനം .. പ്രത്യക്ഷമായും പരോക്ഷമായും മുല്ലപ്പള്ളി മര്ദ്ദകനും പിണറായി മര്‍ദ്ദിതനും ആയിരുന്നു..മുല്ലപ്പള്ളിയുടെ ചിരി മര്ദ്ദകന്റെ ചിരിയും പിണറായിയുടെ ചിരി മര്‍ദ്ദനം ഏറ്റവന്റെ വേദനയും പോരാട്ട വീര്യവും തുളുമ്പുന്ന ചിരിയും ആണ്.. ചിരികളിലെ ശ്ലീലാശ്ലീലങ്ങള്‍ തിരിച്ചറിയണമെങ്കില്‍, ഓരോ ചിരിയുടെയും പിന്നിലുള്ള ജീവിതം എന്താണെന്ന് അറിയണം..

----------------------------------------------------------------------

പോരെങ്കില്‍, ഇതൊന്നു വായിച്ചു നോക്കൂ:

പോരാളിയുടെ ശരീരഭാഷ

'ഞെട്ടിപ്പിക്കുന്ന' വാര്‍ത്തകള്‍ വരും...

2010-10-20T09:50:00.001+05:30

തെരഞ്ഞെടുപ്പു അടുക്കുന്നു... ആകെ നോക്കുമ്പോള്‍ ഇടതു പക്ഷത്തിനു ഒരു മേല്‍ക്കൈ ... മറുപക്ഷത്ത് ഒരു അങ്കലാപ്പ്.. ഇപ്പോള്‍ വരും രക്ഷകന്മാര്‍... വരുന്ന രണ്ടു മൂന്നു ദിവസങ്ങളില്‍ 'ഞെട്ടിപ്പിക്കുന്ന' വാര്‍ത്തകള്‍ കേള്‍ക്കാന്‍ ഒരുങ്ങിക്കോളൂ.. ഒരു കൊടുങ്കാറ്റിനു മുന്‍പുള്ള ശാന്തതയാണ് ഇപ്പോള്‍ ന്യൂസ്‌ ഹൌറിലും മറ്റു ചാനല്‍ ചര്‍ച്ചകളിലും..

ഒഞ്ചിയം ഈ ലോകത്തേക്കാള്‍ വലുതാണ്‌..

2010-10-18T05:23:00.000+05:30

ദൈവത്തിന്റെ വികൃതികള്‍ എന്ന നോവലില്‍ ഒരു മുകുന്ദന്‍ കഥാപാത്രം ഇങ്ങനെ പറയുന്നുണ്ട് : ഫ്രാന്‍സ് ലോകത്തേക്കാള്‍ വലുതാണ്‌.. ഇപ്പോള്‍ കേരളമെങ്ങും ചര്‍ച്ച ചെയ്യുന്ന ഒന്ജിയവും ഇങ്ങനെ ലോകത്തേക്കാള്‍ വലുതാണെന്ന് തോന്നും വലതുപക്ഷ മാധ്യമങ്ങളില്‍ ചര്‍ച്ചകള്‍ കാണുമ്പോള്‍. അവരുടെ ലാളന ഏല്‍ക്കുന്ന പുത്തന്‍ വിപ്ലവകാരികള്‍ക്കും അങ്ങനെ തോന്നും. അതായത്, രണ്ടു പഞ്ചായത്തില്‍ വല്ലതും ചെയ്യാനായാല്‍ വിപ്ലവം നടത്തിയ ആശ്വാസം!! ഇപ്പോള്‍ വിപ്ലവം നടത്തുന്നതിന് അവിടുത്തെ ലീഗുകാരും കൊണ്ഗ്രെസ്സുകാരും സഹായിക്കാമെന്നു കരാര്‍ ഉണ്ടാകിയിട്ടും ഉണ്ട്‌..

ലോകസഭാ തെരഞ്ഞെടുപ്പു വേളയില്‍ മുല്ലപ്പള്ളിയും 'പുത്തന്‍ മാര്‍ക്സിസ്റ്റ്‌ പാര്‍ട്ടി' യും തമ്മിലുള്ള കരാര്‍ വടകരയില്‍ ചര്‍ച്ചാവിഷയം ആയിരുന്നു. അവര്‍ക്ക് 50000 വോട്ടെങ്കിലും ഉണ്ടാവും എന്നാണു അവകാശ വാദം ഉന്നയിച്ചിരുന്നത്. കിട്ടിയതോ, വെറും 20000. ബാക്കി വോട്ടു എവിടെയെന്നോ? വിപ്ലവകാരികള്‍ മുല്ലപ്പള്ളിക്ക് മറിച്ച് കൊടുത്തു.. ആഹ്ലാദ ഭരിതരായി മനസ്സുഖതോടെ വിപ്ലവകാരികള്‍ കിടന്നുറങ്ങി. ഇപ്പോള്‍ അതിന്റെ രണ്ടാം അദ്ധ്യായം നടക്കുന്നു.

പഞ്ചായത്ത്‌ തെരഞ്ഞെടുപ്പില്‍ ഒഞ്ചിയം, അഴിയൂര്‍, ഏറാമല, ചോറോട് പഞ്ചായത്തുകളില്‍ നഗ്നമായ സഖ്യതിലാണ് വിപ്ലവകാരികളും UDF ഉം. വ്യാപകമായി കണ്ടു വരുന്ന ഈ സഖ്യത്തിന് ന്യായീകരണം എന്താണെന്ന ചോദ്യത്തിനു CPIM നെ തോല്‍പ്പിക്കുവാന്‍ ഏതു ചെകുത്താനെയും കൂട്ടുമെന്നും ആരുടേയും വോട്ട വാങ്ങുമെന്നും അവര്‍ പരസ്യമായി തന്നെ പറയുന്നു. ഒഞ്ചിയം പഞ്ചായത്തില്‍ പകുതി വാര്‍ഡുകളില്‍ UDF നു സ്ഥാനാര്‍ഥികള്‍ ഇല്ല.. അവര്‍ പുത്തന്‍ വിപ്ലവകാരികള്‍ക്ക് പിന്തുണ കൊടുക്കുന്നു. പഴയ പാര്‍ട്ടിക്ക് വിപ്ലവം പോരാഞ്ഞു പോയ കുലം കുത്തികള്‍ ഇപ്പോള്‍ വിപ്ലവം പൂര്‍ത്തീകരിക്കുവാന്‍ ലീഗ് - കോണ്‍ഗ്രസ്‌ നേതാക്കളുടെ മടകളില്‍ അടയിരിക്കുകയാണ്.. കഴിഞ്ഞ ദിവസം ഒരു കുടുംബ സഹായ പിരിവിനു വേണ്ടി സര്‍വ കക്ഷി പ്രതിനിധികള്‍ ഒരു ലീഗ് നേതാവിന്റെ വീട്ടില്‍ പോയപ്പോള്‍ അവിടെ അടച്ചിട്ട വാതിലിനു പിറകില്‍ 'പുത്തന്‍ വിപ്ലവകാരികള്‍' ലീഗ് നേതാവുമായി ചര്‍ച്ച നടത്തുകയായിരുന്നു. ഇത് നാട്ടില്‍ പാട്ടാണ്..
പലയിടങ്ങളിലും UDF പ്രവര്‍ത്തകര്‍ അവരുടെ പുതിയ ബന്ധുക്കള്‍ക്കുവേണ്ടി പരസ്യമായി വോട്ടു പിടിക്കുകയാണ്.

ഇനി, ആരൊക്കെയാണ് പുത്തന്‍ വിപ്ലവ പാതയില്‍? പാര്‍ട്ടിയിലെ വിഭാഗീയതയില്‍ കക്ഷി ചേര്‍ന്ന് സ്വന്തം വാശികളുടെ വഴിക്ക് പാര്‍ട്ടിയെ നയിക്കുവാന്‍ കഴിയാതിരുന്നവര്‍, പല കാര്യങ്ങള്‍ കൊണ്ട് അസംതൃപ്തി പേറുന്ന ചിലര്‍, ചില നേതാക്കള്‍ പറയുന്നതെല്ലാം ശരിയെന്നു ധരിക്കുന്ന ചില സാധാരണ അനുഭാവികള്‍.. പിന്നെ ശ്രദ്ധിക്കേണ്ടുന്ന ഒരു വിഭാഗം ആരെന്നോ? കഴിഞ്ഞ പത്തിരുപതു വര്‍ഷത്തിനിടയ്ക്ക് സാമ്പത്തിക തട്ടിപ്പ്, പാര്‍ട്ടി വിരുദ്ധ - സമൂഹ വിരുദ്ധ പ്രവര്‍ത്തനങ്ങള്‍ കാരണം പാര്ട്ടിയില്‍നിന്നും പുറത്താക്കിയവര്‍. വര്‍ഷങ്ങളായി അവര്‍ പാര്‍ട്ടിക്കെതിരെ പക കൊണ്ട് നടക്കുകയായിരുന്നു... (ഇതില്‍ പലരും നാട്ടില്‍ പ്രസംഗിക്കാതെ അന്യ ദേശങ്ങളില്‍ പോയി പ്രസംഗിക്കുകയാണ്..)

ജനങ്ങള്‍ തിരിച്ചറിഞ്ഞു തുടങ്ങിയിരിക്കുന്നു... പാര്‍ലിമെന്റ് തെരഞ്ഞെടുപ്പില്‍ ചീയാന്‍ തുടങ്ങിയ 'വിപ്ലവകാരികള്‍' പഞ്ചായത്ത് തെരഞ്ഞെടുപ്പോടെ അഴുകിതുടങ്ങിയിരിക്കുന്നു.. ഈ ദുര്‍ഗന്ധം വമിക്കുന്ന രാഷ്ട്രീയ വൈകൃതത്തെ ജനം കുടഞ്ഞെറിയുക തന്നെ ചെയ്യും.. അല്പം താമസിച്ചാലും.. തല്‍ക്കാലം രണ്ടോ മൂന്നോ പഞ്ചായത്തില്‍ അവര്‍ ചൊറിഞ്ഞ് രസിക്കട്ടെ ... വേണമെങ്കില്‍ പുതിയ സഹായികള്‍ ചൊറിഞ്ഞ് തരും... എല്ലാവരെയും എല്ലാ കാലത്തേക്കും തെറ്റിദ്ധരിപ്പിക്കുവാന്‍ ആര്‍ക്കും കഴിയില്ലെന്ന് തെളിയുക തന്നെ ചെയ്യും.. തെറ്റിദ്ധരിക്കപ്പെട്ട സാധാരണ പ്രവര്‍ത്തകര്‍ തിരിച്ചുവരിക തന്നെ ചെയ്യും..

ഒഞ്ചിയം ഈ ലോകത്തേക്കാള്‍ വലുതാണ്‌..

നടക്കാത്ത (നടക്കരുതാത്ത) സ്വപ്നം..

2010-04-30T11:05:00.002+05:30

(മാതൃഭൂമി ആഴ്ചപ്പതിപ്പില്‍ 'വായനക്കാര്‍ എഴുതുന്നു' എന്ന പംക്തിയില്‍ കെ.രാജഗോപാലന്‍, വടകര എഴുതിയ കത്ത്..)

കെ.എം.ഷാജാഹാനുമായുള്ള അഭിമുഖം (88 :5) കേരള രാഷ്ട്രീയത്തില്‍ കഴിഞ്ഞ ഒരു ദശകത്തോളം ഉള്ള കാലഘട്ടത്തിലെ ശ്രദ്ധേയമായ സംഭവങ്ങളുടെ ഓര്‍മ പുതുക്കലായി. ഷാജഹാന്‍ പറയുന്നതുപോലെ, പ്രതിപക്ഷ നേതാവെന്ന നിലയില്‍ വി.എസ്. നടത്തിയ പ്രവര്‍ത്തനങ്ങള്‍ അദ്ദേഹത്തിന്റെ പാര്‍ട്ടിയുടെ ജനകീയ അടിത്തറ വികസിപ്പിക്കുക എന്ന ലക്ഷ്യത്തോടെ തന്നെയായിരുന്നു. അന്നോളം ഒരു രാഷ്ട്രീയ നേതാവും ചെന്നിട്ടില്ലാത്ത കൈയേറ്റ ഭൂമികളിലേക്ക് പ്രായം മറന്നുകൊണ്ടുള്ള സാഹസിക യാത്രകള്‍, പരിസ്ഥിതി സംരക്ഷണത്തിനായി നടത്തിയ പോരാട്ടങ്ങള്‍, എന്‍ഡോസള്‍ഫാന്‍ കീടനാശിനിക്കെതിരെയും അതിന്റെ ക്രൂരതയ്ക്കിരയായ നിസ്സഹായരായ മനുഷ്യ ജീവികള്‍ക്ക് അനുകൂലമായും എടുത്ത നിലപാടുകള്‍, യു.ഡി.എഫിന്‍റെ കാലത്ത് സ്ഥിരമായി അരങ്ങേറിയ സ്ത്രീ പീഡനങ്ങള്‍ക്ക് എതിരെയുള്ള വിട്ടുവീഴ്ചയില്ലാത്ത യുദ്ധങ്ങള്‍, ഓണ്‍ലൈന്‍ ലോട്ടറി മാഫിയക്കെതിരെയുള്ള പട നീക്കങ്ങള്‍, ഇവയെല്ലാം തന്നെ സി.പി.ഐ.എമ്മിന്റെ പ്രഖ്യാപിത നയങ്ങള്‍ നടപ്പിലാക്കാന്‍ ബാധ്യസ്ഥനായ ഒരു പാര്‍ട്ടി നേതാവിന്റെ സാഹസികത്വത്തോളം എത്തിനില്‍ക്കുന്ന കര്‍മ പരിപാടികള്‍ തന്നെ ആയിരുന്നു. എന്നാല്‍, നമ്മുടെ മാധ്യമങ്ങള്‍ പൊതുവേ, ഇക്കാലത്ത് വളര്‍ത്തി എടുത്ത രീതി ജനാധിപത്യ വ്യവസ്ഥ തങ്ങളില്‍ അര്‍പിച്ച മഹത്തായ കടമകള്‍ സത്യസന്ധമായി നിര്‍വഹിക്കാന്‍ സ്വയം അനുവദിക്കുന്ന തരത്തിലുള്ളതല്ലായിരുന്നു എന്ന് വേദനയോടെ രേഖപ്പെടുത്തെണ്ടിയിരിക്കുന്നു. സി.പി.ഐ.എമ്മിന്‍റെ സംഘടനാ വിഭാഗത്തിന് പല കാരണങ്ങളാല്‍ ഇടപെടാന്‍ പരിമിതിയുള്ള മേഖലകളിലേക്കാണ് കേരളത്തിന്റെ പ്രതിപക്ഷ നേതാവെന്ന സ്ഥാനം ഉപയോഗിച്ച് നിയമ വിധേയമായിതന്നെ, വി.എസ്. കടന്നു കയറിയത്. ആ അര്‍ത്ഥത്തില്‍ സി.പി.ഐ.എമ്മിനെ സംബന്ധിച്ചിടത്തോളം അതിന്റെ സംഘടനാ വിഭാഗവും പരസ്പര പൂരകമായും അങ്ങേയറ്റം ഫലപ്രദമായും സാധാരണ ജനങ്ങളുടെ പ്രശ്നങ്ങളില്‍ ഇടപെട്ട ആവേശകരമായ ഒരു കാലഘട്ടമായിരുന്നു അത്. എന്നാല്‍ ഈ കാഴ്ചപ്പാടോടെ സ: വി.എസ്സിന്‍റെ പ്രതിപക്ഷ നേതാവെന്ന നിലയിലുള്ള കര്‍തവ്യ നിര്‍വഹണത്തെ സ്വീകരിക്കുവാന്‍ നിര്‍ഭാഗ്യ വശാല്‍ നമ്മുടെ മാധ്യമങ്ങള്‍ പൊതുവേ തയ്യാറല്ലായിരുന്നു. അവര്‍ അതിനെ 'വി.എസ്. - പാര്‍ട്ടി പോര്' എന്നും 'പാര്‍ട്ടി സംഘടനയില്‍ നിന്ന് വി.എസ്. മാറി നിന്ന് പ്രവര്‍ത്തിക്കുന്നു' എന്നും 'പാര്‍ട്ടിയെ വിശ്വാസത്തില്‍ എടുക്കാതെ ആണ് വി.എസ്.പ്രവര്‍ത്തിച്ചത്' എന്നും അപഖ്യാതി പറയുക മാത്രമല്ല, വി.എസ്സിന്‍റെ ലക്‌ഷ്യം പാര്‍ട്ടി പിടിച്ചെടുക്കുകയാണ് എന്നുവരെയുള്ള അതി സാഹസിക നിരീക്ഷണങ്ങള്‍ നിരത്തി, തങ്ങളുടെ ശുദ്ധ ഗതിക്കാരായ വായനക്കാരെ രസിപ്പിക്കുകയും ചെയ്തു.

മറ്റേതു പാര്‍ട്ടിയെയും പോലെ സി.പി.ഐ.എമ്മില്‍ പ്രവര്‍ത്തിക്കുന്നവര്‍ക്കും പല കാര്യങ്ങളിലും വ്യത്യസ്ത അഭിപ്രായം ഉണ്ടാകും. അത് സ്വാഭാവികമാണ്. അത് പോലെ, ഇടതുപക്ഷത് അണിനിരന്ന പാര്ട്ടികലായാലും ഓരോ പാര്‍ട്ടിയിലെയും നേതാക്കളായാലും എല്ലാ കാര്യങ്ങളിലും ഒരേ അളവിലും ഒരേ രീതിയിലും തന്നെയുള്ള അഭിപ്രായങ്ങള്‍ ഉണ്ടാവണമെന്നു നിര്‍ബന്ധം പിടിക്കുന്നതില്‍ അര്‍ഥം ഇല്ല. ഇന്ത്യന്‍ സാഹചര്യങ്ങളിലെ അനുഭവങ്ങള്‍ വെച്ച് നോക്കുമ്പോള്‍, ആ പാര്‍ട്ടികളിലും കുറഞ്ഞ അളവിലാനെന്കിലും നിക്ഷിപ്ത താല്പര്യക്കാര്‍ ഉണ്ടാകും. പക്ഷെ, സി.പി.ഐ.എം അനുവര്‍ത്തിച്ചു വരുന്ന ഉള്‍പാര്‍ട്ടി ജനാധിപത്യ ശൈലി, അത്തരം നിക്ഷിപ്ത താല്പര്യങ്ങള്‍ക്ക് അനുഗുണമാം വിധം വളക്കൂറുള്ള മണ്ണ് ഒരുക്കുന്നില്ല എന്ന് ഉറപ്പ് വരുത്തിപ്പോരുന്നുണ്ട്.

നാലാം ലോകത്തിനെതിരെ പാര്‍ട്ടിയിലും പുറത്തും വലിയ ചര്‍ച്ചകള്‍ നടന്നു. അതിന്റെ അന്ത്യത്തില്‍, നാലാം ലോക പ്രചാരണത്തിന് ചുക്കാന്‍ പിടിച്ചയാളെ, അയാള്‍ അഗാധ പണ്ഡിതന്‍ ആയിരുന്നിട്ടു കൂടി പാര്‍ട്ടി പുറത്താക്കി എന്നതല്ലേ, സത്യം? ഓണ്‍ലൈന്‍ ലോട്ടറി സമ്പ്രദായത്തിനു എതിരെ വി.എസ് ശബ്ദം ഉയര്‍ത്തിയപ്പോള്‍ പാര്‍ട്ടിക്കുള്ളില്‍ അതിനെ വിമര്‍ശിച്ചത് തോമസ്‌ ഐസക് ആണെന്ന് ഷാജഹാന്‍ വെളിപ്പെടുത്തുന്നു. ഇന്നിപ്പോള്‍ അവസ്ഥ എന്താണ്? അതേ തോമസ്‌ ഐസക് തന്നെ ഓണ്‍ലൈന്‍ ലോട്ടറി ക്കെതിരെ ശക്തമായി പട നയിക്കുന്നു. പ്രതിപക്ഷ നേതാവായിരിക്കുമ്പോള്‍ എന്‍ഡോ സള്‍ഫാനെതിരെ പട നയിച്ചുകൊണ്ട് അദ്ദേഹം ആ വിഷം ദുരിതം വിതച്ച സ്ഥലങ്ങളില്‍ എത്തിയപ്പോള്‍, പ്രാദേശിക സി.പി.ഐ.എം നേതൃത്വം സഹകരിച്ചിരുന്നില്ല എന്ന് ഷാജഹാന്‍ വെളിപ്പെടുത്തുന്നു. ഇന്നിപ്പോള്‍ സ്ഥിതി എന്താണ്? പര്ട്ടിയോന്നാകെ എന്‍ഡോ സള്‍ഫാന്‍ നിരോധനം ആവശ്യപ്പെടുകയാണ്. യു.ഡി.എഫിന്‍റെ കൃഷി മന്ത്രിയായിരുന്ന ഗൌരി അമ്മ എന്‍ഡോ സള്‍ഫാന്‍ പ്രയോഗത്തെ മറയില്ലാതെ ന്യായീകരിക്കുകയും അതിന്റെ ദുരിതം പേറിക്കൊണ്ടു ജീവച്ഛവമായി കഴിയുന്ന നിര്‍ഭാഗ്യവാന്മാരെ ഒന്ന് കാണുവാന്‍ പോലും കൂട്ടാക്കാതിരിക്കുകയും ചെയ്ത സ്ഥാനത്ത്, ഇടതു പക്ഷ സര്‍ക്കാരിന്‍റെ കര്‍മ പരിപാടിയില്‍ മുന്നിട്ടു നിന്നത്, എന്‍ഡോ സള്‍ഫാന്‍ നിരോധനവും ദുരിത ബാധിതര്‍ക്ക് സൌജന്യ ചികിത്സയും അവരെ ശുശ്രൂഷിക്കുന്നവര്‍ക്ക് പെന്‍ഷന്‍ അടക്കമുള്ള മാനുഷിക സമീപനമല്ലേ?

പ്രതിപക്ഷ നേതാവായിരുന്നപ്പോള്‍ വി.എസ്., സ്ത്രീ പീഡകരായ 'നരാധമാന്മാരെ കൈയാമം വെച്ച് നടത്തിക്കും' എന്ന് പ്രഖ്യാപിച്ചു എന്നും എന്നാല്‍ മുഖ്യമന്ത്രിയെന്ന നിലയില്‍ അദ്ദേഹം ആ നിലപാടില്‍ നിന്ന് പിറകോട്ടു പോയി എന്നും, അതിനു തെളിവായി 'ഏതെങ്കിലും സ്ത്രീ പീഡന കേസിന് തുമ്പുണ്ടായോ  ?''എന്നും അഭിമുഖത്തില്‍ ഷാജഹാന്‍ രോഷം കൊള്ളുന്നുണ്ട്. ഇടതുപക്ഷ ഭരണത്തില്‍ ഇക്കഴിഞ്ഞ നാല് വര്‍ഷക്കാലയളവില്‍ കിളിരൂരോ കവിയൂരോ ആവര്‍ത്തിച്ചില്ല എന്ന വസ്തുതയല്ലേ അടിവര ഇടേണ്ടത്? ഈ സര്‍ക്കാരിന്‍റെയും മുഖ്യമന്ത്രിയുടെയും നിശ്ചയദാ൪ഢൃ നിലപാടല്ലേ അതിനു കാരണം? ഇന്ത്യന്‍ നീതി ന്യായ വ്യവസ്ഥയെ കുറിച്ച് അറിവുള്ള ഒരാള്‍, കോടതിയില്‍ കിടക്കുന്ന സ്ത്രീ പീഡന കേസുകളില്‍ സംസ്ഥാന സര്‍ക്കാരിന് തുമ്പുന്ടാക്കുവാന്‍ ആയോ എന്ന് ചോദിക്കുന്നത് ബാലിശമല്ലേ?
പ്രതിപക്ഷ നേതാവെന്ന നിലയില്‍ അന്നോളം ഒരു പ്രതിപക്ഷ നേതാവും പ്രവര്‍ത്തിക്കാന്‍ ധൈര്യപ്പെട്ടിട്ടില്ലാത്ത അതി സാഹസിക പ്രവര്‍ത്തനങ്ങളാണ് സ്വന്തം പ്രായം പോലും വകവെക്കാതെ വി.എസ്. നടത്തിയത്. അതിനു അദേഹത്തെ സഹായിച്ചത് കേരളത്തിലെ ഏറ്റവും വലിയ ജനപിന്തുണയുള്ള രാഷ്ട്രീയ പാര്‍ട്ടിയുടെ ഏറ്റവും മുതിര്‍ന്ന നേതാവെന്ന പരിഗണനയുടെ ഫലമായി അദ്ദേഹത്തിന് ലഭിച്ച അഭൂതപൂര്‍വമായ ജനപിന്തുണയാണ്. അതിന്റെ ഫലമായി ഒരു പക്ഷെ, കേരളത്തിലെ അന്നത്തെ ഏറ്റവും സ്വീകാര്യതയുള്ള ജന നേതാവായി അദ്ദേഹം ഉയരുകയും ചെയ്തു. ആ സ്വീകാര്യത തിരിച്ചറിഞ്ഞത് കൊണ്ടാണ്, സി.പി.എമ്മിന്‍റെ ചരിത്രത്തില്‍ ഒരു പക്ഷെ, ആദ്യമായി, അതിന്റെ അത്യുന്നത നേതൃത്വം ഒരിക്കലെടുത്ത തീരുമാനം തിരുത്താനും, വി,എസ്സിനെ തിരഞ്ഞെടുപ്പില്‍ മത്സരിപ്പിക്കുവാനും തയ്യാറായത്. സത്യത്തില്‍, അതുവഴി തെറ്റ് തിരുത്തല്‍ പ്രക്രിയയ്ക്ക് പാര്‍ട്ടിയുടെ പരമോന്നത നേതൃത്വം തന്നെ, ഒരു ദുരഭിമാനവും ഇല്ലാതെ മാതൃക കാണിക്കുകയായിരുന്നു. പാര്‍ട്ടിയുടെ കീഴ് ഘടകങ്ങള്‍ക്കും ഇതൊരു പാഠം ആയി എടുക്കാവുന്നതാണ്.
   തീര്‍ച്ചയായും, ഇടതു പക്ഷ ഭരണത്തിന്റെ പ്രാഥമിക ഘട്ടത്തില്‍ ചില കല്ലുകടികള്‍ ഉണ്ടായിരുന്നു. പിന്നീട് ലാവ്‌ലിന്‍ പ്രശ്നത്തില്‍ പരിണത പ്രജ്ഞനായ നേതാവായിരുന്നിട്ടും പകല്‍ പോലെ വ്യക്തമായ സത്യം സ്വീകരിക്കാന്‍ വി.എസ്. കൂട്ടാക്കാതെ, ദുശ്ശാഠൃങളുമായി നിന്നത്, താല്‍പര കക്ഷികള്‍ക്ക് പാര്‍ട്ടി വിരുദ്ധ പ്രവര്‍ത്തനം നടത്താന്‍ സൌകര്യമുണ്ടാക്കി ക്കൊടുത്തു. ഒടുവില്‍ പാരല മെന്‍റ് സീറ്റ് വീതം വെപ്പിലും ചില പ്രശ്നങ്ങള്‍ ഉണ്ടായി. ഇതെല്ലാം ജനങ്ങള്‍ സൂക്ഷ്മമായി വിലയിരുത്തുന്നുണ്ട് എന്ന സുപ്രധാന സന്ദേശം അവര്‍ വോട്ടെടുപ്പിലൂടെ കാണിച്ചു കൊടുക്കുകയും ചെയ്തു. ഇപ്പോള്‍, കേരളത്തിലെ ഇടതു പക്ഷ ഭരണ മുന്നണി, ജനങ്ങള്‍ പഠിപ്പിച്ചു കൊടുത്ത പാഠം ശരിക്കും ഉള്‍ക്കൊണ്ടിരിക്കുന്നു എന്നതിന്‍റെ തെളിവുകളാണ് തുടര്‍ന്നുണ്ടായ ഒട്ടനവധി ജനോപകാരപ്രദമായ നടപടികള്‍ - ആദിവാസി ഭൂമി വിതരണം, ഇ.എം.എസ്. ഭാവന പദ്ധതിയുടെ ഫലപ്രദമായ നടത്തിപ്പ്, സാമൂഹിക പെന്ഷനുകളുടെ വര്‍ധന, പൊതുവിതരണ മേഖലയിലെ കാര്യക്ഷമമായ പ്രവര്‍ത്തനങ്ങള്‍, വിലക്കയറ്റം തടഞ്ഞു നിര്‍ത്താനുള്ള ഫലപ്രദമായ നടപടികള്‍, ഏറ്റവും ഒടുവില്‍, സംസ്ഥാന നിയമസഭയില്‍ അവതരിപ്പിക്കപ്പെട്ട അങ്ങേയറ്റം ജനക്ഷേമ പരിപാടികള്‍ ഉള്‍ക്കൊള്ളുന്ന ബജറ്റ്. കേരളത്തില്‍ ഇനി അത്താഴ പട്ടിണിക്കാര്‍ ഉണ്ടാവില്ല എന്ന് ഇടതുപക്ഷ സര്‍ക്കാര്‍ ഈ ബജറ്റിലൂടെ ഉറപ്പുവരുത്തിയിരിക്കുന്നു എന്ന് കേരളത്തിലെ ജനങ്ങള്‍ക്ക്‌ ഇനി അഭിമാനത്തോടെ പറയാനാവും.
   ജനവിരുദ്ധ ആഗോള വല്ക്കരനതിനുള്ള യഥാര്‍ത്ഥ ബദല്‍ ജനപക്ഷ സോഷ്യലിസമാണ് എന്ന ബോധം ജനങ്ങളില്‍ രൂഢമൂലമായിക്കൊണ്ടിരിക്കുന്ന കാലമാണിത്.. ഇന്ത്യയില്‍ മാത്രമല്ല. അങ്ങ് യൂറോപ്പിലും, അമേരിക്കാ വന്കരയില്‍പോലും ആ ബദലിനായി ജനങ്ങള്‍ പ്രത്യാശയോടെ ഇന്ത്യയില്‍ ഉറ്റുനോക്കുന്നത് ഇടതുപക്ഷ പ്രസ്ഥാനങ്ങളെയും അതിനു നേതൃത്വം നല്‍കുന്ന സി.പി.ഐ.എമ്മിനെയും ആണ്. ഒഞ്ചിയവും പാലക്കാടും തിരുവനന്തപുരവും ഒക്കെക്കണ്ട് സി.പി.എമ്മില്‍ പിളര്‍പ്പ് ആസന്നമായി എന്ന് സ്വപ്നം കാണുന്നവര്‍ ഈ യാഥാര്‍ത്യത്തെ മറയ്ക്കാനാണ് ശ്രമിയ്ക്കുന്നത്. പാര്‍ട്ടിയ്ക്ക് വിപ്ലവം പോരാത്തതുകൊണ്ട് 'റവലൂ ഷനരി സി.പി.എം.' ആണ് ഒഞ്ചിയത്ത്   ഉണ്ടായത്. എന്നിട്ട് എന്താണ് ഉണ്ടായതെന്നോ? കഴിഞ്ഞ പാര്‍ ല മെന്‍റ് തെരഞ്ഞെടുപ്പില്‍ അവര്‍ നിര്‍ത്തിയ സ്ഥാനാ൪ത്ഥിയ്ക്ക് കിട്ടേണ്ട വോട്ടിന്റെ നല്ലൊരു പങ്ക്, കോണ്‍ഗ്രസ്‌ സ്ഥാനാ൪ത്ഥിയ്ക്ക് ലഭ്യമാക്കുകയായിരുന്നു. അവര്‍ക്കൊപ്പം പോയ ശുദ്ധ ഗതിക്കാര്‍ 'തമ്മില്‍ ഭേദം കോണ്‍ഗ്രസ്‌ ആണ്' എന്ന് പറയാന്‍ തുടങ്ങിയിരിക്കുന്നു. അതാണ്‌ അവര്‍ നല്‍കുന്ന രാഷ്ട്രീയ വിദ്യാഭ്യാസം. കേരളത്തിലെ രാഷ്ട്രീയ സമവാക്യങ്ങള്‍ വെച്ച് ഇതേ സംഭവിക്കൂ.. വര്‍ഗഷത്രുവിന്റെ പാളയത്തില്‍ എത്തിച്ചേരുക എന്നത് മാത്രം. ഇതറിയാവുന്ന, കേരളതില രാഷ്ട്രീയമായി ഏറെക്കുറെ ഉദ്ബുധരായ സാധാരണ ജനങ്ങള്‍ അവരുടെ ഏക പ്രത്യാശയായ സി.പി.എമ്മില്‍ ഒരു പിളര്‍പ്പ്, ആരാഗ്രഹിച്ചാലും അനുവദിക്കുവാന്‍ പോകുന്നില്ല. വി.എസ്സിന് ആ തിരിച്ചറിവുണ്ട്. ഷാജഹാന്‍റെ സ്വപ്നം യാഥാര്‍ത്ഥ്യം ആകാന്‍ പോകുന്നില്ല എന്ന് ചുരുക്കം.

കൃഷ്ണയ്യരുടെ കോടതിയില്‍ ഇപ്പോള്‍ മനു

2010-04-04T16:06:00.001+05:30

ലോക വനിതാ ദിനതിനോട് അനുബന്ധിച്ച് ഡല്‍ഹിയില്‍ നടന്ന ഒരു ദേശീയ കൂടിയാലോചന യോഗത്തില്‍ വെച്ചാണ് നമ്മുടെ ചീഫ് ജസ്റ്റിസ്‌ സ്ത്രീ സ്വാതന്ത്ര്യതെക്കുറിച്ചു ഒരു പുതിയ നിര്‍ദ്ദേശം മുന്നോട്ടു വെച്ചത്. ബലാല്‍സംഗത്തിന് വിധേയരാവുന്നവര്‍ക്ക് നീതിയും സമാശ്വാസവും പുനരധിവാസവും നല്‍കുന്നതിനെ കുറിച്ച് ആലോചിക്കുന്ന ഒരു ഉന്നത തല യോഗമായിരുന്നു, അത്.

ബലാല്‍സംഗ കേസില്‍ പ്രതിക്ക് നല്‍കാവുന്ന പരമാവധി ശിക്ഷ എന്തായിരിക്കണം? കടലാസ്സില്‍ പലതുമുണ്ടെങ്കിലും, അതിലും വലുതൊന്നു എന്ന നിലയ്ക്ക് നിര്‍ദ്ദേശിക്കപ്പെട്ട ശിക്ഷ എന്തെന്നോ? അതിക്രമം കാണിച്ചവനെ കൊണ്ട് ഇരയാക്കപ്പെട്ടവളെ കെട്ടിച്ചു വിടുക, ''ബലാല്‍സംഗ വിധേയയായ സ്ത്രീയുടെ വ്യക്തിപരമായ സ്വയം നിര്‍ണയ അവകാശത്തിനു വേണ്ട പരിഗണന നല്‍കണമെന്ന സംസ്കൃതമാണ് ന്യായമായവതരിപ്പിച്ചത്.

ഇക്കാര്യത്തില്‍ പ്രത്യക്ഷമായ തന്തക്കോയ്മയുടെ നിലപാട് എടുക്കരുത് എന്നാണത്രേ ചീഫ് ജസ്റ്റിസ്‌ പറഞ്ഞത്. അക്കാര്യത്തില്‍ ഇരയാക്കപ്പെടുന്ന സ്ത്രീക്കുള്ള വ്യക്തിപരമായ അഭിപ്രായത്തിനായിരിക്കണം മുന്‍‌തൂക്കം. അതിക്രമം കാട്ടിയവനെ വിവാഹം കഴിക്കുവാണോ, അതിക്രമ ഭ്രൂണത്തെ വളരാന്‍ അനുവദിച്ചു അമ്മയാവാണോ ഉള്ള സ്ത്രീയുടെ സ്വാതന്ത്ര്യം നിഹനിക്കപ്പെടരുതത്രേ!

''Due regard must be given to their personal autonomy, since in some cases the victim may choose to marry the perpetrator or choose to give birth to a child conceived through forced intercourse'' ചീഫ് ജസ്റ്റിസ്‌ പറഞ്ഞത് ഇങ്ങനെയാനെന്നാണ് പത്രങ്ങള്‍ റിപ്പോര്‍ട്ട്‌ ചെയ്തത്.

ബലാല്‍സംഗ മദ്ധ്യേ അക്രമിയോടു അനുരാഗ ബദ്ധയായി മാറിയേക്കാവുന്ന അത്യപൂര്‍വ മാനസിക നിലയെയാണ് പരമോന്നത നീതിപീടത്തിലിരുന്നു സാമാന്യവല്‍ക്കരിക്കുന്നത്. സ്ത്രീ പക്ഷത്ത് ചേര്‍ന്ന് നിന്നുള്ള നിരീക്ഷണമെന്ന വ്യാജേന എത്ര നഗ്നമായാണ് കടുത്ത പുരുഷാധിപത്യ ബോധം മറ നീക്കി കടന്നുകയറുന്നത്!

തന്തക്കോയ്മയെ തള്ളിക്കളയാന്‍ പരോക്ഷമായി ആഹ്വാനം ചെയ്യുന്ന ഇതേ ചീഫ് ജസ്ടിസിന്റെ സുപ്രീം കോടതിയിലെ സഹ ന്യായാധിപന്മാര്‍ പുറപ്പെടുവിച്ച ഒരു വിധിക്കെതിരെ 25 വയസ്സുകാരിയായ സുഷമാ തിവാരി നടത്തിക്കൊണ്ടിരിക്കുന്ന ഒറ്റയാള്‍ പോരാടത്തെക്കുരിച്ചും ഇതേ ദിവസം പുറത്തിറങ്ങിയ 'ഹിന്ദു'വില്‍ മറ്റൊരു വാര്‍ത്തയുണ്ട്.

കീഴ് ജാതിക്കാരനെ പ്രണയിച്ചു വിവാഹം കഴിച്ചതിന്‍റെ പേരില്‍ വിധവയാക്കപ്പെട്ട സുഷമാ തിവാരി ആവശ്യപ്പെടുന്നത് തന്‍റെ സഹോദരന് നല്‍കിയ വധശിക്ഷ ലഘൂകരിച്ച കോടതിയുത്തരവ് റദ്ദ് ചെയ്യണമെന്നാണ്. സുഷമയെ വിവാഹം കഴിച്ച കീഴ് ജാതിക്കാരനായ കേരളീയനെയും അയ്യാളുടെ അച്ഛനെയും അവരുടെ ബന്ധുക്കളായ രണ്ടു കുട്ടികളെയും കൊന്നുതള്ളിയ സഹോദരന്റെ ചെയ്തിയെ ന്യായീകരിച്ചു കൊണ്ട് സുപ്രീം കോടതി നടത്തിയ പരാമര്‍ശം ആലോചനാ മധുരമാണ്.

   മഹാരാഷ്ട്രയിലെ അതിവേഗ കോടതിയും പിന്നീട് മുംബൈ കോടതിയും സുഷമയുടെ സഹോദരന് വധശിക്ഷ വിധിച്ചു. കഴിഞ്ഞ ഡിസംബറില്‍ അപ്പീല്‍ കേസില്‍ തീര്‍പ് കല്‍പിച്ചുകൊണ്ട്‌ സുപ്രീം കോടതി വധശിക്ഷ തടവാക്കി മാറ്റി. അതിനു പറഞ്ഞ ന്യായമാണ് രസകരം. ഇളയ പെങ്ങള്‍ അസാധാരണമായ തരത്തിലുള്ള തെറ്റുകള്‍ ചെയ്‌താല്‍, ഇക്കാര്യത്തില്‍ ഗൂഢ അനുരാഗത്തെ തുടര്‍ന്നുള്ള വിജാതീയമായ വിവാഹമാണ് അത്.. അത്തരം തെറ്റില്‍ നിന്ന് പിന്തിരിപ്പിക്കാന്‍ കഴിയാത്തതിന്റെ പേരില്‍ സമൂഹം അതിനു കുറ്റക്കാരനായി കണ്ടെത്തുക മൂത്ത സഹോദരനെ യാണ്. തെറ്റാണെങ്കിലും അകൃത്രിമമായ ജാതി പരിഗണനകള്‍ക്ക് അയാള്‍ ഇരയാകുന്നുവെങ്കില്‍, അത് വധ ശിക്ഷയ്ക്കുള്ള ന്യായീകരണം ആകുന്നില്ല. ഭാഷാന്തരപ്പെടുത്തുമ്പോള്‍ സാരം ചോര്‍ന്നു പോകാതിരിക്കാനായി പത്രവാര്‍ത്തയില്‍ വന്ന വിധി ന്യായത്തിന്റെ ഭാഗം അതേ പടി താഴെ :
   ''It is a common experience that when the younger sister commits something unusual, and in this case, it was an intercaste marriage, out of secret love affair, then in society, it is the elder brother who justifiably or otherwise is held responsible for not stopping such affair.. If he became victim of his wrong but genuine caste considerations, it would not justify the death sentence:

secret love affair, wrong but genuine caste considerations തുടങ്ങിയ ആലോചനാമൃത പദങ്ങളുടെ സമൃദ്ധിയില്‍ ഒളിഞ്ഞിരിക്കുന്നത് ചത്തു മണ്ണടിഞ്ഞുപോയ മനുവിന്‍റെ വിഷപ്പത്തിയാണ്. ലോക വനിതാദിനത്തില്‍ തന്നെ ഇതിങ്ങനെ മറ നീക്കി പുറത്തിറങ്ങിയത് നന്നായി. വി.ആര്‍.കൃഷ്ണയ്യരും ജസ്റ്റിസ്‌ ഭഗവതിയും ചിന്നപ്പ റെഢിയും ഒക്കെ ഇരുന്ന കസേരകളില്‍, പെരുമാറിയ കോടതികളില്‍, മനുവിന്‍റെ പുതിയ അവതാരങ്ങള്‍ ഞെളിഞ്ഞിരിക്കുകയും ആര്‍ത്തു അട്ടഹസിക്കുകയും ചെയ്യുന്നത് കാണുമ്പോള്‍, ഹാ! കഷ്ടം!
(ശ്രീ എ.കെ. രമേശ്‌ 'ബാങ്ക് വര്‍ക്കേഴ്സ് ഫോറത്തില്‍' എഴുതിയ ലേഖനം. )

ഈഴവനെ കടിച്ച പഴയ പാമ്പ്

2010-03-29T00:09:00.002+05:30

എന്‍റെ ഏറ്റവും വലിയ ആഗ്രഹം, ജീവിതാഭിലാഷം എന്ന് തന്നെ പറയാം, നൂറു കൊല്ലം കഴിഞ്ഞ ശേഷം ഇന്നത്തെ പത്രങ്ങള്‍ ഒരിക്കല്‍കൂടെ വായിക്കണം എന്നതാണ്. നൂറു പോകട്ടെ, അമ്പതു കൊല്ലത്തിനു ശേഷമെങ്കിലും സാധിക്കുകയില്ലെന്ന് ഉറപ്പ്...
   പഴയ പത്രങ്ങളുടെ വായന ചരിത്രത്തിലേക്കുള്ള കേവല തിരിഞ്ഞുനോട്ടമല്ല. ആടയാഭരണങ്ങള്‍ അഴിഞ്ഞുവീണ് പിറന്നപടിയാണ് ചരിത്രം നിലകൊള്ളുക. വ്യാഖ്യാതാവിന്‍റെ അകമ്പടിയോ ഔദാര്യമോ ഇല്ലാതെ സാമൂഹ്യ സന്ദര്‍ഭങ്ങളും വാര്‍ത്താ ആവിഷ്കാരങ്ങളും നിഷ്കരുണം ചോദ്യം ചെയ്യപ്പെടും. പീടികയില്‍ കയറി ഉപ്പു ചോദിച്ചതിനു ('പുളിക്കുന്നത്' എന്നാണു ചോദിക്കേണ്ടിയിരുന്നത്) പുലയ യുവാവിനെ വ്യാപാരി തല്ലിക്കൊന്ന വാര്‍ത്തയും, വഴി മാറാത്തതിന് മര്‍ദനമേറ്റ തീയ്യന്‍റെ പരാതിയില്‍ അവന്‍റെ 'ഓരോ എല്ലും ഒടിച്ചു കൊല്ലേണ്ടതായിരുന്നു' എന്ന ('രക്ഷപ്പെട്ടത് അവന്‍റെ ജാതകത്തിന്‍റെ ഗുണം' എന്നും ) കോടതി വിധിയും ഏതു തരം വികാരത്തോടെയാണ് വായിക്കുക?
   അറുപതു എഴുപതു കൊല്ലം മുമ്പത്തെ വാര്‍ത്തകളില്‍ സാധാരണ മനുഷ്യന്‍ ഏതു രീതിയിലാണ് വ്യാഖ്യാനിക്കപ്പെട്ടത് എന്ന് പരിശോധിക്കുന്നത് രസമാണ്. 'ചേര്‍പ്പില്‍ ഒരു ഈഴവനെ പാമ്പ് കടിച്ചു' എന്ന തലക്കെട്ട്‌ വായിച്ചത് ഓര്‍ക്കുന്നു. പാമ്പ്‌ ഏതു ജാതിയില്‍ പെട്ടതാണെന്ന് വിശദീകരിക്കുന്നില്ല. 'പുലയ യുവാവ് പുഴയില്‍ മുങ്ങി മരിച്ചു' എന്നെഴുതിയാല്‍ പ്രാസഭംഗി ഉണ്ടെന്നു കരുതാം. 'കച്ചേരിയില്‍ കയറി അനാദരവ് കാണിച്ചതിന് മുക്കുവനെ അറസ്റ്റ് ചെയ്തു' 'കൊല ചെയ്യപ്പെട്ടയാള്‍മന്ദലാം കുന്നുകാരനായ മാപ്പിളയാണ്' അങ്ങനെ പറയനും മുളയനും ആശാരിയും കൊല്ലാനും നായാടിയുമോക്കെയായി പേരോ അസ്തിത്വമോ ഇല്ലാത്ത പ്രേതാത്മക്കള്‍ പഴകി നിറം കേട്ട പത്രക്കടലാസുകളില്‍ നിന്നും ഉയിര്‍തെഴുന്നെല്‍ക്കുന്നത് ഭീതിദ കാഴ്ചയാണ്. ശൂദ്രര്‍ അടക്കം ജാതി വ്യവസ്ഥയില്‍ ഘടക കക്ഷികള്‍ ആയവരെ പരാമര്‍ശിക്കുമ്പോള്‍ പ്രശ്നമില്ല. ജാതി സ്വര്‍ണ മേലങ്കി പോലെ അവരുടെ പേരിനൊപ്പം ഉള്ളത് കൊണ്ടാകാം, അല്ലെങ്കില്‍ അവര്‍ മനുഷ്യരും മറ്റുള്ളവര്‍ 'ഗ്രാമത്തിന്‍ പുറത്ത് എങ്ങോ വസിക്കുന്ന ചാമര്‍ നായകന്‍ തന്‍റെ കിടാത്തി' മാരോ കിടാത്തന്മാരോ ആയതുകൊണ്ടാകാം.
     കുറച്ചു നാള്‍ മുന്‍പ് മലയാളത്തിലെ പ്രശസ്ത പത്രത്തില്‍ 'സി പി എം കാരന്‍ പോലീസിന്‍റെ മൂക്ക് കടിച്ചു' എന്ന വാര്‍ത്ത ഉണ്ടായിരുന്നു. അത് വായിച്ചപ്പോള്‍ പണ്ട് ഈഴവനെ കടിച്ച പാമ്പിനെ ഓര്‍മ വന്നു. പ്രധാന മലയാള പത്രങ്ങള്‍ വായിക്കുമ്പോളാണ് സി പി എം കാരന്‍ എന്ന ഗ്രാമത്തിന്‍ പുറത്തു വസിക്കുന്ന ചാമര്‍ കിടാത്തന്മാരുടെ ലീലാവിലാസങ്ങള്‍ ബോധ്യപ്പെടുക. എന്തൊക്കെ അതിക്രമങ്ങള്‍ ആണ് ചെയ്തുകൊണ്ടിരിക്കുന്നത്? വാഴ വെട്ടുന്നു, കോഴിയെ പിടിക്കുന്നു, വേലി പൊളിക്കുന്നു, അടയ്ക്ക മോഷ്ടിക്കുന്നു, അതിര് മാന്തുന്നു, പോലീസ് സ്റ്റേഷന്‍ടെ മുന്നിലൂടെ നെഞ്ഞു വിരിച്ചു നടക്കുന്നു.ഉള്ളത് പറയാമല്ലോ, സി പി എം കാരനെ പാമ്പ് കടിച്ച വാര്‍ത്ത ഇത് വരെ ഇത്തരം പത്രങ്ങളില്‍ വന്നുകണ്ടിട്ടില്ല. എനിക്ക് തോന്നുന്നത്, പി. കൃഷ്ണ പിള്ളയ്ക്ക് ശേഷം ഒരു കമ്മ്യുനിസ്ടുകാരനെയും പാമ്പ് കടിചിട്ടുണ്ടാവില്ല എന്നാണു.
   മൂക്ക് കടിച്ചയാല്‍ ഏതു വകയിലാണ് സി പി എം കാരന്‍ ആയതെന്നു വിശദാംശമില്ല. ഏതു തലത്തില്‍, ഏതു ഘടകത്തില്‍ എന്നൊന്നും പരാമര്‍ശമില്ല. ചിലപ്പോള്‍ ജാഥയ്ക്ക്, സമരത്തിന്‌, യോഗത്തിന് വരുന്നയാള്‍ ആവാം. അല്ലെങ്കില്‍ കാലങ്ങളായി സി പി എം നു വോട്ട് ചെയ്യുന്നയാള്‍ ആകാം. അങ്ങെനെ ഉള്ളവര്‍ കേരളത്തില്‍ ഒന്നരക്കോടിയിലേറെ വരും. എന്തായാലും അവരൊന്നും വാഴക്കുല മോഷ്ടിക്കാതിരിക്കട്ടെ, റോഡു വക്കില്‍ മൂത്രം ഒഴിക്കാതിരിക്കട്ടെ, കാരണം, ഇങ്ങനെ ഒരു വാര്‍ത്ത ഒഴിവാകുകയല്ലേ നല്ലത്? 'സി പി എം കാരന്‍ പൊതു സ്ഥലത്ത് പുകവലിച്ചു. അടുത്ത് ചെന്ന പോലീസിന് നേരെ കണ്ണുരുട്ടി'.
   ഫ്യൂഡല്‍ ഘടനയിലെന്ന പോലെ ആധുനിക രാഷ്ട്രീയ ക്രമത്തിലും മേല്‍ ജാതിയും കീഴ് ജാതിയും ഉണ്ടെന്നു വിനീത മാധ്യമങ്ങള്‍ക്ക് തിരിച്ചറിവുണ്ട്. സവര്‍ണനെ ജാതിപ്പേര് വിളിക്കുവാന്‍ പാടില്ലെന്നും അവര്‍ക്കറിയാം. കഴിഞ്ഞ SSLC പരീക്ഷയെഴുതിയ കണ്ണൂര്‍ ചെറുവാഞ്ചേരി പൂവതൂരിലെ അസ്ന എന്ന മിടുക്കി കുട്ടിയെക്കുറിച്ച് പല പത്രങ്ങളിലും വാര്‍ത്തയുണ്ടായി. 2000 സെപ്റ്റംബര്‍ 27 നു പൂവതൂരില്‍ നടന്ന ബോംബേറില്‍ പരിക്കേറ്റു കാല്‍പ്പാദം മുറിച്ചു മാറ്റേണ്ടിവന്ന ആ പെണ്‍കുട്ടി ദുരിത ക്കയങ്ങള്‍ നീന്തി ക്കയറിയ ചിത്രം ആരുടേയും കണ്ണ് നനയിക്കും. കോണ്‍ഗ്രസുമായി ബന്ധപ്പെട്ട കുടുംബത്തിലെ അസ്നയ്ക്ക് ദുരിതം സമ്മാനിച്ച കേസിലെ പതിമൂന്നു പ്രതികളെയും കഴിഞ്ഞ നവംബറില്‍ കോടതി ശിക്ഷിച്ചു. 'പരീക്ഷയുടെ ചെറു കടമ്പ, ചുവട് ഇടറാതെ അസ്ന' എന്ന കഥയെഴുതിയ മനോരമ, പ്രതികളുടെ രാഷ്ട്രീയ ബന്ധമോ സംഘടനയുടെ പേരോ വെളിപ്പെടുത്തിയില്ല. RSS എന്ന് എങ്ങിനെ പറയും? (എന്‍ പ്രാണ നായകനെ, എന്‍ നായകനെ എങ്ങിനെ ഞാന്‍ നാവെടുത്തു പേര് വിളിക്കും?) 'രാഷ്ട്രീയ വൈരികളുടെ ബോംബേറില്‍ കാല്‍പ്പാദം ചിതറി തെറിച്ച ബാലിക' എന്നാണു വിശേഷണം. എന്തൊരു വിധേയത്വം! മേല്‍ ജാതിക്കാരനെ വിളിക്കുന്നതിനു കൃത്യമായ ക്രമമുണ്ട്, തമ്പ്രാന്‍, തിരുമേനി, അങ്ങുന്ന്, അവിടുന്ന്, യജമാനന്‍ എന്നൊക്കെ.
   സി പി എം മാത്രമല്ല, വേറെയും അധകൃത കക്ഷികള്‍ ഉണ്ട്‌.. കട്ടിമീശ വെച്ച അണ്ടര്‍ വെയര്‍ കാണെ മുണ്ടുടുക്കുന്ന CITU എന്നൊരു ജാതി, ഡി.വൈ.എഫ്.ഐ , എസ്. എഫ്. ഐ എന്നിങ്ങനെ പോകുന്നു. ഒരു മാസം മുന്‍പാണ് തൃശ്ശൂരില്‍ തൊഴില്‍ വാഗ്ദാനം ചെയ്തു നിക്ഷേപ തട്ടിപ്പ് സംബന്ധിച്ച വാര്‍ത്ത വന്നത്. തട്ടിപ്പോ, അതില്പ്പെട്ടു വലഞ്ഞവരുടെ വേവലാതിയോ കഷ്ടപ്പാടോ അല്ല, സംഘത്തില്‍ ഉള്‍പ്പെട്ട 'മുന്‍ എസ്. എഫ്. ഐ നേതാവ്' ആയിരുന്നു വിഷയം. അയാള്‍ എങ്ങിനെ മുന്‍ എസ്. എഫ്. ഐ നേതാവായി എന്നതിന് വ്യാഖ്യാനമുണ്ട്. പഠിക്കുന്ന കാലത്ത് കോളേജ് യൂനിറ്റ് സെക്രട്ടറി ആയിരുന്നുവത്രേ. പോരെ പൂരം, വര്‍ഷങ്ങളായി ഇയാള്‍ക്ക് എസ്. എഫ്. ഐ യുമായോ, ഇടതുപക്ഷ സംഘടനകളുമായോ ബന്ധമില്ലെന്ന് ചുമതലപ്പെട്ടവര്‍ പ്രസ്താവന ഇറക്കിയിട്ടും പത്രങ്ങളുടെ കളി അടങ്ങിയില്ല.

ജീവിതം ഉദ്ബുദ്ധവും പ്രക്ഷുബ്ധവും ആവുന്ന കാലത്താണ് ('യൌവന തീക്ഷണവും പ്രേമസുരഭിലവും ആയ അസുലഭ കാലഘട്ടം' എന്ന് ബഷീര്‍. ) ഒരാള്‍ കലാലയത്തില്‍ എത്തുന്നത്‌. ആദര്‍ശ പ്രേമം എത്രമാത്രം ഉച്ചകോടിയില്‍ എത്തുമെന്ന് ആ കാലം പിന്നിട്ടവര്‍ക്ക് മനസ്സിലാകും. ഈ ലോകമാകെ അഴിച്ചു പണിയുവാന്‍ അയാള്‍ ആഗ്രഹിചിട്ടുണ്ടാവും. അന്നേരം ഏറ്റവും സാര്‍ഥകമായ വിദ്യാര്‍ഥി പ്രസ്ഥാനത്തില്‍ പങ്കാളിയാകുന്നത് സ്വാഭാവികം. പിന്നീട് ജീവിതം എന്തൊക്കെ വഴിത്തിരിവുകളിലൂടെയാണ് കറങ്ങിതിരിയുന്നത്‌! ജീവിതം അയാളെ എവിടെയൊക്കെ എത്തിക്കുന്നു? ചെന്നുപെടുന്ന ഇരുണ്ട ലോകങ്ങള്‍ക്കും, കെട്ടുന്ന വേഷങ്ങള്‍ക്കും പഴയ വിദ്യാര്‍ഥി സംഘടന ഇപ്പോള്‍ കണക്കു പറയണോ?

പുതിയ എസ്. എഫ്. ഐ കുട്ടികളെ ഒരു കാര്യം ഓര്‍മിപ്പിക്കേണ്ടതുണ്ട്. ഇതെഴുതുന്നയാള്‍ സ്കൂളില്‍ പഠിക്കുന്ന കാലത്ത് എസ്. എഫ്. ഐയുടെ (അന്ന് ആ സംഘടന രൂപീകരിചിട്ടേ ഉള്ളൂ) യൂനിറ്റ് സെക്രട്ടറി ആയിരുന്നു. കോളേജില്‍ പഠിക്കുന്ന കാലത്ത് ഏരിയ - ജില്ല തലങ്ങളിലൊക്കെ പ്രവര്‍ത്തകനായി. അടിയന്തരാവസ്ഥയില്‍ തൃശ്ശൂരില്‍ രൂപീകരിച്ച students writersforum - ന്‍റെ സെക്രട്ടറി യും. പറയാനുള്ളത് ഇത്ര മാത്രം : ഞാന്‍ മര്യാദയ്ക്ക് നടന്നാല്‍ നിങ്ങള്ക്ക് കൊള്ളാം, അത്ര തന്നെ..

(ദേശാഭിമാനി വാരാന്ത പതിപ്പില്‍ ശ്രീ. അശോകന്‍ ചെരുവില്‍ എഴുതിയ ലേഖനം)

ഇത് പണം കൊടുത്തു വായിച്ചുകൂടാ..

2010-02-24T09:52:00.000+05:30

നൂറ്റുക്ക് നൂറു സി.പി.ഐ.എം വിരുദ്ധ അസത്യ പ്രചരണം.. വായിക്കുമ്പോള്‍ തോന്നും, ഈ രാജ്യത്തെ ഏറ്റവും വൃത്തികെട്ട പാര്‍ട്ടിയാണ് സി.പി.ഐ.എം എന്ന്.. അക്രമികള്‍, ക്രിമിനലുകള്‍, തീവെപ്പുകാര്‍, സ്ത്രീലംബടന്മാര്‍, വിഭാഗീയ പ്രവര്‍ത്തനം നടത്തുന്നവര്‍, മാഫിയ, അഴിമതിക്കാര്‍, എന്ന് വേണ്ടാ എല്ലാ ചീതതരങ്ങള്‍ക്കും പര്യായമായൊരു പാര്‍ട്ടിയാണ് സി.പി.ഐ.എം എന്നാണു ഈ പത്രം പറയുന്നത്.. പത്ര വായനയില്‍ ഒരു ബാലന്‍സ് നിലനിര്‍ത്തുന്നതിന് വേണ്ടി വായിച്ചു ശീലമായ പത്രമാണ്‌ മാതൃഭൂമി.. പക്ഷെ, തീര്‍ത്തും യുക്തി രഹിതമായി കാര്യങ്ങള്‍ അവതരിപ്പിക്കുന്നത്‌ കണ്ടു മനസ്സ് മടുക്കുന്നു.. ചില പേജുകള്‍ തന്നെ 100 % സി.പി.ഐ.എം വിരുദ്ധ വാര്‍ത്തകള്‍... വീരന്റെ കൂടുമാറ്റം കൊണ്ട് പത്രതിനുണ്ടായ പരിക്ക് ചില്ലറയല്ല.. എന്റെ കീശയില്‍ നിന്നും പൈസയെടുത്തു ഈ നെറികെട്ട പത്രം ഇനി വാങ്ങില്ല.. വല്ല വായനസാലയില്‍ നിന്നും വായിക്കാം.. ഉള്ളില്‍ ഒരു പുച്ഛത്തോടെ.. അല്ലെങ്കില്‍, അശോകന്‍ ചെരുവില്‍ എഴുതിയ പോലെ ഒരു ചെറു ചിരിയോടെ..

നമ്മള്‍ കാണണമെന്ന് അവര്‍ ആഗ്രഹിക്കാത്ത ചിത്രങ്ങള്‍...

2009-08-05T14:33:00.003+05:30

ഹിരോഷിമ...
സാമ്രാജ്യത്വത്തിന്റെ മനുഷ്യത്വ ഹീനതയ്ക്ക് ഇതില്‍പ്പരം തെളിവ് വേണോ?
ദശകങ്ങള്‍ക്കിപ്പുരം ഇന്നും നരകിക്കുന്ന മനുഷ്യര്‍.. തോറ്റു തരാമെന്നു പറഞ്ഞവരെ (അവരുടെ വരും തലമുറയെ പോലും) കൊല്ലുന്ന ക്രൂരത.. മനുഷ്യന്‍ എന്ന വാക്കിന്റെ മനോഹാരിതയ്ക്ക് ഏറ്റ കനത്ത പ്രഹരം ...

ഒരു ബ്ലോഗ്ഗര്‍ 2007 ല്‍ കൊടുത്ത പോസ്റ്റ് നോക്കൂ... (http://fogonazos.blogspot.com)

Hiroshima, the pictures they didn't want us to see

05 febrero 2007

The Atomic Bombings of Hiroshima and Nagasaki killed about 250.000 people and became the most dreadful slaughter of civilians in modern history. However, for many years there was a curious gap in the photographic records. Although the names of Hiroshima and Nagasaki were incised into our memories, there were few pictures to accompany them. Even today, the image in our minds is a mixture of devastated landscapes and shattered buildings. Shocking images of the ruins, but where were the victims?

The American occupation forces imposed strict censorship on Japan, prohibiting anything "that might, directly or by inference, disturb public tranquility" and used it to prohibit all pictures of the bombed cities. The pictures remained classified 'top secret' for many years. Some of the images have been published later by different means, but it's not usual to see them all together. This is the horror they didn't want us to see, and that we must NEVER forget:

1. Signals

All the watches found in the ground zero were stopped at 8:15 am, the time of the explosion.

Within a certain distance from the site of explosion, the heat was so intense that practically everything was vaporised. The shadows of the parapets were imprinted on the road surface of the Yorozuyo Bridge, 1/2 of a mile south-southwest of the hypocenter. Besides, in Hiroshima, all that was left of some humans, sitting on stone benches near the centre of explosion, was their outlines.

The photograph bellow shows the stone steps of a Bank where a person was incinerated by the heat rays.

2. The massacre

On August 6, 1945, 8.15 am, the uranium atom bomb exploded 580 metres above the city of Hiroshima with a blinding flash, creating a giant fireball and sending surface temperatures to 4,000C. Fierce heat rays and radiation burst out in every direction, unleashing a high pressure shockwave, vaporising tens of thousands of people and animals, melting buildings and streetcars, reducing a 400-year-old city to dust.

Housewives and children were incinerated instantly or paralysed in their daily routines, their internal organs boiled and their bones charred into brittle charcoal.

Beneath the center of the explosion, temperatures were hot enough to melt concrete and steel. Within seconds, 75,000 people had been killed or fatally injured with 65% of the casualties nine years of age and younger.

Radiation deaths were still occurring in large numbers in the following days. "For no apparent reason their health began to fail. They lost appetite. Their hair fell out. Bluish spots appeared on their bodies. And then bleeding began from the ears, nose and mouth".

Doctors "gave their patients Vitamin A injections. The results were horrible. The flesh started rotting from the hole caused by the injection of the needle. And in every case the victim died".

This photograph shows an eyeball of an A-bomb victim who got an atomic bomb cataract. There is opacity near the center of the eyeball.

3. Hibakusha

Hibakusha is the term widely used in Japan referring to victims of the atomic bombings of Hiroshima and Nagasaki. The Japanese word translates literally to "explosion-affected people".

They and their children were (and still are) victims of severe discrimination due to lack of knowledge about the consequences of radiation sickness, which people believed to be hereditary or even contagious.

Many of them were fired from their jobs. Hibakusha women never got married, as many feared they would give birth to deformed children. Men suffered discrimination too. "Nobody wanted to marry someone who might die in a couple of years".

4. Yamahata, the photographer of Nagasaki

On Agust 10, 1945, the day after the bombing of Nagasaki Yosuke Yamahata, began to photograh the devastation. The city was dead. He walked through the darkened ruins and the dead corpses for hours. By late afternoon, he had taken his final photographs near a first aid station north of the city. In a single day, he had completed the only extensive photographic record of the immediate aftermath of the atomic bombing of either Hiroshima or Nagasaki.

“A warm wind began to blow - he wrote later - Here and there in the distance I saw many small fires, like elf-fires, smoldering. Nagasaki had been completly destroyed"

Mr. Yamahata's photographs are the most complete record of the atomic bombing as seen in the most immediate hours after the bombing. The New York Times has called Mr. Yamahata's photographs, "some of the most powerful images ever made".

Mr. Yamahata became violently ill on August 6, 1965, his forty-eighth birthday and the twentieth anniversary of the bombing of Hiroshima. He was diagnosed with terminal cancer of the duodenum, probably caused by the residual effects of radiation received in Nagasaki in 1945. He died on April 18, 1966, and is buried at Tama Cemetery, Tokyo.

ബടെ, ബടെ, ഇങ്ങട്ട് നോക്കീന്‍..

2009-02-14T09:25:00.000+05:30

ബി.ആര്‍.പി ഉള്‍പെടെയുള്ള മാധ്യമ ശിങ്കങ്ങള്‍, മാധ്യമ പുണ്യവാളന്മാര് , ചുവപ്പ് കാണുമ്പോള്‍ മനോരോഗം വരുന്നവര്‍, വാര്‍ത്തകള്‍ അപ്പാടെ വിഴുങ്ങി ബ്ലോഗില്‍ CPIM വിരോധം ചര്ദ്ദിക്കുന്നവര് , എന്ന് വേണ്ട, എല്ലാവര്ക്കും വേണ്ടി... ഇതിലെ ഒന്നു പോയി നോക്കൂ..
മാധ്യമങ്ങള്‍ സി.ബി.ഐ ക്ക് പഠിക്കുമ്പോള്‍..
(കണ്ടവര്‍ ക്ഷമിക്കുക)

CPI(M) : എന്റെ പക്ഷം കേള്‍ക്കുക..

2009-02-09T11:50:00.003+05:30

"അതുകൊണ്ട് വി.എസ്സിനെ പുറത്താക്കുക" എന്ന തൊട്ടു മുന്‍പത്തെ പോസ്റ്റിനെ പറ്റിയുള്ള കാളിദാസന്റെ വിമര്‍ശനങ്ങളോട് എന്റെ പ്രതികരണം:
1. ഞാന്‍ ഒരു പാര്ട്ടി മെമ്പര്‍ അല്ല. എന്റെ കണ്ണ് മൂടി കെട്ടിയിട്ടും ഇല്ല.. മെമ്പര്‍ ആകുവാന്‍ ആഗ്രഹവും ഇല്ല.. കാരണം, ഒരു പാര്ട്ടി മെമ്പര്‍ ആകുമ്പോള്‍, ശരിയല്ല എന്ന് വ്യക്തിപരമായി തോന്നുന്ന ചില കാര്യങ്ങള്‍ (സംഘടനയുടെ ശരികള്‍) നമുക്കു ചെയ്യേണ്ടി വരും.. അത് എന്റെ മനസ്സു അനുവദിക്കില്ല.. അങ്ങനെ ചെയ്യേണ്ടി വരുന്നതു സംഘടനാപരമായി തെറ്റാണെന്ന് അഭിപ്രായമില്ല.. ഒരു സംഘടനയ്ക്ക് അങ്ങിനെയേ ചെയ്യാന്‍ കഴിയൂ.. പല വര്‍ഗ ബഹുജന സംഘടനകളുമായി ബന്ധപ്പെട്ട് പ്രവര്‍ത്തിക്കുന്നുണ്ട്.. എന്റെ സംഘടനാ ജീവിതം ആകെ ഒരു നിശിത വിമര്‍ശകന്റെ റോളിലാണ് ഞാന്‍ കഴിഞ്ഞു പോന്നിട്ടുള്ളത്.. പക്ഷെ, ഈ സംഘടനയാകെ കുഴപ്പമാണ്, ഈ സംഘടനയ്ക്ക് ജീവനില്ല, ഇതൊരു പിന്തിരിപ്പന്‍ സംഘടനയാണ്, ചിലര്‍ സംഘടനയെ നശിപ്പിക്കുവാനും മറ്റു ചിലര്‍ സംഘടനയെ രക്ഷിക്കുവാനും സംഘടിതമായി ശ്രമിച്ചുകൊണ്ടിരിക്കുന്നു തുടങ്ങിയ 'മനോരമ' മോഡല്‍ വിമര്‍ശനങ്ങളെ അനുഭവത്തിന്റെ വെളിച്ചതില്‍ ഒരു വട്ടം, രണ്ടു വട്ടം, മൂന്നു വട്ടം തള്ളിക്കളയുന്നു..
2. സോവിയറ്റ് യൂണിയന്‍ വീണതിനു ശേഷം ലോകമെമ്പാടുമുള്ള കമ്മ്യൂണിസ്റ്റ് പാര്‍ടികള്‍ക്ക് വലിയൊരു പ്രതിസന്ധി വന്നു ഭവിച്ചിട്ടുണ്ട്. മാതൃകയെന്ന് കരുതിയ ഒരു ഘടന തകര്‍ന്നപ്പോള്‍ സ്വന്തം രാഷ്ട്രീയ പാത കണ്ടെത്താന്‍ വളരെയധികം ഊര്‍ജം അവര്ക്കു ചെലവഴിക്കേണ്ടി വന്നു.. പ്രവര്‍ത്തകര്‍ക്ക് സംഭവിച്ച നിരാശയും ചില്ലറയല്ല.. പ്രത്യയ ശാസ്ത്ര നിലപാടുകളില്‍ സംഘടനാപരമായും വ്യക്തിപരമായും വന്നുപെട്ട വ്യതിചലനങ്ങള്‍ ചരിത്രത്തിന്റെ നൈരന്തര്യവുമായി ബന്ധപ്പെട്ടതാണ്.. ഇതിനൊപ്പം വന്നുപെട്ട ആഗോളവല്‍ക്കരണത്തിന്റെ കൊടും കാറ്റിനെയും ചേര്‍ത്തുവെച്ചു വായിക്കുക.. എല്ലാ വിധ പുരോഗമന പ്രത്യയ ശാസ്ത്രങ്ങളെയും നന്മകള്‍ നിറഞ്ഞ ജനതകളെയും സംഘടനകളെയും സമരം, സംഘര്‍ഷം, കലാപം തുടങ്ങിയ ആശയങ്ങളെയും ആഗോളവല്‍ക്കരണം ഏത് തരത്തില്‍ മാറ്റി തീര്ത്തു എന്നത് പഠിക്കേണ്ടത് തന്നെയാണ്.. ബൂര്‍ഷ്വാ ജനാധിപത്യ രീതിയില്‍ കൂടി ഒരു രാഷ്ട്രീയ പാത തെരഞ്ഞെടുത്ത ഇന്ത്യയിലെ കമ്മ്യൂണിസ്റ്റ് പാര്‍ട്ടികള്‍ക്ക് ഈ ചരിത്രപരമായ കൊടും കാലത്തെ അതിജീവിക്കുന്നതിനിടയില്‍ വലിയ പരിക്കുകള്‍ പറ്റിയിട്ടുണ്ട്.. ഈ പരിക്കുകള്‍ സംഘടനാപരമായി തന്നെ പരിഹരിക്കാവുന്നതെ ഉള്ളൂ.. ആഗോളവല്‍ക്കരണത്തെ എതിര്‍ക്കുന്നതിനു വേണ്ടി സായാഹ്ന ധര്‍ണ നടത്തുന്ന DYFI രീതിയെ ഞാന്‍ വിമര്‍ശിച്ചിട്ടുണ്ട്.. അതുപോലെ പണിമുടക്ക്‌ എന്ന സമര രീതി ആഗോള വല്‍കൃത സാഹചര്യങ്ങളില്‍ എത്ര മാത്രം ലക്ഷ്യത്തില്‍ എത്തുന്നുണ്ട് എന്നും ചര്ച്ച ചെയ്തിട്ടുണ്ട്.. പക്ഷെ, സമര രംഗത്ത് നിലനില്‍ക്കുക എന്ന ചരിത്രപരവും പ്രത്യശാസ്ത്രപരവുമായ ബാധ്യതകള്‍ നിറവേറ്റുന്നതിനായി ഇവയെങ്കിലും ചെയ്യാതിരുന്നാല്‍ അതും വലിയ പാതകമാവും.. പുസ്തകങ്ങളില്‍ പറഞ്ഞ കാര്യങ്ങള്‍ കൊണ്ടു മാത്രം നിര്‍ധാരണം ചെയ്തെടുക്കാവുന്ന അവസ്ഥകളല്ല, ഇവയൊന്നും.. മറ്റൊന്ന്: AKG യും രണദിവെയും EMS ഉം കൃഷ്ണപിള്ളയും ഒന്നും നേരിട്ട ഒരു അവസ്ഥയല്ല, സുര്‍ജിത്തും കാരാട്ടും പിണറായിയും ബുദ്ധദേവും ഒന്നും നേരിടുന്നത്‌.. അധികാരത്തില്‍ ഇരിക്കുന്ന ഒരു പാര്‍ട്ടി എന്ന നിലയില്‍ ഈ അവസ്ഥയെ നേരിടുന്നത്‌ ദുഷ്കരം തന്നെയാണ്.. കേരളത്തില്‍ പ്രത്യേകിച്ചും.. പഴയ കാലത്തു ശത്രു പ്രത്യക്ഷതിലാണ്... ഇന്നു ശത്രു എല്ലായിടത്തും, അരൂപിയായി, നമ്മള്‍ പ്രതീക്ഷിക്കാത്ത സ്ഥലങ്ങളിലും ഇടങ്ങളിലും നമ്മെ ആക്രമിച്ചുകൊണ്ടേ ഇരിക്കുന്നു... ഈ അവസ്ഥയില്‍ പാര്‍ട്ടി ഒരു പരിധി വരെ സഹതാപവും അര്‍ഹിക്കുന്നുണ്ടെന്ന് വ്യക്തിപരമായി എനിക്ക് തോന്നുന്നു.. അതുകൊണ്ട് തന്നെ, ഒരിക്കലും തോന്നാത്ത തരത്തില്‍ ഒരു സ്നേഹം ഈ പാര്‍ട്ടിയോട് എനിക്ക് ഇപ്പോള്‍ തോന്നുന്നു.. (ഞാന്‍ ഒഞ്ചിയം നിവാസിയാണ്.. അവിടെ എല്ലാ കാലവും ഞാന്‍ കലഹിച്ചു കൊണ്ടിരുന്ന പാര്‍ട്ടി പ്രവര്‍ത്തകര്‍ ഇപ്പോള്‍ 'തെളിഞ്ഞ' മാര്‍ക്സിസ്റ്റുകള്‍ ആയി മാറിയിരിക്കുന്നു.. ഞാനോ, ഇങ്ങനെയും.. ഒഞ്ചിയം പ്രശ്നത്തില്‍ പത്രങ്ങള്‍ പറയുന്നതിനേക്കാള്‍ അപ്പുറത്ത് ചില അടിയൊഴുക്കുകള്‍ ഉണ്ട്.. പിന്നെയൊരിക്കല്‍ പറയാം)
3. വി.എസ്സിനെ പുറത്താക്കിയാല്‍ പാര്‍ട്ടി നന്നാകുമോ എന്ന് അനില്‍ ചോദിക്കുന്നു.. എതിരാളികളോട് നിന്നെതിര്‍ക്കുവാന്‍ എങ്ങിനെയെങ്കിലും ഉള്ള ഒരു പാര്‍ട്ടി മതിയോ എന്ന് കാളിദാസനും.. നിഷ്കളങ്കമെന്നു തോന്നിയേക്കാവുന്ന അപകടകരമായ ഒരു ചോദ്യമാണ് ഈ ചോദ്യം.. പാര്‍ട്ടിയ്ക്ക് ' നല്ലത്' എന്ന് പറയാവുന്ന ഒരു അവസ്ഥ സാധ്യമാനെന്നാണ് ആദ്യത്തെ മുന്‍‌വിധി.. ഇതു തെറ്റാണ്.. വ്യക്തികളുടെ ഒരു കൂട്ടായ്മ എന്ന നിലയില്‍ പാര്‍ട്ടിയ്ക്ക് തെറ്റുകള്‍ പറ്റുവാന്‍ സാധ്യത ഏറെയാണ്‌.. ഒരര്‍ത്ഥത്തില്‍ നല്ല കാര്യങ്ങള്‍ മാത്രം ചെയ്യുന്ന മാതൃകാ വ്യക്തികള്‍ ചേര്ന്ന സംഘടന എന്നൊക്കെ പറയുന്നതു വെറുമൊരു ഗാന്ധിയന്‍ സ്വപ്നം മാത്രമാണ്.. പ്രായോഗികമായി പറഞ്ഞാല്‍, തെറ്റ് വരാതിരിക്കുവാന്‍ ശ്രമിക്കുന്ന, പറ്റിയ തെറ്റുകള്‍ സ്വയം വിമര്‍ശന പരമായി തിരുത്തുകയും കൂട്ടായി തീരുമാനങ്ങള്‍ എടുക്കുകയും ചെയ്യുന്ന ഒരു സംഘടന ആപേക്ഷികമായി ഏറെക്കുറെ സമൂഹത്തെ മുന്നോട്ടു നയിക്കും എന്ന് കരുതാം.. അപ്പോഴും ഈ സംഘടന ' നല്ലത്' ആകുന്നില്ല.. അപ്പോഴും പിന്തിരിപ്പന്‍ നയങ്ങളും പിന്തിരിപ്പന്‍ നേതാക്കളും ഒക്കെ ഈ സംഘടനയുടെ ഭാഗമായി ഉണ്ടാവാന്‍ സാധ്യതയുണ്ട്.. കാരണം, ചില തെറ്റുകള്‍ ചരിത്രത്തിലൂടെ കടന്നുപോകുമ്പോള്‍ മാത്രം തിരുത്തപ്പെടാവുന്നതാണ് .. അതുകൊണ്ട്, 'നല്ല' സംഘടന എന്നാല്‍, നല്ലത് മാത്രം ചെയ്യുന്നതും 'നല്ല' ആള്‍ക്കാര്‍ ഉള്‍പ്പെടുന്നതും ആയ സംഘടന അല്ല, മറിച്ചു, സ്വാഭാവികമായി തെറ്റുകള്‍ വന്നുപെടാന്‍ സാധ്യതയുള്ള, എന്നാല്‍ തിരുത്താനുള്ള ഇച്ചാശക്തിയുള്ള ഒരു സംഘടനയാണ്.. അത് CPIM നു നഷ്ടപ്പെട്ടു എന്ന് കരുതുന്നത് സംഘടനയെ അറിയാത്തതുകൊണ്ടാണ്‌.. CPIM തെറ്റുകള്‍ ഉണ്ടെങ്കില്‍ അത് തിരുത്തുക തന്നെ ചെയ്യും.. കോണ്ഗ്രസ്, മുസ്ലിം ലീഗ് എന്നിവ പോലെ ഒരു പാര്‍ട്ടി അല്ല ഇതെന്ന് കാളിദാസനു ബോധ്യപ്പെടുക തന്നെ ചെയ്യും..
4. കട്ടന്‍ ചായയും പരിപ്പുവടയും മുറി ബീഡിയും കാലൊടിഞ്ഞ ബെഞ്ചും മുഷിഞ്ഞ വസ്ത്രവുമൊക്കെ നല്ല ഗൃഹാതുരത്വം തരുന്ന വാക്കുകളാണ്.. ചിന്തിക്കുന്നവരെ ഇത്തരം ഗൃഹാതുരത്വത്തില്‍ കുടുക്കിയിടാന്‍ മാധ്യമങ്ങള്‍ കൊണ്ടു ശ്രമിച്ചത് വിജയിച്ചു എന്ന് തന്നെ വേണം കരുതാന്‍.. ഇതൊന്നു വായിച്ചുനോക്കൂ:

ഞങ്ങള്‍ ഈ പാര്‍ട്ടിയെ നന്നാക്കിതരാം..

5. ഇനി പാര്‍ട്ടി ഒരുപാടു സ്വത്തുക്കള്‍ ഉണ്ടാക്കിക്കൂട്ടുന്നു, നേതാക്കള്‍ മാനജര്‍മാരാവുന്നു, മുതലാളിമാരുമായി ചങ്ങാത്തമാവുന്നു, പാര്‍ക്ക് ഉണ്ടാക്കുന്നു, സൌധങ്ങള്‍ കെട്ടുന്നു.. എ.ഡി.ബി, വേള്‍ഡ് ബാങ്ക് : ഒരുപാടു തവണ പലരും വിശദീകരിച്ച കാര്യങ്ങള്‍ തന്നെ..
പാര്‍ട്ടി ഒരു ചാനല്‍ തുടങ്ങാന്‍ തീരുമാനിച്ചപ്പോള്‍ ഞാനും എതിര്‍ത്തതാണ്.. ബംഗാളില്‍ പോലും ഒരു ചാനല്‍ ഇല്ല, പിന്നെന്തിനാണ് ഇവിടെ? വലിയ ധന സമാഹരണം എങ്ങിനെ നടക്കും? ഇതൊക്കെ എനിക്കും തോന്നിയിരുന്നു.. എതിര്പ്പുള്ളതിനാല്‍ ഞാന്‍ ഷെയര്‍ എടുത്തില്ല.. പക്ഷെ, ഇപ്പോള്‍ കേരളത്തില്‍ നടക്കുന്ന മാധ്യമ പേക്കൂത്തുകള്‍ കാണുമ്പോള്‍, അതിന്റെ ഉള്ളറകള്‍ വെളിപ്പെടുമ്പോള്‍, പാര്‍ട്ടി അന്ന് എടുത്ത തീരുമാനം എത്രയോ ശരിയായിരുന്നു എന്ന് എനിക്ക് തോന്നുന്നു.. കൈരളി കണ്ണ് തുറന്നിരുന്നിട്ടു തന്നെ പച്ചക്കള്ളങ്ങളും fabricated വാര്‍ത്തകളും എത്രയാണ് വരുന്നതു!! ആ ചാനല്‍ ഇല്ലായിരുന്നെങ്കിലോ? ഇവരൊക്കെ എന്തൊക്കെ കാട്ടിക്കൂട്ടുമായിരുന്നു! കാരണം, ഇതു കേരളമാണ്.. ഭക്ഷണത്തിനൊപ്പം വാര്‍ത്തകളും ഭക്ഷിക്കുന്നവര്‍.. വാര്‍ത്തകള്‍ ഒരു സംസ്കാരത്തിന്റെ ഭാഗമായി കൊണ്ടുനടക്കുന്നവര്‍.. പാര്‍ട്ടി നേതാക്കന്മാര്‍ക്കെതിരെ വെറുപ്പ്‌ ഉല്പാദിപ്പിക്കുന്ന മാധ്യമ ഫാക്ടരികള്‍ക്ക് കൈരളി ഉള്ളതിനാല്‍ അല്പമൊക്കെ സംയമനം ഉണ്ട്..
6. VS മാത്രമല്ല, ഒരുപാടു പാര്‍ട്ടി പ്രവര്‍ത്തകര്‍, നേതാക്കള്‍ ഉള്‍പെടെ അഴിമതിയ്ക്ക് എതിരെ പൊരുതുന്നുണ്ട്.. പക്ഷെ, അതൊന്നും താന്‍ പാര്‍ട്ടിയേക്കാള്‍ വലിയവനാണെന്ന് തോന്നിയിട്ടല്ല.. സംഘടന ഉണ്ടെങ്കിലേ പോരാട്ടങ്ങള്‍ക്ക് അര്ത്ഥം ഉണ്ടാവൂ. സംഘടനയെ സ്വന്തം അഭിപ്രായങ്ങള്‍ അംഗീകരിക്കുന്നില്ല എന്ന കാരണത്താല്‍ ബ്ലാക്ക്‌ മെയില്‍ ചെയ്യാം എന്ന ധാരണ എത്ര വലിയ നേതാവായാലും ഭൂഷണമല്ല.. സ്വന്തം ജീവിതകാലത്ത് തന്നെ സ്വപ്‌നങ്ങള്‍ ഒക്കെ നടക്കണം എന്ന് തോന്നുന്നയാള്‍ ചരിത്രമറിയാത്ത 'മന്ദബുദ്ധി' തന്നെയാണ്.. തനിക്ക് ശേഷവും ഇവിടെ സംഘടന, പോരാട്ടങ്ങള്‍, അഴിമതി, അഴിമതി വിരുദ്ധത എന്നിവയൊക്കെ ഉണ്ടാവും എന്ന ചരിത്രപരമായ വിനയം സംഘടനാപരമായി സൂക്ഷിക്കാന്‍ കഴിയാത്തവര്‍ അപ്പോള്‍ കമ്മ്യൂണിസ്റ്റ് എന്ന പേരിനു അര്‍ഹരല്ലാതായി തീരും.. VS നെ ചിലര്‍ ആള്ദൈവമായി കൊണ്ടുനടക്കുന്നതിനാലാണ് പിണറായിയെ മറ്റു ചിലര്‍ അതേ രീതിയില്‍ തന്നെ തിരിച്ചടിക്കായി ഉപയോഗിക്കുന്നത്.. ഇ.പി. ജയരാജന്‍ പ്രസംഗിച്ചത് ഒരു നാലഞ്ചു വാചകങ്ങള്‍ എങ്കിലും സംപ്രേഷണം ചെയ്യാനുള്ള മാന്യത ഒരു മാധ്യമവും കാണിച്ചില്ല.. വിമര്‍ശന വിധേയമായ ഈ ഒരൊറ്റ വാചകം മാതമാണ് കാവ്യയുടെ കല്ല്യാണം മിനുട്ടുകളോളം കാണിച്ച മാധ്യമങ്ങള്‍ കാണിച്ചത്.. ഇതില്‍ ഒരു അനീതിയുണ്ട്.. പിണറായി ആണ് പ്രസ്ഥാനം എന്നുള്ളത് ഒരാളും അംഗീകരിക്കില്ല.. പിന്നെ, എറിയാന്‍ ഏത് കല്ലും ഉപയോഗിക്കുന്നവര്‍ക്ക് മാധ്യമങ്ങള്‍ ഉദാരമായി കല്ലുകള്‍ സപ്ലൈ ചെയ്യുന്നു എന്നതിന്റെ തെളിവായെ ഞാന്‍ ഇതിനെ കാണുന്നുള്ളൂ..
7. ഒരു കമ്മ്യൂണിസ്റ്റ് രണ്ടു കത്തികള്‍ കരുതണമെന്നാണ്.. ഒരു കത്തി ശത്രുവിനെ എതിരിടാനുള്ളത്; മറ്റേതു പാര്‍ട്ടിക്കുള്ളിലെ തെറ്റുകളെ എതിര്‍ക്കുവാനുള്ളത്.. തിരിച്ചറിവുള്ള ഒരു കമ്മ്യൂണിസ്റ്റ് ഇങ്ങനെ ആയിരിക്കണം.. ഇതു അച്ചില്‍ ഉണ്ടാക്കിയ ഒരു മാതൃകയോന്നുമല്ല.. ചരിത്രപരമായ ഓരോ ഘട്ടങ്ങളിലും കത്തിയുടെ മൂര്‍ച്ച കൂടിയും കുറഞ്ഞുമിരിക്കും.. അതൊന്നും സംഘടനയെ നിഷേധിക്കുവാന്‍ കാരണമല്ല.. സംഘടന കാലത്തെ അതിജീവിക്കും.. കാരണം കാലത്തിനനുസരിച്ച് നവീകരിക്കുവാന്‍ സാധ്യതയുള്ള ഒരു പ്രത്യശാസ്ത്രവും സംഘടനയും ഇതു മാത്രമേയുള്ളൂ..
8. എല്ലാം ഭദ്രമാണെന്ന് അഭിപ്രായമില്ല.. എല്ലാം നശിച്ചു എന്നും അഭിപ്രായമില്ല.. പ്രതീക്ഷയാണ് എന്നെയും പാര്‍ട്ടിയോട് ഒപ്പമുള്ളവരെയും നയിക്കുന്നത്... അത് അങ്ങിനെയാണ് .. അത് അങ്ങിനെ തന്നെ ആയിരുന്നു.. മാധ്യമങ്ങള്‍ ഒരുക്കുന്ന ഗൃഹാതുരത്വ കട്ടന്‍ ചായയില്‍ മയങ്ങി പോകാത്തവര്‍ക്ക് ഇതു തിരിച്ചറിയാന്‍ കഴിയും..

അത് കൊണ്ടു വി.എസ്സിനെ പുറത്താക്കുക!

2009-02-04T11:35:00.002+05:30

വി.എസ്.അച്ചുതാനന്ദന്‍ കേരളത്തിലെ സമുന്നതനായ ഇടതുപക്ഷ നേതാവാണ്‌. അദ്ദേഹത്തിന്റെ സമര പാരമ്പര്യം അദ്വിതീയമാണ്. നല്ലൊരു മനുഷ്യ സ്നേഹി, പ്രതികരണത്തില്‍ എന്നും തീവ്രത പുലര്‍ത്തിയ ആള്‍.. സമൂഹത്തിന്റെ പ്രശ്നങ്ങളോട് അനുഭാവം പുലര്‍ത്തിയ ഒരു കമ്മ്യൂണിസ്റ്റ് .. അല്പം വര്‍ഷങ്ങള്‍ മുന്പ് വരെ കേരളത്തിലെ പൊതു സമൂഹത്തിന്റെ വെറുപ്പ്‌ ഏറ്റു വാങ്ങിയ ആള്‍.. മാധ്യമങ്ങള്‍ ഒരു കാലത്തു വേട്ടയാടിയ ആള്‍..(വെട്ടി നിരത്തല്‍ കാലം ഓര്ക്കുക).. മകനെ coirfed MD ആയി നിയമിച്ച കാലത്തും (നായനാര്‍ ഭരണ കാലത്ത്‌) മാധ്യമങ്ങളില്‍ തറ രാഷ്ട്രീയക്കാരന്‍ എന്ന പേരില്‍ അറിയപ്പെട്ടിരുന്ന ആള്‍.. എന്നും സ്വന്തം പാര്‍ട്ടിക്കാര്‍ നെഞ്ചില്‍ ഏറ്റി നടന്ന നേതാവ്..

കഴിഞ്ഞ കുറെ വര്‍ഷങ്ങളായി പാര്‍ട്ടിയിലെ വിഭാഗീയതയില്‍ ഒരു പക്ഷം ചേര്ന്നു സ്വന്തം അഭിപ്രായങ്ങള്‍ക്ക് വേണ്ടി വാദിച്ചു കൊണ്ടിരുന്നു.. ആദ്യകാലത്ത് കുറച്ചൊക്കെ ഓളങ്ങള്‍ പാര്‍ടിയില്‍ സൃഷ്ടിക്കുവാന്‍ കഴിഞ്ഞു .. എന്നാല്‍ രണ്ടു സംസ്ഥാന സമ്മേളനങ്ങള്‍ വരെ നീണ്ട ആശയ സമരത്തിനൊടുവില്‍ സ്വന്തം നിലപാടുകളെ പാര്‍ട്ടിയിലെ വലിയൊരു ഭൂരിപക്ഷം തള്ളിക്കളയുന്നതിനു സാക്ഷിയായി.. മിക്കവാറും എല്ലാ ഘടകങ്ങളിലും നടന്ന തെരഞ്ഞെടുപ്പുകളില്‍ അദേഹത്തിന്റെ പക്ഷം പരാജയപ്പെട്ടു. (എന്തൊക്കെ കുറവുകള്‍ ഉണ്ടായാലും വേറെ ഏത് പാര്‍ട്ടിക്കു അവകാശപ്പെടാം, ഇങ്ങനെ ഒരു ജനാധിപത്യ പ്രക്രിയ?) അതായത്, അദ്ദേഹം പറഞ്ഞു കൊണ്ടിരുന്നത് പാര്‍ട്ടി അംഗീകരിക്കുന്നില്ല എന്ന് ചുരുക്കം.. പാര്‍ടി അംഗീകരിക്കുന്നില്ല എന്നുള്ളത് ഒരു മുതിര്ന്ന നേതാവ് പ്രസ്താവിച്ചതല്ല, മറിച്ച്‌ പത്തു വര്‍ഷത്തിലധികമായി പാര്‍ട്ടിയില്‍ നടന്ന ചര്‍ച്ചകള്‍ക്കും അഭിപ്രായ രൂപീകരണത്തിനും ഒടുവിലാണ് സ. വി.എസ്സിന്റെ നിലപാടുകള്‍ തള്ളിക്കളഞ്ഞത്.. അങ്ങിനെ ആണ്, പിണറായി രണ്ടാമതും സെക്രട്ടറി ആയി തിരഞ്ഞെടുക്കപ്പെട്ടത്..

ഇങ്ങനെ ഒരു അവസ്ഥയില്‍ എത്തി ചേര്‍ന്നാല്‍, ഒരു പാര്‍ടി പ്രവര്‍ത്തകന്റെ മുന്നില്‍ രണ്ടു വഴികളെ ഉള്ളൂ.. (1) തന്റെ നിലപാടുകളെ പാര്‍ട്ടിയിലെ ഭൂരിപക്ഷം അംഗീകരിക്കുന്നില്ല.. അതുകൊണ്ട് തന്റെ നിലപാടുകള്‍ ശരിയല്ലെന്ന് പാര്‍ടി പറയുന്നതു അംഗീകരിച്ചു പാര്‍ടി നയത്തിന് അനുസരിച്ച് പാര്‍ടി ചട്ടക്കൂടിനുള്ളില്‍ ഒതുങ്ങി നിന്നുകൊണ്ട്‌ പ്രവര്‍തിക്കാം..
(2) തന്റെ നിലപാടുകള്‍ ശരിയാണെന്ന് ഉറച്ചു വിശ്വസിക്കുന്നതിനാല്‍, ഈ ശരി അംഗീകരിക്കാത്ത പാര്‍ട്ടിയില്‍നിന്നും വിട്ടുപോകാം..

ഇതു രണ്ടും വി.എസ് ചെയ്യുന്നില്ല.. ഇതു മാന്യതയല്ല..

ഇനി പാര്‍ട്ടിയുടെ കാര്യം.. വി.എസും പിണറായിയും മത്സരിക്കെണ്ടതില്ല എന്ന പി.ബി. തീരുമാനം തിരുത്തി വി.എസ്സിനെ മല്സരിപ്പിച്ചത് പി.ബി. ചെയ്ത തെറ്റാണെന്ന് തന്നെ വന്നു ഭവിക്കുകയാണ്.. ഈ തീരുമാനം പാര്‍ട്ടിയുടെ ഘടനയ്ക്ക് തന്നെ എതിരായിരുന്നു... ആ തീരുമാനത്തില്‍ ഉറച്ചു നിന്നു തോല്‍വിയെങ്കില്‍ തോല്‍വി ഏറ്റു വാങ്ങണമായിരുന്നു..
ഇപ്പോള്‍, വി.എസ്. എല്ലാ പരിധിയും ലംഘിച്ചിരിക്കുന്നു .. ഉത്തമനായ ഒരു പാര്‍ടി പ്രവര്‍ത്തകനും പാര്‍ടിയോട് ചെയ്യരുതാത്തത്‌ വി.എസ്. ചെയ്തുകൊണ്ടിരിക്കുന്നു..
ജന ലക്ഷങ്ങളെ നിരാശരാക്കുന്ന തരത്തില്‍ പെരുമാറുന്ന വി.എസ്സിനെ ഇനിയും പാര്‍ട്ടിയില്‍ വെച്ചുകൊണ്ടിരിക്കുന്നത് എന്തിനാണ്? ഒരാളും, ഒരാളും സംഘടനയ്ക്ക് മേലെയല്ല എന്ന തത്വം അനുസരിക്കപ്പെടാനുള്ളതാണ്.. അതുകൊണ്ട്, വി.എസ്സിനെ പുറത്താക്കുക.... കാരണം, വി.എസ്സിനോട് ബഹുമാനം ഉണ്ട്.. അതിനേക്കാള്‍ ബഹുമാനം ഈ പാര്ട്ടിയോടുണ്ട്..

ചുറ്റും നിന്നു ആര്‍ത്തു വിളിക്കുന്ന പേക്കൊലങ്ങളോട് നിന്നെതിര്‍ക്കുവാന്‍ ഞങ്ങള്ക്ക് ഈ പാര്‍ട്ടിയെ വേണം.. വൃത്തികെട്ട മാധ്യമ-രാഷ്ട്രീയ കൂട്ടുകെട്ടിനെതിരെ ഞങ്ങള്‍ ഉണര്ന്നെഴുന്നെല്‍ക്കുക തന്നെ ചെയ്യും..

മതമില്ലാത്ത ബുദ്ധിമാന്ദ്യം..

2008-12-13T09:48:00.001+05:30

ഇന്നലെ വിശ്വഹിന്ദുക്കളുടെ ഒരു യോഗത്തില്‍ ആചാര്യ ധര്മേന്ദ്രജി പറഞ്ഞതു കേട്ടില്ലേ? ഹിന്ദുക്കളുടെ എണ്ണം വല്ലാതെ കുറയുന്നതിനാല്‍ ഓരോ ഹിന്ദുവും ചുരുങ്ങിയത് പത്തു മക്കളെ ഉണ്ടാക്കണമെന്ന്.. എന്നാലേ ഭൂരിപക്ഷ സ്റ്റാറ്റസ് നിലനിര്‍ത്തുവാന്‍ കഴിയൂ എന്ന്.. കൂടാതെ കേരളത്തിലെ വിശ്വ ഹിന്ദുക്കള്‍ കുടുമ വെക്കണമെന്നും പറഞ്ഞിട്ടുണ്ട്.. ശിഖ വെച്ചാലേ ശിഖരതിലെത്തൂ എന്ന് പ്രാസമൊപ്പിച്ച്‌..

യോഗം കഴിഞ്ഞു വീട്ടിലെത്തിയ വിശ്വ ഹിന്ദുക്കള്‍ ആഹ്വാനം അപ്പാടെ ഉടനടി നടപ്പിലാകി എന്നാണു ഈയുള്ളവന്‍ മനസ്സിലാക്കുന്നത്.. ആ വീടുകളില്‍ ഇന്നലെ ശിവ രാത്രിയായിരുന്നു എന്നാണു വിശ്വസനീയ കേന്ദ്രങ്ങളില്‍ നിന്നും മനസ്സിലാക്കുന്നത്.. കുടുമ എപ്പോഴാണ് വെച്ചുതുടങ്ങേണ്ടത് എന്ന് തീരുമാനിക്കാന്‍ വിശ്വ ഹിന്ദുക്കള്‍ വേറെ യോഗം ചേരുന്നുണ്ട്.. ആ മനോജ്ഞ കാഴ്ച കണ്ടിട്ട് വേണം മനസ്സമാധാനത്തോടെ മരിക്കാന്‍..
ഹൊ! എന്നാലും ഈ ആചാര്യന്മാരുടെ ഒരു ബുദ്ധിയേ!

പക്ഷെ, പത്തു മക്കളെ പെറാന്‍ ഒരു സ്ത്രീ ചുരുങ്ങിയത് ഇരുപതു കൊല്ലം എടുക്കില്ലേ? അതായത് സ്ത്രീകളുടെ ജീവിതം സ്വാ ഹാ! ഇവരെയൊക്കെ ജനയിതാക്കള്‍ എങ്ങിനെ പോറ്റും? നിയമങ്ങള്‍ മുഴുവനും നമുക്കു അനുസരിക്കാനുള്ളതല്ലെന്നും ആചാര്യന്‍ പറഞ്ഞുവെച്ചിട്ടുണ്ട്.. സമാധാനമായി..

കുറച്ചു കാലം മുന്‍പാണ്, ഇടവക യോഗങ്ങളില്‍ ആളുകള്‍ കുറഞ്ഞു തുടങ്ങിയപ്പോള്‍ ഒരു അച്ചന്‍ പറഞ്ഞതു, ഓരോ ക്രിസ്ത്യാനിയും മക്കളെ കൂടുതല്‍ ഉത്പാദിപ്പിക്കണം എന്ന്.. രണ്ടു മക്കള്‍ക്ക്‌ ശേഷം ഉണ്ടാവുന്ന ഓരോ മക്കള്‍ക്കും കൂടുതല്‍ കൂടുതല്‍ സൌജന്യങ്ങളും പ്രഖ്യാപിച്ചു, ആ അച്ചന്‍..

മുസ്ലിങ്ങള്‍ക്ക് പിന്നെ ഇത്തരം ആഹ്വാനം ഇപ്പോള്‍ വേണമെന്നില്ല... ഒക്കെ പഴയ പുസ്തകത്തില്‍ എഴുതിയിട്ടുണ്ട്... അതിന്റെ ശാസ്ത്രീയത ഉടനെ കണ്ടുപിടിക്കപ്പെടും...

ജീവന് മതമില്ല എന്ന് പറഞ്ഞാല്‍ ഇവരൊന്നും സമ്മതിക്കില്ല...
ബുദ്ധിമാന്ദ്യത്തിനു മതമില്ല എന്ന് പറഞ്ഞാലോ?

ഗൂഗിള്‍ മലയാളം ബ്ലോഗ് അഗ്രിഗേറ്റര്‍് റെഡി..

2008-12-08T12:18:00.002+05:30

കുറച്ചു ദിവസമായി കിട്ടാതിരുന്ന ഗൂഗിള്‍ മലയാളം ബ്ലോഗ് അഗ്രിഗേറ്റര്‍് ഇപ്പോള്‍ പഴയ അഡ്രെസ്സില്‍ തന്നെ കിട്ടാനുണ്ട് : http://blogsearch.google.com/blogsearch?num=100&lr=lang_ml&scoring=d&q=.
അഗ്രികള്‍ ഒരുപാടുണ്ട്.. പക്ഷെ, ഉപ്പോളം വരുമോ ഉപ്പിലിട്ടത്‌?

ഹിന്ദുവിന്റെ ജനിതകം

2008-11-18T10:25:00.007+05:30

നമ്മള്‍ ഇതുവരെ വിചാരിച്ചത് ഈ ഹിന്ദു സന്ന്യാസി/സന്ന്യാസിനി മാര്‍ മനസ്സിന്റെയും ഈ സംസാരത്തിന്റെയും പ്രശാന്തതയില്‍ പ്രപഞ്ചത്തോട്‌ സംവദിച്ചുകൊണ്ട് അങ്ങനെ ജീവിക്കുകയാണ് എന്നല്ലേ.. ഇപ്പോള്‍ നമ്മുടെ പോലീസുകാര്‍ പറയുന്നു, അവര്‍ ബോംബ് ഉണ്ടാക്കുന്നു, ആളെ കൊല്ലുന്നു, ഫോണിലൂടെ 'എന്താ മരിച്ചവരുടെ എണ്ണം കുറഞ്ഞുപോയത്' എന്നിങ്ങനെ അരിശം കൊള്ളുന്നു.. പണ്ടു അമര്‍ ചിത്രകഥ വായിക്കുമ്പോള്‍ ആകെ ദേഷ്യം പിടിക്കുന്ന ഒരു സന്ന്യാസി വിശ്വാമിത്രന്‍ മാത്രമായിരുന്നു.. പാവം വിശ്വാമിത്രന്‍ ! പ്രഗ്യാ സിംഗ്, അസിമാനന്ദ തുടങ്ങിയവരെ കാണുമ്പോള്‍ വിശ്വാമിത്രന്‍ വെറും തൃണം! (വിശ്വാമിത്രനെ തൃണം എന്ന് വിളിച്ചു എന്ന് പറഞ്ഞു എന്റെ ബ്ലോഗൊന്നും കത്തിക്കാന്‍ വന്നേക്കല്ലേ.. ജീവിച്ചു പൊക്കോട്ടെ!) പാവം പശുക്കളെ ഒരിക്കലും കൊല്ലാന്‍ പാടില്ലെന്ന് പറയുന്നവര്‍ മനുഷ്യരെ കൊല്ലാന്‍ വളരെ പ്രൊഫഷണല്‍ ആയിത്തന്നെ പ്ലാന്‍ ചെയ്യുന്നത് വലിയ തെറ്റായിട്ടാണ് ഈ കപട മതേതര വാദികള്‍ പ്രചരിപ്പിക്കുന്നത്‌.. ഈ പോലീസുകാരും പത്രക്കാരും കൂടെ മാനം കളഞ്ഞു.. കുറച്ചു നാള്‍ മുന്പ് വരെ തീവ്രവാദി എന്ന പേരു മുസ്ലീങ്ങളെ വിളിക്കുവാന്‍ ഉപയോഗിച്ച പദമായിരുന്നു.. ഏതോ ഒരു മുസ്ലിം കുട്ടിയോട് മോന്റെ മതം ഏതാണ് എന്ന് ചോദിച്ചപ്പോള്‍ 'തീവ്രവാദി' എന്ന് പറഞ്ഞു എന്ന് വരെ കേട്ടിരുന്നു.. ബ്ലോഗിലെ മൈനയ്ക്കും ചില്ലറ വിഷമം ഉണ്ടായിരുന്നു, മുസ്ലീങ്ങളെല്ലാം തീവ്രവാദികളാണോ? എന്ന് ചോദിച്ചപ്പോള്‍.. ഇനിയിപ്പോ ആ വിഷമം വേണ്ട.. കൃത്യമായ വേര്തിരിവോന്നും ഈ കാര്യത്തില്‍ ഇല്ല എന്ന് മനസ്സിലായല്ലോ. തീവ്രവാദം അങ്ങിനെ തീറെഴുതി കൊടുക്കാനൊന്നും ആര്‍ഷ ഭാരതീയര്‍ തയ്യാറല്ല.. സ്വതന്ത്ര ഭാരതത്തിലെ ആദ്യത്തെ തീവ്രവാദി ആയ ഗോഡ്സെ തന്നെ ഈ ഹിന്ദു മഹാസഭയുടെ ആളാ.. വാദത്തിന്റെ തീവ്രതയുടെ അടിസ്ഥാനത്തില്‍ ആണ് ഞങ്ങള്‍ വേറെ വേറെ സംഘടനകള്‍ തന്നെ ഉണ്ടാക്കിയിട്ടുള്ളത്.

വന്നു വന്നു ഇപ്പോള്‍ സാധാരണക്കാര്‍ക്ക് എല്ലാവരെയും പേടി ആയിട്ടുണ്ട്‌.. എല്ലാവരും തീവ്രവാദികള്‍ ആണ് എന്ന് സാധാരണക്കാരന്‍ ധരിച്ചുപോയാല്‍ തെറ്റൊന്നും പറയാന്‍ ആകില്ല..

ഞങ്ങള്‍ ആര്‍ഷ ഭാരത പാരമ്പര്യം അനുസരിച്ച് ചില ശാസ്ത്ര ശാഖകള്‍ വികസിപ്പിചെടുത്തിട്ടുണ്ട്.. വേദ ഗണിതം, ഭാരതീയ വാസ്തു ശാസ്ത്രം, ജ്യോതിഷം തുടങ്ങി ഒരു വലിയ സംഭവം തന്നെയാണത് . ഞങ്ങളുടെ വിദ്യാഭാസ സ്ഥാപനങ്ങളില്‍ അതെല്ലാം പഠിപ്പിക്കുന്നും ഉണ്ട്.. ഈ ശാസ്ത്ര ശാഖകള്‍ എല്ലാം എങ്ങിനെ മുരടിച്ചു പോയി എന്നൊന്നും ചോദിച്ചേക്കരുത്.. നിങ്ങളെ ഞങ്ങള്‍ കപട മതേതര വാദികള്‍ എന്ന് വിളിച്ചുകളയും..

ഇന്നത്തെ പത്രം വായിച്ചപ്പോള്‍ വലിയ സന്തോഷം തോന്നി.. ആര്‍ഷ ഭാരതീയര്‍ ഒരു പുതിയ ശാസ്ത്ര ശാഖ കൂടി വികസിപ്പിചെടുത്തിരിക്കുന്നു.. 'ആര്‍ഷ ഭാരത ജനിതകം ' ! ഈ വര്ഷത്തെ നോബല്‍ സമ്മാനം ബി.ജെ.പി നേതാവ് വി.കെ.മല്‍ഹോത്രയ്ക്ക് തന്നെ. 'ഹിന്ദുക്കള്‍ ജനിതകമായി തീവ്രവാദികള്‍ അല്ല' എന്നാണു അദ്ദേഹം മൊഴിഞ്ഞിരിക്കുനത് .. എന്തൊരു കണ്ടുപിടുത്തം! അതായത് മറ്റുള്ളവര്‍ തീവ്രവാദികള്‍ ആണെന്നും, അതിന് കാരണം അവരുടെ ജനിതക പ്രത്യേകതകള്‍ ആണെന്നും! ഈ വാദത്തിന്റെ അങ്ങേയറ്റം എവിടെയാണ്? സംഗതി തിരിഞ്ഞാ? നുമ്മടെ വലിയ കാരണവര്‍, ഗുരു എല്ലാമായ സ്വര്‍ഗസ്ഥനായ ഹിറ്റ്ലര് മാമുനി (ശാന്തം പാപം!) ഇതുപോലൊക്കെ പറഞ്ഞിട്ടുണ്ട്.. ജനിതകം തുടങ്ങിയ വലിയ വാക്കുകള്‍ അദേഹത്തിന് അറിയാഞ്ഞിട്ടാണോ, എന്തോ, അദ്ദേഹം ഉപയോഗിച്ചത് വംശശുദ്ധി, ആര്യ രക്തം തുടങ്ങിയ വാക്കുകള്‍ ആയിരുന്നു.. ജനിതക ശാസ്ത്രജ്ഞനായ മല്‍ഹോത്രയെപ്പോലുള്ളവരെ ശിഷ്യനായി കിട്ടാനും വേണം ഒരു ഭാഗ്യമൊക്കെ, എന്റെ ഹിറ്റ്ലരെ ..
ശാന്ത സ്വഭാവികള്‍ ആയ, ജനിതക തങ്കക്കുടങ്ങള്‍ ആയ ഈ ഹിന്ദുത്വക്കാരെ കണ്ടാല്‍ കോരിയെടുത്ത് ഉമ്മ വെച്ചുപോകും.. അരച്ചുകിട്ടിയാല്‍ കലക്കി കുടിക്കാമെന്നും തോന്നിപ്പോകും ..

(അങ്ങിനെ ഒരു ജനിതകം ഉണ്ടെങ്കില്‍ നമ്മുടെ മൊന്സന്ടൊ കമ്പനി വല്ല ജനിതക വ്യതിയാനവും വരുത്തി തീവ്ര വാദികളെയും ശാന്ത സ്വഭാവികളെയും ഉണ്ടാക്കിക്കളയും! പാക്ക് ചെയ്തു വില്‍ക്കുകയും ആവാം..)

ഈ പാര്‍ട്ടിയെ ഞങ്ങള്‍ നന്നാക്കിതരാം...

2008-11-15T12:01:00.000+05:30

ശ്രീ. ബി.ആര്‍.പി.ഭാസ്കറിന്റെ 'വായന' എന്ന ബ്ലോഗില്‍ CPIM നു പലിശ, dividend എന്നീ ഇനങ്ങളില്‍ ഉള്ള വരുമാനത്തെ പറ്റി ഒരു പോസ്റ്റും അതിന് പുറകെ കുറെ കമന്റുകളും വന്നിരുന്നു. അന്ധമായ CPIM വിരോധത്തിന്റെ നല്ല ദൃഷ്ടാന്തമാണ് അതിലെ മിക്ക കമന്റുകളും. ഭാസ്കര്‍ ആകട്ടെ, വളരെ സമര്ഥമായാണ് ആ പോസ്റ്റ് ഇട്ടിട്ടുള്ളത്.. ആദ്യത്തെ വാചകം നോക്കൂ: 'സ്റ്റോക്ക് മാര്‍ക്കെറ്റില്‍ നിക്ഷേപങ്ങള്‍ ഉള്ള പാര്‍ട്ടിയാണ് CPIM എന്ന് ചിദംബരം പറഞ്ഞത്രേ.. പിന്നത്തെ വാചകം, പലിശയായും dividend ആയും CPIM നു 2.15 കോടി രൂപ വരെ ഒരു വര്ഷം വരുമാനം ഉണ്ടാവുന്നു എന്നും.. ഇതില്‍ പലിശ എത്ര എന്നും dividend എത്ര എന്നും വേര്‍തിരിച്ചു കാണിച്ചിട്ടില്ല. CPIM നു ബാങ്ക് നിക്ഷേപങ്ങള്‍ ആയി നമ്മുടെ സഹകരണ ബാങ്കുകള്‍ മുതല്‍ ദേശസാല്‍കൃത ബാങ്കുകള്‍ വരെയുള്ള സ്ഥാപനങ്ങളില്‍ നിക്ഷേപങ്ങള്‍ ഉണ്ട്. പലിശ വരുമാനം തന്നെയാവും കൂടുതല്‍ എന്നാണു എന്റെ അഭിപ്രായം. ഇപ്പോള്‍ മനസ്സിലായില്ലേ, CPIM ഒരു മുതലാളി ആണെന്ന്? എന്നാണു അഞ്ചരക്കണ്ടി സുകുവിന്റെ അഭിപ്രായം. നല്ല എരിവുള്ള ഇഞ്ചി പെണ്ണിന്റെ കണ്ണും മൂക്കുമില്ലാത്ത അഭിപ്രായങ്ങള്‍ കൂടെയുണ്ട്. ചിലത് ഞാനും പറയട്ടെ:

വടകരയില്‍ ആണ് എന്റെ വീട്. CPIM നു നല്ല വേരോട്ടമുള്ള നാട്. ഞങ്ങളുടെ നാട്ടില്‍ വലിയ ഒരു പ്രദേശത്ത് ഒരു ബ്രാഞ്ച് കമ്മിറ്റി ആണ് പ്രവര്‍ത്തിച്ചിരുന്നത്. വലിയ ഒരു പ്രദേശം ആയതിനാലും മെമ്പര്‍മാരുടെ എണ്ണം കൂടിയതിനാലും അവിടെ ബ്രാഞ്ച് വിഭജിക്കുവാന്‍ തീരുമാനമായി. പഴയ ബ്രാഞ്ച് പ്രദേശത്തിന്റെ തെക്കുഭാഗതായിരുന്നു പാര്ട്ടി ഓഫീസ് ഉണ്ടായിരുന്നത്. നാല് വര്ഷം ഒരു കലാസമിതി വാര്‍ഷികം നടത്തിയതിന്റെ ബാക്കി പണവും, ചില സുവനീര്‍ പ്രവര്‍ത്തനത്തില്‍ ബാക്കി വന്ന പണവും പിന്നെ ഒരു ബില്‍ഡിംഗ്‌ ഫണ്ട് സമാഹരണവും ശ്രമദാനവും വഴിയാണ് ആ ഓഫീസ് നിര്‍മ്മിച്ചത്‌.. ആ ഓഫീസിന്റെ ബോര്‍ഡുകള്‍ എഴുതുവാനും അകത്തെ ചില ചിത്രങ്ങള്‍ വരക്കുവാനും ഞാനും മിനക്കെട്ടിട്ടുണ്ട്.

ബ്രാഞ്ച് വിഭജനം കഴിഞ്ഞു . വടക്കു ഭാഗത്ത് നിലവില്‍ വന്ന ബ്രാഞ്ചില്‍ പരിചയ സമ്പന്നരായ പ്രവര്‍ത്തകര്‍ കുറവായിരുന്നു. എന്നിരുന്നാലും RSS നോട്ടമിട്ടിരുന്ന ഒരു സ്ഥലം എന്ന നിലയില്‍ ഊര്‍ജ്ജസ്വലമായ പ്രവര്‍ത്തനങ്ങള്‍ അവിടെ നടന്നു. നല്ല കെട്ടുറപ്പുള്ള ഒരു പാര്ട്ടി ഘടകമായി പുതിയ ബ്രാഞ്ച് പെട്ടെന്ന് തന്നെ മാറി.
ആദ്യകാലത്ത് ( എന്ന് പറഞ്ഞാല്‍ ഒരു പത്തു വര്ഷം മുന്പ്, അല്ലാതെ അന്‍പതുകളില്‍ എന്നൊന്നും ധരിച്ചെക്കല്ലേ ..) പാര്ട്ടി യോഗങ്ങള്‍ പ്രവര്‍ത്തകരുടെ വീട്ടില്‍ വെച്ചാണ് നടത്തിയിരുന്നത്. പ്രചാരണ സാമഗ്രികള്‍, കൊടികള്‍, തുടങ്ങിയവ ഏതെങ്കിലും വീടുകളില്‍ വെക്കുകയായിരുന്നു പതിവു. ഇതൊക്കെ പിന്നെ പലതരത്തില്‍ ബുദ്ധിമുട്ടായി. പ്രവര്‍ത്തകരുടെ വീടുകളില്‍ വെച്ചു നടത്തുന്ന യോഗങ്ങള്‍ക്ക് സ്വകാര്യത കിട്ടുന്നില്ലെന്നത് വലിയ ഒരു പ്രശ്നമായി. എല്ലാവര്ക്കും ഒത്തു ചേരുവാന്‍ ഒരു സ്ഥലം കിട്ടുക എന്നത് ഞങ്ങളുടെ പ്രദേശത്തെ പാര്ട്ടി പ്രവര്‍ത്തകരുടെ ഒരു സ്വപ്നമായി. നല്ല ഒരു കോണ്‍ക്രീറ്റ് റൂം പോലും വാടകയ്ക്ക് കിട്ടുക എന്നത് ബുദ്ധിമുട്ടായിരുന്നു. അങ്ങനെ, ഒരു സ്ഥലത്തു സ്ഥലമുടമ ഒരു ചെറിയ കെട്ടിടം കെട്ടിതന്നു. മങ്കട്ട കൊണ്ടു പടുത്തു ഓല മേഞ്ഞ ഒരു കെട്ടിടം. ഞങ്ങള്‍ ഒരു കലാസമിതിയ്ക്ക് രൂപം കൊടുത്തു.. ഒരു ചെറിയ വായനശാല ഉണ്ടാക്കി. മൂന്നു നാല് കൊല്ലം നാടിനെ സജീവമാക്കി കടന്നുപോയി. പാര്‍ട്ടിയ്ക്ക് കൂടുതല്‍ വൈപുല്യം കൈവന്നു. കലാസമിതി വലുതായി. വായനശാല വലുതായി. ഒരു ചെറിയ ഗ്രന്ഥശാല ഉണ്ടായി. ഈ ചെറിയ കെട്ടിടം ശരിക്കും തികയാതെ വന്നു.

അപ്പോള്‍ മറ്റൊരു സംഭവം ഉണ്ടായി. ഈ ചെറിയ കെട്ടിടത്തിന്റെ ഉടമയ്ക്ക് കെട്ടിടം ഇരുന്ന സ്ഥലം വില്‍ക്കണം. അതിന് വേണ്ടി കെട്ടിടം ഒഴിഞ്ഞു തരണം എന്ന് അദ്ദേഹം ആവശ്യപ്പെട്ടു. പാര്ട്ടി സജീവമായി പുതിയ ഒരു ഓഫീസ് കെട്ടിടം എടുക്കുന്നതിനെപ്പറ്റി ആലോചിച്ചു തുടങ്ങി. സ്ഥലം വേണം. സ്ഥലത്തിന് വലിയ വില. സെന്റിന് എഴുപതിനായിരം വരെ വരും.. റോഡരികില്‍ അല്ലാത്ത ചില സ്ഥലങ്ങള്‍ നോക്കിയപ്പോള്‍, ചിലത് ഉടമകള്‍ വില്‍ക്കാന്‍ തയ്യാറല്ല.. തയ്യാറുള്ളവരെ RSS കാര്‍ പറഞ്ഞു വിലക്കുന്നു.. ഒടുവില്‍ റോഡ് അരികില്‍ ഉള്ള ഒരു സ്ഥലം കച്ചവടം ചെയ്തു.. സെന്റിന് 60000 രൂപ വെച്ച് രണ്ടു സെന്റ് സ്ഥലം. കുറഞ്ഞ വില നോക്കി പോയാല്‍ പാര്ട്ടി ആസ്ഥാനം പ്രവര്ത്തന കേന്ദ്രത്തില്‍ നിന്നും ദൂരെ പോകും. അത് ശരിയാവില്ല. അങ്ങനെ കച്ചവടം ഉറപ്പിച്ചു. കൈയില്‍ വെറും 20000 രൂപ മാത്രം ഉണ്ട്.. വൈകിട്ട് യോഗം വിളിച്ചു.. മേല്‍ കമ്മിറ്റികള്‍ ചെറിയ സംഖ്യ തരും.. ബാക്കി പിരിച്ചുണ്ടാക്കണം. എല്ലാ ഒഴിവു ദിനങ്ങളിലും ഞങ്ങള്‍ പണം പിരിക്കുവാന്‍ പോകും.. അങ്ങിനെ ഏകദേശം ഒന്നൊന്നര വര്ഷം കൊണ്ടു ഞങ്ങള്‍ ആ കെട്ടിടം പണി തീര്ത്തു. പത്തിരുപതു പേരുടെ പ്രതിഫലം വാങ്ങാത്ത അധ്വാനം അതിനുമേലുണ്ട്..
ഈ സ്ഥലം രജിസ്റ്റര്‍ ചെയ്തത് CPIM പാര്ട്ടിയുടെ പേരിലാണ് . ഈ കെട്ടിടം പാര്ട്ടിയുടെ പേരിലാണ്.. ഇത്തരം കെട്ടിടങ്ങള്‍ ചൂണ്ടിക്കാട്ടിയാണ് വിമര്‍ശകര്‍ ഏറ്റവും വലിയ മുതലാളി പാര്‍ട്ടിയാണ് CPIM എന്ന് പറയുന്നതു. വലിയ കെട്ടിടങ്ങള്‍ ഇങ്ങനെയൊന്നും ആവില്ല പണിയുന്നത്.. ശരി തന്നെ.. പക്ഷെ, എല്ലാ ആസ്തിയും പാര്ട്ടി ഉണ്ടാക്കുന്നത്‌ സുതാര്യമായി ആണ്. അത് പര്ട്ടിക്കാര്‍ക്കറിയാം. ഞങ്ങള്‍ ആ കെട്ടിടം പണിയുവാന്‍ പലരുടെയും സംഭാവന വാങ്ങിയിട്ടുണ്ട്.. വലിയ വലിയ ഉദ്യോഗസ്ഥരുടെ, മുതലാളിമാരുടെ, പാവങ്ങളുടെ, കോണ്ട്രക്ടര്മാരുടെ , എല്ലാം പണം വാങ്ങിയിട്ടുണ്ട്.. പക്ഷെ, അതുകൊണ്ട് ഞങ്ങള്‍ എവിടെയും വിട്ടുവീഴ്ച ചെയ്യേണ്ടി വന്നിട്ടില്ല..
ചെറ്റക്കുടിലില്‍ താമസിക്കുന്ന രമേശന്‍ എന്ന പാര്ട്ടി പ്രവര്‍ത്തകന്‍ ഈ പാര്ട്ടി ഓഫീസില്‍ ഫാനിനു ചുവട്ടില്‍ ഇരുന്നു പത്രം വായിക്കുന്നതുകണ്ട ഒരു കോണ്‍ഗ്രെസ്സുകാരനായ തറവാട്ടുകാരന്‍ പറഞ്ഞു: 'ഓ! ഇന്നലെ വരെ ചാണകം തേച്ച നിലത്തു പടിഞ്ഞിരുന്നവന്‍ ഫാനിനു ചുവട്ടില്‍ വായിക്കുന്നു.. ഇവനൊക്കെ പഴയ കാലം മറന്നു.. '
ഇതു തന്നെയല്ലേ, അന്ജരക്കണ്ടി സുകുവിന്റെയും ഇഞ്ചി പെണ്ണിന്റെയും സ്വരം?

1. ഞങ്ങളുടെ നാട്ടിലും മുറി ബീഡി വലിച്ചു പരിപ്പുവടയും കട്ടനും അടിചു പ്രവര്‍ത്തിച്ചവര്‍ ഉണ്ടായിരുന്നു.. ഞങ്ങള്‍ ഇപ്പോള്‍ പലരും വലിക്കാറില്ല.. ചായയ്ക്ക് പൊറോട്ടയും ബീഫും തന്നെയാണ് കഴിക്കാറുള്ളത്.. ഇതൊന്നും ഞങ്ങള്‍ക്കെന്താ പറ്റില്ലേ? പാര്ട്ടി പ്രവര്‍ത്തകര്‍ എന്താ വല്ല വിശേഷപ്പെട്ട ഗോത്ര വര്‍ഗ്ഗവും ആണോ?
2. കോണ്‍ഗ്രെസ്സുകാര്‍ക്കും മറ്റും ഇത്രയ്ക്ക് ആസ്തി ഉണ്ടാവാത്തത് എന്തുകൊണ്ടാണെന്ന് പറഞ്ഞു തരാം.. കോണ്‍ഗ്രസുകാര്‍ സംഭാവന രശീതിയ്ക്ക് നമ്പര്‍ അടിക്കുവാന്‍ തുടങ്ങിയത് ഈയിടെയാണ്.. പിരിക്കുന്ന സംഭാവനകള്‍ നേതാക്കളുടെ കീശയിലേക്ക്‌ പോകും.. ഞങ്ങള്‍ പിരിക്കുന്നത് കെട്ടിടങ്ങളില്‍ കാണും..
3. പാര്ട്ടി പ്രവര്‍ത്തകര്‍ ദേവ ജന്മങ്ങള്‍ ഒന്നുമല്ല.. പച്ചയായ മനുഷ്യര്‍.. ഒരു ബൂര്‍ഷ്വാ അന്തരീക്ഷത്തില്‍ ജീവിക്കുമ്പോള്‍ എല്ലാ തരം പിന്തിരിപ്പന്‍ ആശയങ്ങള്‍ക്കും ഇടയിലാണ് ജീവിതം.. പരമാവധി നല്ല മനുഷ്യരായി ജീവിക്കുവാന്‍ വേണ്ട തിരുത്തലുകള്‍ നല്കുന്ന ചട്ടക്കൂടും ആത്മാവുമാണ് സംഘടന. ഒരു മാര്ക്സിസ്റ്റ് പ്രവര്‍ത്തകന്‍ സമൂഹത്തില്‍ മീന്‍ വെള്ളത്തിലെന്ന പോലെ കഴിയണമെന്നാണ്.. പാര്‍ട്ടിയിലുള്ള ആരും ഒരുകാലത്തും നൂറു ശതമാനം നല്ലവര്‍ ഒന്നും ആയിരുന്നില്ല.. അങ്ങനെ ആരെങ്കിലും ഉണ്ടാവും എന്നും തോന്നുന്നില്ല.. നമ്മുടെ കുറവുകള്‍ നികത്തുവാന്‍ കൂടി വേണ്ടിയാണ് സംഘടന..
4. ഇന്നു CPIM നെ വിമര്‍ശിക്കുവാന്‍ വേണ്ടി പഴയ കാല പ്രവര്ത്തന രീതിയെ ശ്ലാഘിച്ചുകൊണ്ട്‌ സംസാരിക്കുന്നവര്‍ പാര്ട്ടി നന്നായി ക്കാണാന്‍ വേണ്ടിയാണ് ഈ പറയുന്നതെന്ന് ഞാന്‍ കരുതുന്നില്ല.. അവര്‍ ജീവിച്ചിരുന്നത് കൃഷ്ണപ്പിള്ളയുടെ കാലതായിരുന്നെങ്കിലും അവര്‍ പാര്ട്ടി വിരുദ്ധര്‍ ആയിരിക്കും.. കാരണം, അവര്ക്കു ഒരിക്കലും ഇതൊന്നും അംഗീകരിക്കുവാന്‍ കഴിയില്ല..
5. പരിപ്പുവട കാലത്തില്‍ നിന്നും സമൂഹം ഒരു പാടു മാറി. മാര്‍ക്സിസ്റ്റുകള്‍ മാത്രം അവിടെ തന്നെ നില്‍ക്കണം എന്ന് പറയുന്നതിന്റെ പിന്നില്‍ എന്താണ്? നിങ്ങള്‍ക്കും നിങ്ങളുടെ കൂട്ടാളികള്‍ക്കും എന്തും തിന്നാം, ഞങ്ങള്‍ പരിപ്പുവട തന്നെ തിന്നാല്‍ മതി എന്ന് പറയുന്നതേ, അങ്ങ് പള്ളിയില്‍ പറഞ്ഞാല്‍ മതി..
6. രാഷ്ട്രീയ പ്രവര്‍ത്തനത്തിന് പണം വേണം.. പ്രകാശ് കാരാട്ടിന് തിരുവനന്തപുരത്തേക്ക് വരണമെങ്കില്‍ ഡല്‍ഹിയില്‍നിന്നും ലോക്കല്‍ തീവണ്ടിയില്‍ വരണമെന്ന് വെച്ചാല്‍ നടക്കുമോ? വിമാനത്തില്‍ തന്നെ വരണം. മറ്റു പാര്‍ട്ടികള്‍ സ്വീകരിക്കുന്ന രീതികള്‍ കുറെയൊക്കെ ഇത്തരം കാര്യങ്ങളില്‍ സ്വീകരിക്കാതെ 'കൃഷ്ണപ്പിള്ള പണ്ടു നടന്നുപോയി ഉണ്ടാക്കിയ പാര്‍ട്ടിയാണ്, ഞാന്‍ എങ്ങിനെയാ എയര്‍ കണ്ടിഷന്‍ വിമാനത്തില്‍ കയറുക' എന്ന് ശങ്കിച്ചു നില്‍ക്കണോ ഞങ്ങള്‍?
7. സംഭരിക്കുകയും ചെലവഴിക്കുകയും ചെയ്യുന്ന പണത്തിനു അണ പൈ കണക്കു സൂക്ഷിക്കുകയും ആയതു നിയമപ്രകാരം അറിയിക്കേണ്ടവരെ അറിയിക്കുകയും ചെയ്യുന്ന പാര്‍ട്ടിയാണ് CPIM. അല്ലാതെ കുംഭകോണങ്ങളില് നിന്നും ഹവാലയില്‍ നിന്നും കണക്കില്ലാത്ത പണം കൈപ്പറ്റുകയും കണക്കില്ലാതെ ചെലവഴിക്കുകയും ചെയ്യുന്നവരുടെ കൂട്ടത്തില്‍ ഞങ്ങളെ കാണില്ല. CPIM കൈപ്പറ്റുന്ന പണം നേതാക്കളുടെ സ്വകാര്യ ആസ്തി വര്ധിപ്പിക്കുകയാനെന്നു ഇഞ്ചി പെണ്ണ് എഴുതിക്കണ്ടു.. സ്വന്തം മാര്ക്സിസ്റ്റ് വിരുദ്ധ വികാരം ശമിപ്പിക്കുന്നതിന് വേണ്ടി എന്തും എഴുതിക്കോളൂ.. ഞാനങ്ങ് ക്ഷമിച്ചു..
8. ബൂര്‍ഷ്വാ സമൂഹത്തില്‍ പ്രവര്ത്തിക്കുന്ന പാര്‍ട്ടിയ്ക്ക് ഷെയര്‍ മാര്‍കറ്റില്‍ നിന്നുള്ള പണം 'ഹറാം' ആണെന്നാണ്‌ ചിലര്‍ ഫത്വ പുറപ്പെടുവിക്കുന്നത്.. അങ്ങിനെയെങ്കില്‍ പഞാബിലെ ഏതോ ബൂര്‍ഷ്വാ ജന്മി അവിടെയുള്ള പാവം കര്ഷക തൊഴിലാളികളെ പണിയെടുപ്പിച്ച് ഉണ്ടാക്കിയ അരി ഒരു ബൂര്‍ഷ്വാ സര്ക്കാരിന്റെ പൊതു വിതരണ സംവിധാനത്തില്‍ വന്നു ഏതോ ഒരു മുതലാളി നടത്തുന്ന റേഷന്‍ ഷോപ്പില്‍ നിന്നും വാങ്ങുന്ന അരി ഒരു പാര്ട്ടിക്കാരന് തിന്നാന്‍ കഴിയുമോ ആവോ? അമേരിക്കന്‍ ചെരിപ്പുനക്കികള്‍ ആയ ഒരു ബൂര്‍ഷ്വാ ഗവണ്മെന്റ് തരുന്ന ശമ്പളം വാങ്ങാമോ, ഒരു സഖാവിനു? അതില്‍നിന്നു ലെവി ആയി ഒരു സംഖ്യ പാര്‍ട്ടിയ്ക്ക് വാങ്ങാമോ?

മാര്ക്സിസ്റ്റ് വിരോധം ഏതൊരു ബൂര്‍ഷ്വാ സമൂഹത്തിലും എളുപ്പം ചെലവാകും.. അതിന് പിന്നണി പാടാന്‍ കുറെ പേര്‍ എപ്പോഴും ഉണ്ടാകും.. ഇവര്‍ പാര്‍ട്ടിയെ നന്നാക്കി ശരിയാക്കുമെന്നാണ് ഇവര്ക്ക് തോന്നുന്നത് .. പാര്‍ട്ടിയ്ക്കുള്ളില്‍ നടക്കുന്ന സ്വയം വിമര്‍ശന പരമായ ചര്‍ച്ചകളുടെ നൂറിലൊന്നു കാര്യമാത്രപ്രസക്തമല്ല, ഇത്തരം വിരോധികളുടെ ജല്പനങ്ങള്‍..

ഭീകരവാദം പഠിപ്പിക്കുന്ന ആര്‍എസ്എസ് സ്കൂളുകള്‍

2008-11-05T10:00:00.000+05:30

രാജ്യം ഇന്ന് ഭീകരവാദത്തിന്റെ പിടിയിലാണ്. ഹിന്ദുത്വ വാദികളും ഇസ്ളാം രാഷ്ട്രവാദികളും ഒരുപോലെ രാജ്യത്തെ ബാള്‍ക്കന്‍വല്‍ക്കരിക്കാന്‍ ശ്രമിക്കുകയാണ്. ലോകാധിപത്യത്തില്‍നിന്ന് നിലംപതിച്ചുകൊണ്ടിരിക്കുന്ന അമേരിക്കയെ മന്‍മോഹന്‍സിങ്ങും കൂട്ടരും ഇന്ത്യയിലേക്ക് കൈപിടിച്ചുകൊണ്ടുവന്നതോടെ ഈ ബാള്‍ക്കന്‍വല്‍ക്കരണം രൂക്ഷമായി. ഇതുവരെയും പാകിസ്ഥാന്‍ ഭീകരവാദത്തിന്റെ കേന്ദ്രമാണെന്നാണ് സര്‍ക്കാരുകള്‍ പറഞ്ഞുകൊണ്ടിരുന്നത്. ഇപ്പോള്‍ ഭീകരവാദികള്‍ ഇന്ത്യയില്‍ തന്നെയാണെന്ന് കണ്ടെത്തിയിരിക്കുന്നു. മദ്രസകളാണ് ഭീകരവാദികളുടെ റിക്രൂട്ടിങ് കേന്ദ്രങ്ങളെന്നും പ്രചാരമുണ്ടായി. എന്നാല്‍, ഇപ്പോള്‍ സരസ്വതി വിദ്യാമന്ദിറുകളും നാസിക്കിലെയും നാഗ്പുരിലെയും ബോസ്ളെ സൈനിക സ്കൂളും ഈ പട്ടികയിലുണ്ടെന്ന് തെളിയുന്നു. ഹിന്ദുത്വ ഭീകരവാദികളുടെ സൃഷ്ടികേന്ദ്രങ്ങള്‍ ഇത്തരം സ്കൂളുകളാണെന്ന കാര്യത്തില്‍ സംശയമില്ല. കറകളഞ്ഞ വര്‍ഗീയതയാണ് ഈ സ്കൂളിന്റെ പ്രധാന കരിക്കുലം. വെറുപ്പിന്റെ തത്വശാസ്ത്രം പഠിപ്പിക്കുന്ന ഇത്തരം വിദ്യാലയങ്ങളാണ് രാജ്യത്ത് ഇന്നു നടക്കുന്ന രീതിയിലുള്ള കലാപങ്ങള്‍ക്ക് പ്രധാനമായും കാരണമെന്ന് പ്രമുഖ ചരിത്രകാരന്മാര്‍ പറയുന്നു. അടുത്തിടെ ജെഎന്‍യുവിലെ സമകാല ഇന്ത്യാചരിത്രം പ്രൊഫസര്‍ ആദിത്യമുഖര്‍ജിയും നെഹ്റുമ്യൂസിയം ലൈബ്രറിയിലെ ഡയറക്ടര്‍ മൃദുലമുഖര്‍ജിയും ജെഎന്‍യുവിലെ തന്നെ ചരിത്രാധ്യാപിക സുചേതാമഹാജനും ചേര്‍ന്ന് പ്രസിദ്ധീകരിച്ച 'ആര്‍എസ്എസ് സ്കൂള്‍ പാഠപുസ്തകവും മഹാത്മാഗാന്ധിയുടെ കൊലപാതകവും' എന്ന പുസ്തകം ആര്‍എസ്എസിന്റെ വിദ്യാലയങ്ങളിലെ സിലബസിനെക്കുറിച്ചാണ്. ഇന്ത്യന്‍ ഭരണഘടന വിഭാവനം ചെയ്യുന്ന മതനിരപേക്ഷ ജനാധിപത്യത്തിന്റെ അടിത്തറ തന്നെ തകര്‍ക്കുന്ന ചരിത്രപഠനമാണ് ഇത്തരം സ്കൂളുകളില്‍ നടക്കുന്നത്. നാലംക്ളാസിലെ പാഠപുസ്തകത്തില്‍ പറയുന്നത് കുത്തബ്മിനാര്‍ നിര്‍മിച്ചത് കുത്ബുദ്ദീന്‍ ഐബക് അല്ല മറിച്ച് സമുദ്രഗുപ്തനാണെന്നാണ്. കുത്തബ്മിനാറിന്റെ പേര് വിഷ്ണു സ്തംഭമാണെന്നും അവര്‍ പഠിപ്പിക്കുന്നു. ഇതിന്റെ ചില ഭാഗങ്ങള്‍ തകര്‍ത്തശേഷമാണ് സുല്‍ത്താന്‍ അതിന്റെ പേര് കുത്തബ് മിനാര്‍ എന്നാക്കിയതത്രേ. രാഷ്ട്രപിതാവായ ഗാന്ധിജിയെ വധിച്ച സംഘപരിവാര്‍ ഒരിക്കലും അദ്ദേഹത്തോടുള്ള വിരോധം മറച്ചുവയ്ക്കാറില്ല. അദ്ദേഹം പ്രധാന സമരായുധമായി ഉപയോഗിച്ച അഹിംസാ സിദ്ധാന്തത്തെ ശക്തമായി എതിര്‍ക്കാനും പാഠപുസ്തകത്തില്‍ ശ്രമമുണ്ട്. അഹിംസാ സിദ്ധാന്തമാണ് വടക്കേ ഇന്ത്യയെ ദുര്‍ബലമാക്കിയതെന്നാണ് കുട്ടികളെ പഠിപ്പിക്കുന്നത്. മാത്രമല്ല, അക്രമത്തിന്റെ പാതയിലൂടെ സഞ്ചരിച്ചാല്‍ മാത്രമേ രക്ഷയുള്ളൂ എന്ന സന്ദേശവും ഇതോടൊപ്പം നല്‍കുന്നുണ്ട്. ഒറീസയിലും കര്‍ണാടകത്തിലും മലേഗാവിലും നടന്ന അതിക്രമം എന്തുകൊണ്ടെന്ന ചോദ്യത്തിനുള്ള ഉത്തരം താഴെ പറയുന്ന പാഠഭാഗത്തുണ്ട്. നാലാംക്ളാസിലെ സാമൂഹ്യപാഠം പുസതകത്തിലെ ഗൌരവ്ഗാഥ എന്ന അധ്യായത്തിലെ ഭാഗങ്ങളാണ് ഇവ."എല്ലാവിധ അക്രമങ്ങളും കുറ്റകൃത്യമായി വീക്ഷിക്കപ്പെടുകയാണ്. നായാട്ടും യാഗത്തിനായുള്ള ബലിയും ആയുധങ്ങളുടെ ഉപയോഗവും മോശമായി കരുതപ്പെടുന്നു. ഇത് സൈന്യത്തെ ദോഷമായി ബാധിക്കും. ഭീരുത്വം രാജ്യമാകെ പടരും. (അശോക ഭരണകാലത്ത്). ബുദ്ധസന്യാസിമാര്‍ക്കുള്ള ഭക്ഷണച്ചെലവ് മുഴുവന്‍ ഗവമെന്റ് വഹിക്കുകയാണ്. അതിനാല്‍ ജനങ്ങള്‍ ബുദ്ധസന്യാസികളാകുകയാണ്. ആയുധത്തിലൂടെ നേടിയ വിജയം മോശമാണെന്ന് വിലയിരുത്തപ്പെടുന്നു.'' ഇതേ പാഠപുസ്തകത്തില്‍ത്തന്നെ മുസ്ളിങ്ങള്‍ എവിടെപ്പോകുമ്പോഴും അവരുടെ കൈവശം വാള്‍ ഉണ്ടാകുമെന്നും പറയുന്നു. അവര്‍ പോകുന്നിടത്തൊക്കെ നാശംവിതയ്ക്കുമെന്നും പുസ്തകം തുടരുന്നു. ഫാസിസത്തോടുള്ള ആര്‍എസ്എസ് പ്രേമം പ്രസിദ്ധമാണ്. മഹാരാഷ്ട്രയില്‍ ഹിന്ദുത്വ ഭീകരവാദത്തിന് വിത്തുവിതച്ചതായി കരുതുന്ന ബോസ്ലെ സൈനിക സ്കൂളിന്റെ സ്ഥാപകന്‍ ബി എസ് മൂഞ്ജെ റോമില്‍ ചെന്ന് മുസോളിനിയെ കണ്ടാണ് ഇത്തരമൊരു സ്ഥാപനത്തിന് തുടക്കംകുറിച്ചത്. ഹിന്ദുത്വ പരീക്ഷണശാലയായ ഗുജറാത്തിലെ പത്താംക്ളാസ് പാഠപുസ്തകത്തില്‍ ഫാസിസവും ഹിറ്റ്ലറുടെ ദേശീയതയും മികച്ച ഭരണമാണ് കാഴ്ചവച്ചതെന്ന് പറയുന്നു. ശക്തമായ ഭരണസംവിധാനത്തിലൂടെ ഹിറ്റ്ലര്‍ ജര്‍മന്‍ ഗവമെന്റിന് ചുരുങ്ങിയ സമയംകൊണ്ട് അന്തസ്സും ആഭിജാത്യവും നല്‍കിയെന്നും പുതിയ സാമ്പത്തികനയത്തിനു തുടക്കമിട്ടെന്നും അതുവഴി ജര്‍മനിയെ വികസിത രാഷ്ട്രമാക്കിയെന്നും പാഠപുസ്തകത്തില്‍ പറയുന്നുണ്ട്. മുസ്ളിങ്ങളുടെ ഏറ്റവും പ്രധാന ആരാധനാകേന്ദ്രമായ ക അബയില്‍ യഥാര്‍ഥത്തിലുള്ളത് ശിവലിംഗമാണെന്നും ഗുജറാത്ത് പാഠപുസ്തകത്തില്‍ പഠിപ്പിക്കുന്നു. സരസ്വതി ശിശുമന്ദിറിലെ ഭൂരിപക്ഷം പാഠപുസ്തകത്തിലും രാമജന്മഭൂമിയെക്കുറിച്ച് പ്രത്യേകം അധ്യായങ്ങളുണ്ട്. ചൈനയിലെ ആദിവാസികള്‍ ഇന്ത്യക്കാരാണെന്നും അമേരിക്കയിലെ ആദിവാസികളുടെ ഭാഷ ഇന്ത്യന്‍ ഭാഷയില്‍നിന്ന് ഉടലെടുത്തതാണെന്നും വാത്മീകിരാമായണമാണ് ഗ്രീസിലെ ഹോമറെ ഏറെ സ്വാധീനിച്ചതെന്നും പാഠപുസ്തകത്തില്‍ പറയുന്നു. ഇന്ത്യന്‍ മതനിരപേക്ഷ ചട്ടക്കൂടിനെ തകര്‍ക്കുന്ന കാര്യങ്ങളാണ് ആര്‍എസ്എസിന്റെ സ്കൂളുകളില്‍ പഠിപ്പിച്ചുവരുന്നത്. കൊച്ചുകുട്ടികളില്‍ പോലും വര്‍ഗീയവിഷം കുത്തിനിറയ്ക്കാനാണ് ശ്രമിക്കുന്നത്. ഇന്ത്യ നേരിടുന്ന ഏറ്റവും വലിയ ആപത്തുകളിലൊന്നാണ് ഇത്. ഒരു തലമുറയെയാകെത്തന്നെ വര്‍ഗീയതയിലേക്ക് നയിക്കപ്പെടുകയാണ്. ആര്‍എസ്എസിന്റെ കീഴില്‍ വിവിധ സംസ്ഥാനത്തായി 28,925 സരസ്വതി ശിശുവിദ്യാമന്ദിറുകള്‍ പ്രവര്‍ത്തിക്കുന്നുണ്ട്. മൂന്നുലക്ഷത്തിലധികം കുട്ടികളാണ് ഇവിടെ പഠിക്കുന്നത്. ഒരു ലക്ഷത്തോളം അധ്യാപകരുമുണ്ട്. 1946ല്‍ ആര്‍എസ്എസിന്റെ രണ്ടാമത്തെ സര്‍സംഘചാലക്കായ എം എസ് ഗോള്‍വാള്‍ക്കര്‍ കുരുക്ഷേത്രയില്‍ സ്ഥാപിച്ച ഗീത സ്കൂളിന്റെ മാതൃകയിലാണ് സരസ്വതി ശിശുമന്ദിര്‍ സ്ഥാപിച്ചിട്ടുള്ളത്. 1952ല്‍ ഗോരഖ്പുരിലാണ് ആദ്യത്തെ സരസ്വതി ശിശുമന്ദിര്‍ രൂപംകൊള്ളുന്നത്. 1980കളുടെ അവസാനം രാമജന്മപ്രസ്ഥാനം ശക്തിപ്പെട്ടതോടെയാണ് ഈ സ്കൂളുകള്‍ പ്രത്യേകിച്ചും ഉത്തരേന്ത്യയില്‍ വ്യാപകമായി ആരംഭിക്കുന്നത്. ഇന്ത്യയില്‍ ഹിന്ദുവര്‍ഗീയതയുടെ വളര്‍ച്ചയ്ക്കുപിന്നില്‍ പ്രധാന ഊര്‍ജം ഇത്തരം സ്ഥാപനങ്ങളാണ്. ഈ വിദ്യാലയങ്ങളിലെ ഭൂരിപക്ഷം അധ്യാപകരും കടുത്ത വര്‍ഗീയവാദികളാണ്. ഹിന്ദുത്വവല്‍ക്കരിച്ച ഈ വിദ്യാര്‍ഥികളെ ആയുധവല്‍ക്കരിക്കുക എന്ന ലക്ഷ്യത്തോടെയാണ് നാഗ്പുരിലും നാസിക്കിലും ബോസ്ലെ സൈനിക സ്കൂളുകള്‍ സ്ഥാപിച്ചത്. നാസിക്കിലെ സൈനിക സ്കൂളുകളില്‍ പഠിച്ച ഹിന്ദുസ്ഥാന്‍ ടൈംസ് ദിനപത്രത്തിന്റെ ഭോപാല്‍ റസിഡന്റ് എഡിറ്റര്‍ എന്‍ കെ സിങ് പറയുന്നത് പ്രസ്തുത സ്കൂളിലെ എല്ലാ ജീവനക്കാരും വര്‍ഗീയവിഷം ചീറ്റുന്നവരാണെന്നാണ്. സ്കൂളില്‍ പഠിപ്പിച്ചിരുന്ന അധ്യാപകര്‍ അവസരം കിട്ടുമ്പോഴൊക്കെ രാഷ്ട്രപിതാവായ ഗാന്ധിജിയെ കുറ്റപ്പെടുത്തുക പതിവാണത്രേ. ഇന്ത്യയുടെ എല്ലാ പ്രശ്നത്തിനും കാരണം പാകിസ്ഥാന്റെ താല്‍പ്പര്യങ്ങള്‍ക്ക് വഴങ്ങിയ ഗാന്ധിജിയാണെന്നും ഈ അധ്യാപകര്‍ ആവര്‍ത്തിക്കുമായിരുന്നു. ഒരിക്കല്‍പ്പോലും ഗാന്ധിജിയെ മഹാത്മാവ് എന്ന് വിശേഷിപ്പിക്കാന്‍ തയ്യാറായിരുന്നില്ല. ഇതുകൊണ്ടായിരിക്കണം മലേഗാവ് സ്ഫോടനവുമായി ബന്ധപ്പെട്ട് ഈ സ്കൂളിലെ അഡ്മിനിസ്ട്രേറ്റര്‍ കേണല്‍ ശൈലേഷ് റായ്കറെയും ആയുധപരിശീലനം നടത്തിയിരുന്ന കേണല്‍ രമേഷ് ഉപാധ്യായയെയും മഹാരാഷ്ട്ര പൊലീസ് ചോദ്യംചെയ്യാനായി കസ്റ്റഡിയിലെടുത്തത്. ആദ്യം കുട്ടികളെ മസ്തിഷ്ക പ്രക്ഷാളനത്തിന് വിധേയമാക്കുക, അതിനുശേഷം ആയുധമണിയിക്കുക എന്ന തന്ത്രമാണ് ആര്‍എസ്എസ് സ്വീകരിച്ചുവരുന്നത്. അമേരിക്കയുടെയും ഇസ്രയേലിന്റെയും രംഗപ്രവേശം ഈ ബാള്‍ക്കന്‍വല്‍ക്കരണത്തെ ശക്തിപ്പെടുത്തുമെന്നതില്‍ സംശയമില്ല. അടുത്തകാലത്തായി ക്രിസ്ത്യാനികള്‍ക്കെതിരെ നടക്കുന്ന ആക്രമണവും മഹാരാഷ്ട്രയും ബിഹാറും തമ്മിലുള്ള തര്‍ക്കവും മറ്റും ഇതിലേക്കാണ് വിരല്‍ചൂണ്ടുന്നത്. രാജ്യം കടുത്ത പ്രതിസന്ധിയിലേക്കാണ് നീങ്ങുന്നത്. യുപിഎ സര്‍ക്കാരാകട്ടെ വെറും കാഴ്ചക്കാര്‍ മാത്രവും.
(ദേശാഭിമാനി വാരികയില്‍ വന്ന ലേഖനം : വി.ബി.പരമേശ്വരന്റെ ഇന്ദ്രപ്രസ്ഥം ഡയറി)

തെറി പറയുമ്പോള്‍...

2008-10-28T14:42:00.003+05:30

തെറി പറയുന്നതു കേള്‍ക്കുമ്പോള്‍ സന്തോഷം തോന്നുന്നത് എങ്ങിനെയെന്നോ?

എന്റെ ചില പഴയ പോസ്റ്റുകള്‍ക്ക്‌ ചിലപ്പോഴൊക്കെ കമന്റുകള്‍ കിട്ടുന്നുണ്ട്‌.. ചിലതൊക്കെ മുട്ടന്‍ തെറികള്‍.. സന്തോഷം തോന്നുന്നു, എന്തിനാണെന്നോ.. സംഗതി ഏല്‍ക്കുന്നുണ്ട് എന്ന് അറിയുന്നതിനാല്‍.. എന്തായാലും ഇതിന് പ്രതിഷേധിക്കുവാനും ആളെ കൂട്ടുവാനും 'ഓടി വരീനോ...' എന്ന് ആര്‍ത്തു വിളിക്കുവാനും ഞാനില്ല.. ഒരു തരം അംഗീകാരമാണ് ഈ തെറി കമന്റുകള്‍.. എവിടെയൊക്കെയോ കൊള്ളുന്നുണ്ട്... സന്തോഷം..

റിവേഴ്സ് : ഒരിക്കല്‍ ഇ.എം.എസ്സിനെ പറ്റി മനോരമ പത്രം എന്തോ ഒരു കാര്യത്തില്‍ നല്ലത് എഴുതി. പിറ്റേന്ന് ഇ.എം.എസ് പ്രസംഗിച്ചുവത്രേ : മനോരമ നല്ലത് പറയുമ്പോള്‍ എനിക്ക് തോന്നുന്നത് ഞാന്‍ തെറ്റായി എന്തോ ചെയ്തു എന്ന് തന്നെയാണ്.. ഞാന്‍ ചെയ്തതിനെ പറ്റി ഒന്നുകൂടി വിശകലനം ചെയ്തു നോക്കണം..

എവിടെ? എവിടെ?

2008-09-27T07:28:00.002+05:30

അമേരിക്കയില്‍ ഒരു ബാങ്ക് കൂടി തകരുന്നു..
ഇന്ത്യയിലോ? തല്‍ക്കാലം ഒന്നും സംഭവിക്കുന്നില്ല...
സ്വകാര്യവല്‍ക്കരണത്തിന് എതിരായി നടന്ന എണ്ണമറ്റ സമരങ്ങള്‍ നടന്നപ്പോള്‍ ചന്ദ്രഹാസം ഇളക്കിയ വമ്പന്മാര്‍ എവിടെ? എല്ലാമൊന്നു സ്വകാര്യവല്‍ക്കരിച്ചാല്‍ ഇവിടം സ്വര്‍ഗമാവുമെന്നു ഞങ്ങളുടെ നെഞ്ചില്‍ കുത്തി ആര്‍ത്ത സമരവിരോധികള്‍ എവിടെ?
ഈ സമരങ്ങള്‍ കൊണ്ടു മാത്രമാണ് NDA സര്‍ക്കാറും UPA സര്‍ക്കാറും പിടിവിട്ട സ്വകാര്യവല്‍ക്കരനതില്‍നിന്നും വിട്ടു നിന്നതെന്ന് സാമാന്യബുദ്ധി ഉള്ളവര്‍ മനസ്സിലാക്കുന്നുണ്ട്..
അമേരിക്കയില്‍ ദേശസാല്‍ക്കരണത്തിന്റെ നാളുകള്‍ ആണ്.. 8500 കോടി ഡോളര്‍ ആണ് ഒറ്റ ധനകാര്യ സ്ഥാപനത്തിലേക്ക് പമ്പ്‌ ചെയ്തിരിക്കുന്നത്..
എവിടെ? സമരവിരോധികള്‍ എവിടെ? സമരത്തിന്റെ തലേന്ന് സമരക്കാരെ വിളിക്കുവാന്‍ തെറിവാക്ക് തേടി നിഘണ്ടുവായ നിഘണ്ടുവോക്കെ പരതി ഒടുവില്‍ 'തായോളി' എന്ന തെറിയാണ് യോജിച്ചതെന്നു ആര്‍ത്തു വിളിച്ച ബ്ലോഗ് ആചാര്യന്‍ എവിടെ? നായ്ക്കളുടെ സമരമെന്ന് വിളിച്ച ആ മഹാനുഭാവന്‍ എവിടെ? സമരം കൊണ്ടു എന്ത് നേടി എന്ന ചോദ്യം ഒരു അശ്ലീലം പോലെ ആവര്‍ത്തിച്ച വിശാരദന്മാര്‍ എവിടെ?
മേല്‍ വിളിച്ചതോന്നും തിരിച്ചു വിളിക്കുവാന്‍ തോന്നുന്നില്ല.. കാരണം, അവര്ക്കും കൂടെ വേണ്ടിയാണ് ഞങ്ങള്‍ സമരം ചെയ്തത്.. അവര്‍ സമരത്തിനെ എതിര്‍ക്കുമ്പോള്‍ അവര്‍ സ്വന്തം അവകാശങ്ങളെ ആണ് എതിര്‍ക്കുന്നതെന്ന് അറിയാതെയാണ് അവര്‍ മലര്‍ന്നു കിടന്നു തുപ്പിയത്..
തൊഴിലാളി വര്‍ഗത്തിന് ഒരു ആറാം ഇന്ദ്രിയം ഉണ്ട്.. പ്രണയികള്‍ക്ക് ഉള്ളത് പോലെ.. ഓരോ സമരത്തിനും പിന്നില്‍ ഭാവിയെ പറ്റിയുള്ള വല്ലാത്ത ആശങ്കകള്‍ ഉണ്ട്.. അത് പങ്കിടുവാന്‍ ചിലര്ക്ക് എന്തൊക്കെയോ കാരണങ്ങള്‍ കൊണ്ടു കഴിയുന്നില്ല..
എന്ത് തന്നെ ആയാലും അടിസ്ഥാനപരമായി മനുഷ്യന്റെ ജന്മവാസനയാണ് അതിജീവനം എന്നുള്ളത്.. അത് അങ്ങിനെ ആയിരിക്കുവോളം സമരങ്ങള്‍ നടക്കും.. കാരണം, തൊഴിലില്‍ നിന്നും ആണ് മൂലധനം സൃഷ്ടിക്കപ്പെടുന്നതെന്ന് വെറുതെ പറയുന്നതല്ല, അത് സത്യമാണ്..
ഞങ്ങള്‍ ഈ ചെങ്കൊടി താഴ്ത്തുന്നില്ല.. അത് ഇനിയും ഇനിയും ഉയരത്തില്‍ പറക്കാനുള്ളതാണ്.. ചരിത്രം ഞങ്ങള്‍ക്ക് പിന്‍ബലമാണ്..

ഒടുവില്‍ കമല്‍നാഥ് അത് പറഞ്ഞു..

2008-09-17T13:55:00.003+05:30

ഒടുവില്‍ കമല്‍നാഥ് അത് പറഞ്ഞു : ഈ വാര്ത്ത കണ്ടില്ലേ ?

ന്യൂഡല്‍ഹി:നാട്ടുകാരെ മുഴുവന്‍ ഉപദേശിച്ചു നടക്കുന്ന അമേരിക്ക സ്വന്തം വീടു നന്നാക്കാന്‍ മറന്നുപോയെന്ന്‌്‌ വാണിജ്യ മന്ത്രി കമല്‍നാഥ്‌്‌ അഭിപ്രായപ്പെട്ടു. അമേരിക്കയിലെ സാമ്പത്തിക മേഖലയുടെ തകര്‍ച്ചയോടു പ്രതികരിക്കുകയായിരുന്നു അദ്ദേഹം.

'സാമ്പത്തിക മേഖല മെച്ചപ്പെടുത്താന്‍ നമ്മെയെല്ലാം ഉപദേശിച്ചുകൊണ്ടിരിക്കുകയാണ്‌ അമേരിക്ക. പക്ഷേ, സ്വന്തം സമ്പദ്‌ രംഗം നേരെയാക്കാന്‍ അവര്‍ക്കു കഴിഞ്ഞില്ല' അമേരിക്കയിലെ സാമ്പത്തിക രംഗം നേരിടുന്ന പ്രതിസന്ധിയെക്കുറിച്ചു പ്രതികരണമാരാഞ്ഞപ്പോള്‍ കമല്‍ നാഥ്‌ പറഞ്ഞു.

അമേരിക്കയിലെ അപേക്ഷിച്ച്‌ ഏഷ്യയില്‍ ബാങ്കിങ്‌ മേഖലയില്‍ ഇത്തരം തകര്‍ച്ചകള്‍ കുറവാണെന്ന്‌്‌ കമല്‍ നാഥ്‌ അഭിപ്രായപ്പെട്ടു. അമേരിക്കയിലേക്കാള്‍ നല്ല രീതിയിലാണ്‌ ഇവിടത്തെ ബാങ്കിങ്‌ മേഖല എന്നാണതിന്നര്‍ഥം.

എങ്കിലും അമേരിക്കയിലെ സാമ്പത്തിക പ്രതിസന്ധി മറ്റുള്ളവര്‍ക്കും ആശങ്ക പകരുന്ന കാര്യമാണെന്ന്‌ കമല്‍നാഥ്‌ വ്യക്തമാക്കി. യൂറോപ്യന്‍ സമ്പദ്‌മേഖലയെ അതെങ്ങനെ ബാധിക്കുമെന്ന്‌്‌ ഇനിയും വിലയിരുത്തപ്പെട്ടിട്ടില്ല- അദ്ദേഹം പറഞ്ഞു.

ഉള്ളില്‍ എന്താണെന്ന് മനസ്സിലായില്ലെങ്കിലും, അഭിനന്ദിക്കുവാന്‍ തോന്നുന്നു..

സഭാ നേതൃത്വത്തിന് ഒരു ഡെഡിക്കേഷന്‍...

2008-09-16T09:50:00.002+05:30

ഇതു ഒരു വാര്ത്ത അല്ല.. ഇതു ഒരു ലേഖനം ആണ്.. ദേശാഭിമാനി ആണെങ്കിലും ഒന്നു വായിചേച്ചു പോവെന്നേ.. ഈ ലേഖനം സഭാ നേതൃത്വത്തിന്, വിശിഷ്യാ പവ്വത്തില്‍ അച്ചന്, ഡീക്കന്‍ അച്ചന് ....
ലേഖനം ഇവിടെ വായിക്കുക

റൂബിന്‍ തോട്ടുപുരത്തിന് ഡെഡിക്കേറ്റ് ചെയ്യുന്നു

2008-09-15T15:47:00.003+05:30

കുഞ്ഞാടുകളെ സംഘപരിവാര്‍ കൊന്നൊടുക്കട്ടെ. തോട്ടുപുരത്തിന്റെ വീണയില്‍ ഇടതുപക്ഷ വിരോധ രാഗം മാത്രമെ വിരിയൂ..
ഈ വാര്ത്ത ആ നല്ല ശമാരിയാക്കാരന് ഡെഡിക്കേറ്റ് ചെയ്യുന്നു.. ഇവര്‍ ചെയ്യുന്നതെന്തെന്ന് ഇവര്‍ തന്നെ അറിയുന്നില്ല.. ഒറീസ്സയില്‍ അവരെ തേടി വന്നവര്‍ മംഗലാപുരത്തും എത്തി.. റൂബിന്റെ പള്ളിമേടയില്‍ മാത്രം അവര്‍ വരില്ല...

വാര്ത്ത ഇവിടെ

ഇവരോട് പൊറുക്കേണമേ.

ഒറീസ്സ:ഹിന്ദുത്വ തീവ്രവാദത്തിന്റെ പുതിയ പരീക്ഷണശാല

2008-08-26T09:55:00.002+05:30

ഒറീസ്സയില്‍ നിന്നും നല്ല വാര്‍ത്തകള്‍ ഒന്നുമില്ല. മനുഷ്യന് അധമത്വം എത്രത്തോളം ആവാം എന്നതില്‍ ഒരു പരീക്ഷണശാല ആവുകയാണ് ഒറീസ്സ. കുറച്ചു മാസങ്ങള്‍ക്ക് മുന്പ് ചില മാദ്ധ്യമങ്ങളില്‍ വന്ന ലേഖനങ്ങള്‍ ഓര്‍ക്കുന്നു.. ഗുജറാത്തിനു ശേഷം ഒറീസ്സ ആണ് സംഘ പരിവാര്‍ ലക്ഷ്യമിടുന്നതെന്ന് ആ ലേഖനങ്ങളില്‍ പറഞ്ഞിരുന്നു.. എന്നാല്‍, അത് ഇത്രയും വേഗം അവര്‍ പ്രാവര്‍ത്തികമാക്കും എന്ന് കരുതിയതല്ല.. ഗുജറാത്തില്‍, ഗോധ്രയ്ക്ക് ശേഷം നടന്ന വംശഹത്യ വളരെ ആസൂത്രിതമായി നടന്നതായിരുന്നുവെന്നു നമ്മള്‍ കണ്ടതാണ്.. അതിന് വേണ്ട സാമൂഹ്യ-മാനസിക-സാമ്പത്തിക-ആസൂത്രണങ്ങളും, ഭരണപരമായ മാറ്റങ്ങളും ഹീനമായ ഉദ്ദേശം ഉള്ളില്‍ വെച്ചുകൊണ്ട് നടത്തിയതായിരുന്നു എന്ന് ഇപ്പോള്‍ വെളിപ്പെട്ടിട്ടുണ്ടല്ലോ. സംഘ പരിവാര്‍ ക്രിമിനലുകളെ സഹായിച്ചുകൊണ്ട് അവിടുത്തെ പോലീസ് പട നടത്തിയ മനുഷ്യത്വ രാഹിത്യം നമ്മളെ ഏറെ അസ്വസ്ഥരാക്കി. എതിരാളികളെ കൊല്ലുവാന്‍ വേണ്ടി പിടിച്ചുകൊടുക്കുന്ന പണിയായിരുന്നു, അവിടെ പോലീസ് ചെയ്തത്..

ഹിറ്റ്ലര്‍ ആണ് സംഘ പരിവാറിന്റെ ആത്മീയ ഗുരു.. ഗോള്വല്‍കര്‍ പറഞ്ഞിരുന്നത്, വംശ ശുദ്ധിയുള്ള ഒരു ജനതയെ നിര്‍മ്മിക്കുവാന്‍ ഏറ്റവും നല്ല വഴി ഹിറ്റ്ലര്‍ കാണിച്ചതാണ് എന്നായിരുന്നു. ഇപ്പോള്‍ ഒറീസ്സയില്‍ നടക്കുന്നതും വളരെ ആസൂത്രിതവും വളരെക്കാലം മുന്പ് തന്നെ പരിവാര്‍ സ്വപ്നം കണ്ടതും തന്നെയാണ് എന്ന് കാണാന്‍ ഒട്ടും വിഷമമില്ല.. അമര്‍നാതും ഒറീസ്സയും അടുത്ത ഭരണത്തിലെക്കുള്ള രാജപാതയാണ് എന്ന് പരിവാര്‍ തിരിച്ചറിയുന്നുണ്ടാവും. ക്രിമിനല്‍ രാഷ്ട്രീയം എന്ന് പറയുന്നതു കുറെ ക്രിമനലുകള്‍ ഉള്ള ഒരു സംഘടനയുടെ രാഷ്ട്രീയം അല്ല , മറിച്ചു തത്വശാസ്ത്രത്തില്‍ തന്നെ ക്രിമിനലിസം വിളക്കി ചേര്‍ത്ത ഒരു സംഘടനയുടെ രാഷ്ട്രീയം ആണ് എന്നും നമ്മള്‍ തിരിച്ചറിയണം.. മതത്തിന്റെ തുരുത്തുകള്‍ തീര്ത്തു കൊണ്ടിരിക്കുന്ന ഓരോ മതങ്ങളും അവരുടെ ശവക്കല്ലറകള്‍ ആണ് തീര്തുകൊണ്ടിരിക്കുന്നത് എന്നും നമ്മള്‍ അറിയേണ്ടതുണ്ട്.

ഇനി എന്നാണു ഒറീസ്സയില്‍ മറ്റൊരു ഗുജറാത്ത് ആവര്തികുക എന്ന് മാത്രമെ അറിയാനുള്ളൂ.. എത്ര കൊലകള്‍, എത്ര ബലാല്‍സംഗങ്ങള്‍ , എത്ര കൊല്ലാക്കൊലകള്‍.. ഗുജറാത് സമാനതകള്‍ ഇല്ലാത്ത ക്രൂരതയാണ്, ഇന്ത്യന്‍ ചരിത്രത്തില്‍.. താരതമ്യപ്പെടുതുവാന്‍ ഒന്നുകൂടെ ഒരുക്കുകയാണ് സംഘ പരിവാര്‍.. ഉള്ളില്‍ ഫാസിസം പേറുന്ന ഒരു ഭരണ സംവിധാനത്തില്‍, ഇതല്ലാതെ നല്ലതൊന്നു പ്രതീക്ഷിക്കണമെങ്കില്‍, സാര്‍ഥകമായ മനുഷ്യത്വം പുലരണമെങ്കില്‍ എത്രനാള്‍ കാത്തിരിക്കണം..?

നമ്മുടെ കുട്ടികളെ ഓര്ത്തു എനിക്ക് പേടിയാവുന്നു.. അവര്ക്കു ഈ രാജ്യം ബാക്കിവെക്കുന്നത്‌ എന്താവും ?

പണിയെടുക്കുന്നവന്‍ ജീവിക്കേണ്ടത്..

2008-08-21T13:30:00.003+05:30

1789 ലാണ് ഫ്രഞ്ച് വിപ്ലവം നടന്നത്.. (ഛെ ! വിപ്ലവം..) തൊഴില്‍, വിനോദം, വിശ്രമം എന്നീ പ്രാഥമിക അവകാശങ്ങള്‍ അനുവദിച്ചുകിട്ടുക എന്നത് ആ സമരത്തിന്റെ പ്രധാന മുദ്രാവാക്യം ആയിരുന്നു..
അന്നും ചിലര്‍ പറഞ്ഞിരുന്നു:' ഇവര്‍ക്കെന്തിന്റെ സൂക്കെടാണ്! പണിയെടുക്കുന്നതിനു കൂലിയെങ്കിലും കിട്ടുന്നില്ലേ.. പിന്നെ ഇനി വിശ്രമവും വിനോദവും വേണമത്രേ.. അടങ്ങിയൊതുങ്ങി പണിയെടുത്താല്‍ ഇവര്ക്ക് നന്ന്.. അല്ലേല്‍, പണി തന്നെ ഉണ്ടാവില്ല.. പിന്നെയല്ലേ, വിശ്രമവും, വിനോദവും.. ഇവറ്റകള്‍ സമരം ചെയ്തു ചെയ്തു തെരുവുകളിലാകെ ചോര മണം.. വൃത്തികെട്ടവന്മാരെ മുട്ടാതെ തെരുവിലൂടെ നടക്കാന്‍ കഴിയില്ലെന്നായി.. നല്ല തല്ലു കൊടുക്കുകയാണ് വേണ്ടത്..

കാലമേറെ കഴിഞ്ഞു .. ഇപ്പോഴും പണിയെടുക്കുന്നവന്‍ സമരം ചെയ്തുകൊണ്ടേ ഇരിക്കുന്നു..
******
അടങ്ങിയൊതുങ്ങി കിട്ടുന്ന പൈസയും വാങ്ങി ഇരുന്നാല്‍ പോരെ ഇവര്ക്ക്? ആഗോളവല്‍കരണം, പ്രോവിഡന്റ് ഫണ്ട്, കമ്പോളം, പൊതുവിതരണം, സാമൂഹ്യ സുരക്ഷ, തുടങ്ങിയ വലിയ വലിയ കാര്യങ്ങളില്‍ അഭിപ്രായം പറയുവാനും തീരുമാനങ്ങള്‍ എടുക്കുവാനും ഞങ്ങള്‍ കുറേപ്പേര്‍ ഇല്ലേ ഇവിടെ? അല്ലെങ്കില്‍, ഇവരുടെ ജീവിതത്തെ ബാധിക്കുന്ന പ്രശ്നങ്ങളില്‍ ഇവരുടെ വാക്കു ആര് കണക്കില്‍ എടുക്കുന്നു? ഈ യൂസ് ലെസ്സുകള്‍ക്ക് സംഘടനയുണ്ട്.. അവരാണ് എല്ലാ കുഴപ്പവും ഉണ്ടാക്കുന്നത്‌.. പണിമുടക്കാണത്രേ! ത്ഫൂ! അവന്റമ്മേടെ പണിമുടക്ക്‌.. എല്ലാം കമ്പോളം തീരുമാനിക്കുന്ന സമത്വ സുന്ദര ലോകത്തിനെ സ്വപ്നം കാണുമ്പോഴാ, ഇവരുടെ ഒരു കൃമികടി.. പണിമുടക്കില്‍ എന്തൊക്കെയാണ് സംഭവിച്ചത് എന്ന് അറിയണമെങ്കില്‍, ഞങ്ങള്‍ ചെലവിനു കൊടുക്കുന്ന ചില ചാനലുകളില്‍ നോക്കിയാല്‍ മതി. അത്രയേ സംഭവിച്ചുള്ളൂ.. യാത്ര മുടങ്ങിയ യാത്രക്കാര്‍, ഒരു ദിവസം പണിയെടുത്തു രാജ്യത്തിന് മുതല്‍കൂട്ടാം എന്ന് വിചാരിച്ചപ്പോള്‍, അതിന് കഴിയാതെ സങ്കടപ്പെട്ടിരിക്കുന്ന സമര വിരോധികള്‍.. പണിമുടക്ക്‌ നാലുമാസം മുന്പ് പ്രഖ്യാപിച്ചെന്നോ? അത് നല്ല ന്യായം.. അത് പള്ളീല്‍ പറഞ്ഞാല്‍ മതി.. ഒരു ദിവസം മുടങ്ങിയാല്‍, എത്ര കോടിയാണ് നഷ്ടമെന്നറിയാമോ?
നിങ്ങള്ക്ക് എന്തിന്റെ കുറവാണുള്ളത്? വെറുതെ നേതാക്കന്മാര്‍ പറയുന്നതുകേട്ടു ഇനിയും സമരത്തിന്‌ ഇറങ്ങരുത്.. ഞങ്ങള്‍ പറയുന്നതു വിശ്വസിക്കുവാന്‍ നിങ്ങള്ക്ക് എന്താണ് മടി? അനുഭവം കൊണ്ടാണ് എതിര്‍പ്പെന്നോ? എന്തുവാ..? ഞങ്ങളുടെതോന്നും അനുഭവമല്ലേ? ഈ ആഗോളവല്കരണമേയ്, നിങ്ങള്‍ പറയുമ്പോലെ ഒന്നുമല്ല.. അസ്സല്‍ സാധനമാ.. പണ്ടു ഞങ്ങള്ക്ക് ഒരു കാര്‍ വാങ്ങണമെങ്കില്‍ ഈ നരച്ച അംബാസിഡര്‍ വാങ്ങണമായിരുന്നു.. ഇന്നോ? എത്ര തരമാ? ഇതൊക്കെ എങ്ങിനെ വന്നതാ..? പിന്നെ, ഈ വിപണിയെന്നാല്‍ എന്തുവാ? അല്ഫോന്സച്ചന്‍ പറഞ്ഞതുപോലെ, വിപണി ഈ ലോകത്തേക്കാള്‍ വലിയതാ.. വിപണിയാണ് ദൈവം.. നിങ്ങളുടെ ഫണ്ട് അവിടെ ഇട്ടാല്‍ എന്താ? അതും സ്വകാര്യ മാനജര്മാര്‍ കൈകാര്യം ചെയ്താലെന്താ?

ഇനി എന്ത് വേണമെങ്കിലും ഞങ്ങള്‍ തരാം.. ഞങ്ങള്‍ ചോദിച്ചതെല്ലാം കൊടുക്കുന്ന ഉദാര മനസ്കരാണ്‌.. പക്ഷെ, നിങ്ങള്‍ കുറച്ചുകൂടെ മാന്യത കാണിക്കണം .. ആദ്യം ആ സംഘടന അങ്ങ് വിട്ടേരെ.. ഞങ്ങള്‍ നിങ്ങള്ക്ക് വേണ്ടിയല്ലേ ഇതൊക്കെ ചെയ്യുന്നത്? പിന്നെ എന്തിനാണ് ആ സംഘടന?
ഈ സമരമെന്നൊക്കെ പറയുന്നതു വലിയ പ്രശ്നമാണ്‌.. എത്രയാളുടെ സമയം, പണം, യാത്ര, മീടിങ്ങുകള്‍, ഒക്കെയാണ് മുടങ്ങുന്നത്? വലിയ പ്രശ്നമല്ലേ അത്? ശേ! പിന്നെയും പറയുന്നു, നാലുമാസം മുന്പ് പ്രഖ്യാപിചെന്നു.. ഒറ്റ അടി വെച്ചുതരും.. തമാശക്കാരന്‍..
ഇനി, സമരം ചെയ്തില്ലേല്‍ ഉറക്കം വരില്ലെങ്കില്‍, ഓരോ തൊഴിലാളികളെ ഓരോ ഫാക്ടറിയില്‍ നിന്നും വിട്ടുതരാം.. ഇപ്പൊ കോഴിക്കോട് ആണ് സമരം ചെയ്യേണ്ടതെങ്കില്‍, അങ്ങ് ദൂരെ വല്ല വിലങ്ങാട് മലയില്‍ പോയി കുത്തിയിരുന്ന് സമരം ചെയ്തോ.. ഊണും വെള്ളോം, ഇനി വേണമെങ്കില്‍ കള്ളും ഞങ്ങള്‍ എത്തിച്ചുതരാം.. അവര്‍ ഇനി സ്ഥിരം സമര തൊഴിലാളികള്‍ ആയി അവിടെ തന്നെ ഇരുന്നോട്ടെ.. ഞങ്ങളുടെ യാത്രയും മുടങ്ങില്ല, ഫാക്ടറിയിലെ ജോലിയും മുടങ്ങില്ല.. അല്ലെങ്കില്‍, ജപ്പാനിലെ പോലെ കൂടുതല്‍ ജോലി ചെയ്തു സമരിച്ചോ.. എന്റെ ലാഭവും കൂട്ടാം, അടുത്ത വര്ഷം നല്ല വ്യവസായിക്കുള്ള അവാര്‍ഡും എനിക്ക് വാങ്ങാം.. എങ്ങിനെയുണ്ടെന്റെ ബുദ്ധി?
**********
അതേയ്! പറഞ്ഞതു മനസ്സിലായോ? തൊഴിലാളിയല്ല മേലെ.. അധികാരിയും മുതലാളിയുമാ.. ചോരച്ചാലുകളും ചരിത്രവുമൊക്കെ കൊണ്ടുപോയി കള! അനുസരിച്ച് ജീവിച്ചാല്‍ നിങ്ങള്ക്ക് നന്ന്.. അല്ലെങ്കില്‍ അനുഭവിക്കും.. സ്വപ്നങ്ങളോ? നിങ്ങള്‍ക്കോ.. ഞങ്ങള്‍ പറയുന്നതിന്റെ മേലെ നിങ്ങള്ക്ക് ഒരു സ്വപ്നവും വേണ്ട.. നിങ്ങള്‍ നിങ്ങളുടെ പണി എടുത്താല്‍ മതി.. സ്വപ്നം കാണലും മറ്റും ഞങ്ങള്‍ ചെയ്തോളാം..

**********
(പണിമുടക്ക്‌ കൊണ്ടു ഏതെങ്കിലും തരത്തില്‍ വ്യക്തിജീവിതത്തില്‍ ആരെങ്കിലും വേദനിചെങ്കില്‍ മാപ്പ്.. രാഷ്ട്രീയമായ വേദനയ്ക്ക് മരുന്നില്ല.. മനുഷ്യന്റെ വേദന ഏറ്റവും നന്നായി അറിയുന്നവന്‍, അനുഭവിക്കുന്നവന്‍ തൊഴിലാളിയാണ്.. തൊഴിലാളി എന്നത് ഒരു ജോലിപ്പേരല്ല, അതൊരു സംസ്കാരമാണ്.. വേദനിക്കുന്നവനെ സഹായിക്കാതിരിക്കുന്ന തൊഴിലാളി ആ പേരിനു അര്‍ഹനല്ല.. അവന്റെ സംസ്കാരം മനുഷ്യന്റെ വേദന കാണാതിരിക്കുന്ന മുതലാളിത്തത്തിന്റെ സംസ്കാരമാണ്.. സമരം ചില താല്കാലികമായ വേദനകള്‍ക്ക് ഇടയാക്കും.. പക്ഷെ കാണുന്ന സ്വപ്നം ആ വേദനകള്ക്കുമെലെ പറക്കും..)

അരാഷ്ട്രീയതയുടെ ഊക്ക്...

2008-08-18T16:05:00.004+05:30

നമുക്കു ചുറ്റും അരാഷ്ട്രീയത ഫണമുയര്‍ത്തി ആടുന്നത് ഒരുപാടു ലിറ്റ്മസ് ടെസ്റ്റുകളില്‍ നാം കാണുന്നതാണ്.. ഈ ബൂലോഗത്തില്‍ അത് എങ്ങിനെ എന്ന് അറിയുവാന്‍ വേണ്ടി ഞാന്‍ ഒരു പോസ്റ്റ് ചെയ്തിരുന്നു . ഞാന്‍ പണിമുടക്കുന്നത് എന്തുകൊണ്ട് എന്ന് വിശദീകരിച്ചുകൊണ്ട് ഒരു പോസ്റ്റ്. അതിന് ഇതുവരെ 6 കമന്റുകള്‍ വന്നു. അമ്പമ്പോ.. എന്തൊരു ഊക്കാണ് ഈ സമര വിരോധികള്‍ക്ക്.. ചിലരുടെ മറുവാക്കുകളില്‍ നിന്നും രോഷം തൊട്ടെടുക്കാം .. നമ്മുടെ ചര്‍ച്ചകളിലും മനസ്സുകളിലും സംഘടന, സമരം, എതിര്‍പ്പ്, പ്രതിഷേധം, തുടങ്ങിയ വാക്കുകള്‍ ഒരുതരം അശ്ലീല ധ്വനി ഉയര്ത്തി തുടങ്ങിയിരിക്കുന്നു എന്ന് കാണാം. അശ്ലീലം എന്ന് പൊതുവെ ധരിക്കപ്പെടുന്ന വാക്കുകള്‍ ഇനിയുമുണ്ട്.. രാഷ്ട്രീയം, പൊതുമേഖല, നേതാവ്, പ്രവര്‍ത്തകന്‍, സേവനം, ജീവനക്കാരന്‍, ഇങ്ങനെ പോകുന്നു.. പോര, മാര്‍ക്സിസം, കമ്മ്യൂണിസം, നല്ല നാളെ, സമത്വം, സഖാവ്, വിപ്ലവം ഇത്തരം വാക്കുകള്‍ എങ്ങിനെ അശ്ലീലമായി തോന്നപ്പെടുന്നു എന്ന് ചിന്തിക്കുമ്പോള്‍, ഭാഷാപരമായി ഒരു വാക്കിനു സിദ്ധിക്കുന്ന അര്ത്ഥം വര്‍ത്തമാന ജീവിത പരിസരങ്ങളില്‍ ആ വാക്കു എങ്ങിനെ ഉപയോഗിക്കപ്പെടുന്നു, അഥവാ, ആ വാക്കുമായി ബന്ധപ്പെട്ട അനുഭവം എങ്ങിനെ മനസ്സിലാക്കപ്പെടുന്നു എന്നതിനെ ആശ്രയിച്ചിരിക്കുന്നു. 'പീഡനം' എന്ന് പറയുമ്പോള്‍ ഒരു പത്തുവര്‍ഷം മുന്പ് മനസ്സിലാക്കപ്പെട്ട പോലെ അല്ല, ഇപ്പോള്‍ മനസിലാക്കപ്പെടുക. അപ്പോള്‍ spontaneous ആയി ഒരു വാക്കിന്റെ അര്ത്ഥം നമ്മുടെ സമൂഹത്തില്‍ നിര്മിക്കപ്പെടുന്നുണ്ടോ ? അഥവാ, നമ്മുടെ ജീവിതപരിസരങ്ങളിലെ അനുഭവ പാഠങ്ങളില്‍ നിന്നാണോ ഒരു വാക്കിനു നാം അര്ത്ഥം ചാര്‍ത്തുന്നത്? അല്ല, അല്ല, ഒരിക്കലുമല്ല.. നമ്മുടെ അഭിപ്രായ രൂപീകരണത്തില്‍, മനസ്സിന്റെ ചലനങ്ങളില്‍, ആചാരങ്ങളില്‍, എന്തിന്, ഏറ്റവും സ്വാഭാവികമായി നടക്കേണ്ട ലൈംഗികതയില്‍ പോലും നിയന്ത്രണാത്മകമായ ഒരു സ്വാധീനം നമ്മുടെ മാധ്യമ പരിസരം സൃഷ്ടിക്കുന്നുണ്ട് എന്ന് നാം തിരിച്ചറിയേണ്ടതുണ്ട്. അതായത്, സ്വാഭാവികം എന്ന് നമുക്കു തോന്നുന്ന കാര്യങ്ങളില്‍ പോലും ചരിത്രത്തിന്റെയും വര്തമാനതിന്റെയും മായക്കാഴ്ചകള്‍ സൃഷ്ടിച്ചുകൊണ്ട് മാധ്യമങ്ങള്‍ ഒരു propaganda രാഷ്ട്രീയം കളിക്കുന്നത് കാണാം. ഇതു ആര്‍ക്കു വേണ്ടിയാണ്? അല്ലെങ്കില്‍ വളരെ സ്വാഭാവികമായി സംഭവിക്കുന്നതാണോ ഈ propaganda നാടകം? സമരം = സമരത്തില്‍ പങ്കെടുക്കാതവന്റെ ദുരനുഭവം എന്ന ലളിതവല്കൃതമായ ഒരു സമവാക്യം സൃഷ്ടിചെടുക്കുമ്പോള്‍ ഇവര്‍ ആരുടെ ആസനമാണ് താങ്ങിക്കൊണ്ടിരിക്കുന്നത്? സമരം ചെയ്യുന്നവര്‍ അത് ചെയ്യാതിരുന്നാല്‍ സമരം ചെയ്യാത്ത ആരുടെ ജീവിതമാണ് നല്ല അനുഭവങ്ങള്‍ കൊണ്ടു നിറയുക?

നിങ്ങള്‍ കാര്യമായൊന്നും ആലോചിക്കേണ്ട, ചെയ്യേണ്ട ; ഞങ്ങള്‍ പറഞ്ഞു തരാം എന്ന് മാധ്യമങ്ങള്‍ പറഞ്ഞുകൊണ്ടെയിയിരിക്കുന്നു. ഒന്നാലോചിക്കൂ.. ഒരു പണിമുടക്കിന്റെ പിറ്റേദിവസം പത്രങ്ങളില്‍ കാണുന്ന മുന്‍ പേജ് ചിത്രം എന്തായിരിക്കും? ഒഴിഞ്ഞ വീഥിയില്‍ എങ്ങോട്ടും പോകാനാകാതെ കുടുങ്ങിപ്പോയ ഒരു കുടുംബം. അല്ലെങ്കില്‍ വാഹനം കിട്ടാതെ ചികിത്സ വൈകി മരണപ്പെട്ട ഒരു മനുഷ്യന്റെ ചിത്രം.. അത് കാണുന്ന നമ്മള്‍ പണിമുടക്ക്‌ എന്ന വാക്കിനെ ഒരു അശ്ലീലമായി കണ്ടുപോയാല്‍ തെറ്റ് പറയുവാന്‍ കഴിയില്ല. അതായത്, പണിമുടക്ക്‌ അവശേഷിപ്പിക്കുന്ന ഓര്‍മ്മകള്‍ എപ്പോഴും ഇത്തരം കരുണാര്‍ദ്രമായ ചില ഓര്‍മ്മകള്‍ ആയിരിക്കും.. പക്ഷെ, ഏതെങ്കിലും പത്രം പണിമുടക്കിന് ആധാരമായ കാര്യങ്ങള്‍ ചര്ച്ച ചെയ്യാറുണ്ടോ? അതില്‍ അവര്ക്കു തര്‍ക്കമേ ഉണ്ടാവാറില്ല. പകരം, കാരണങ്ങള്‍ ഒക്കെ ശരി, പക്ഷെ, പണി മുടക്കരുത്.. മലയാള മനോരമയില്‍ സ്ഥിരമായി തൊഴിലാളി യൂണിയന്‍ പ്രവര്‍ത്തകരെ ഒരു തരം ഗുണ്ട പരുവത്തില്‍ ചിത്രീകരിക്കാരുണ്ടായിരുന്നു. മലയാളികള്‍ പറയട്ടെ, അത്തരം മനുഷ്യപ്പറ്റില്ലാത്ത എത്ര തൊഴിലാളി സംഘടനാപ്രവര്തകരെ അവര്ക്കു കാണിച്ചുതരാന്‍ പറ്റുമെന്ന്? ബൂലൊകത്തെ സോപ്പ് കുമിളകളുടെ ഭൂരിപക്ഷം മലയാളികളുടെ ഭൂരിപക്ഷമാവില്ല. എനിക്കറിയാവുന്ന 90 % തൊഴിലാളികളും ഇപ്പറയുന്ന ഗുണ്ട സ്വഭാവക്കാരല്ല. അവര്‍ ജീവിതത്തിലെ എല്ലാ ദുരിതങ്ങളും പേറി, എന്നാല്‍ ജീവിതത്തെപ്പറ്റി വല്ലാതെ സ്വപ്നം കണ്ടു നടക്കുന്ന ആര്‍ദ്ര മാനസര്‍ തന്നെയാണ്.. യൂണിയന്‍ നേതാക്കളും അങ്ങനെ തന്നെ..

പിന്നെ, സമരങ്ങളെയും, സംഘടനകളെയും അടചെതിര്‍ക്കുന്ന മാന്യന്മാരെപ്പോലെ ഇവര്‍ ദേവ ജന്മങ്ങള്‍ ഒന്നുമല്ല. വെറും പച്ച മനുഷ്യന്മാരുടെ ഒരു സംഘടനയില്‍ പല തരക്കാര്‍ ഉണ്ടാവാം. ചില ഗുണ്ടകള്‍ ഉണ്ടായെന്നിരിക്കും. ചില തട്ടിപ്പുകാര്‍ ഉണ്ടെന്നിരിക്കും. എന്നാല്‍ അതൊന്നും ഒരു സാമാന്യവല്‍ക്കരണത്തിന് ന്യായമല്ല. ഈ നാട്ടിലെ രാഷ്ട്രീയക്കാരും തൊഴിലാളി യൂണിയനുകളും ജീവനക്കാരും ഒക്കെ മോശപ്പെട്ടവരാണ് എന്ന് പറയുകയും, എല്ലാ സമരങ്ങളെയും അടചെതിര്‍ക്കുകയും ചെയ്യുന്നവര്‍ ഒന്നുകില്‍ കഥയറിയാതെ ആട്ടം കാണുകയാണ്, അല്ലെങ്കില്‍ കഥ ശരിക്കും അറിഞ്ഞു ആട്ടം സംഘടിപ്പിക്കുകയാണ്..

ഒരു കാര്യത്തിനു നിങ്ങള്‍ ഉത്തരം പറയൂ : ഞങ്ങള്ക്ക് ഒരു പ്രശ്നം വരുമ്പോള്‍, അധികാരികള്‍ ബധിരത നടിച്ചിരിക്കുമ്പോള്‍, ഞങ്ങളുടെ പ്രശ്നങ്ങള്‍ തീരുമാനിക്കപ്പെടുന്നത് ഞങ്ങളുമായി ആലോചിക്കാതെയാനെന്നു വരുമ്പോള്‍, ഞങ്ങളുടെ ജീവിതം ഞങ്ങളുടെ എതിരാളികള്‍ തീരുമാനിക്കുമ്പോള്‍, ഞങ്ങള്‍ എന്ത് ചെയ്യണം? രാമ, രാമ ജപിചിരിക്കണോ? അതോ ശരി, ശരിയെന്നു തലകുലുക്കണോ? അതുമല്ലെന്കില്‍, പഴയ trickle down തിയറി പ്രകാരം മുകള്‍ത്തട്ടില്‍ സമ്പല്‍ സമൃദ്ധി വരുമ്പോള്‍ ഞങ്ങള്‍ക്കും വല്ലതും ഇറ്റുവീഴും എന്ന് നിനച്ചു കാത്തിരിക്കണോ? ആത്മാഭിമാനം എന്നത് നിങ്ങള്ക്ക് മാത്രമല്ല, ഞങ്ങള്‍ക്കുമുള്ളതാണ്.. ലോകമെമ്പാടും സമ്പന്നനും ദരിദ്രനും തമ്മിലുള്ള അന്തരം വര്ധിച്ചുവരുന്നുവെന്നു നിങ്ങളുടെ ഏജന്‍സികള്‍ തന്നെ പ്രബന്ധം രചിക്കുമ്പോള്‍, ഞങ്ങളുടെ അതാണിയായ സംഘടനയെ കുടഞ്ഞു കളയണോ? ഞങ്ങളുടെ ഏക ആയുധമായ സമരത്തെ അടിയറ വെക്കണോ? ഞങ്ങളുടെ ആവശ്യങ്ങള്‍ നിങ്ങള്ക്ക് അനാവശ്യങ്ങള്‍ ആയിരിക്കും. അത് ഇന്നു മാത്രമല്ല, എന്നും അങ്ങനെ ആയിരിക്കും..

പിന്നെ വലിയൊരു ന്യായം കേട്ടു.. പ്രവാസികളുടെ ദുരിതതെപ്പറ്റി.. അവിടെ ലീവില്ല, കൂലിയില്ല, സുരക്ഷിതത്വമില്ല, കൂലിക്കൂടുതല്‍ ചോദിച്ചാല്‍ പിരിച്ചുവിടും. ആകപ്പാടെ ദുരിതം. സംഘടനയില്ല, പണിമുടക്കില്ല.. പണിയുണ്ട്.. ഇത്രയും കഷ്ടപ്പെട്ട് ഞങ്ങള്‍ പണിയെടുക്കുമ്പോള്‍, പിന്നെ നിങ്ങള്‍ എന്തിനാണ് സമരം ചെയ്യുന്നത്, എന്ന്.. എന്തൊരു ചോദ്യമാണ് അത് ? എത്യോപ്യയില്‍ ഭക്ഷണത്തിന് ക്ഷാമം ഉള്ളതിനാല്‍ ഇന്ത്യയില്‍ കിടപ്പാടത്തിനു സമരം ചെയ്യരുതെന്ന് പറയുന്ന ന്യായം എന്തൊരു തരം ന്യായമാണ് ? പിന്നെ സുഹൃത്തേ, ദുരിതങ്ങള്‍ക്ക് താരതമ്യമില്ല.. എല്ലാ ദുരിതങ്ങളും തീരണ്ടേ? പ്രവാസി സുഹൃത്തുക്കള്‍ കഷ്ടപ്പെടുന്നത് കുറെയൊക്കെ ഞങ്ങള്‍ക്കും അറിയാം.,. ഞങ്ങള്ക്ക് അതില്‍ സങ്കടമുണ്ട്.. നിങ്ങളുടെ മാത്രമല്ല, ദുരിതം അനുഭവിക്കുന്ന , സമരം ചെയ്യുന്ന, കീഴടങ്ങില്ലെന്ന് പറഞ്ഞുകൊന്ടെയിരിക്കുന്ന എല്ലാവരും ഞങ്ങളുടെ സഖാക്കള്‍ തന്നെയാണ്. ദുരിതങ്ങള്‍ക്ക് അതിര്‍ത്തികള്‍ ബാധകമല്ല ..

ഇനി ഒന്നു പറയാം... ഹര്‍ത്താലുകള്‍, പണിമുടക്കുകള്‍ ആഘോഷിക്കുന്ന മലയാളി മനസ്സിനെ ഞാന്‍ ഒട്ടും പിന്തുണയ്ക്കുന്നില്ല .. അത് സമരങ്ങളുടെ കുഴപ്പം കൊണ്ടല്ല.. ഉപഭോഗ തല്‍പരത എല്ലാത്തിനെയും സ്വന്തം സുഖ ഭോഗ ങ്ങള്‍ക്ക് വേണ്ടി ഉപയോഗിക്കുവാന്‍ ഒരു ജനതയെ പ്രേരിപ്പിക്കും.. തൊട്ടാല്‍ തീ പാറുന്ന ഒരു സമരമുഖത്തിരുന്നു ഒരു കുപ്പി മദ്യം സ്വപ്നം കാണുന്നവന്‍ ഒരു സമരത്തിന്റെ സന്തതിയല്ല, മറിച്ചു ഞങ്ങള്‍ എതിര്‍ക്കുന്ന ഉപഭോഗ സംസ്കാരത്തിന്റെ സന്തതിയാണ്.. നിങ്ങള്‍ എതിര്‍ക്കേണ്ടത് സമരങ്ങളെ അല്ല, മറിച്ചു മനുഷ്യന്റെ ഏറ്റവും നൈസര്‍ഗികമായ കാര്യങ്ങളെ പോലും ഉപഭോഗ കണ്ണുകളിലൂടെ കാണുന്ന പുത്തന്‍ സാമ്പത്തിക നയങ്ങളെ ആണ്..

സംഘടനകള്‍ക്കും സമരങ്ങള്‍ക്കും ഇന്നത്തെ സാമൂഹ്യാന്തരീക്ഷത്തില്‍ ഒരുപാടു മൂല്യ ശോഷണം സംഭവിച്ചിട്ടുണ്ടെന്ന് സമ്മതിക്കാം.. പക്ഷെ, ഞാന്‍ എന്റെ നെഞ്ചില്‍ തൊട്ടു പറയുന്നു, അതൊന്നും സമരങ്ങളെയും സംഘങ്ങളെയും അടചെതിര്‍ക്കുവാന്‍ ഒരു കാരണമായി കാണരുത്.. കാരണം, സമര രഹിതമായ, സംഘ രഹിതമായ ഒരു സാമൂഹ്യാവസ്ഥ ഏറ്റവും മോശമായ സമര, സംഘടനാ സാന്നിധ്യമുള്ള സമൂഹത്തേക്കാള്‍ മോശമായിരിക്കും..

സംഘടനയുള്ളതിനാല്‍ നിങ്ങള്ക്ക് അതിനെ എതിര്‍ക്കാം.. സംഘടനയില്ലെങ്കില്‍, നിങ്ങള്ക്ക് അനുസരിക്കാനേ
ഉണ്ടാവൂ..

ഞാന്‍ പണിമുടക്കുന്നത് എന്തുകൊണ്ട്?

2008-08-16T14:00:00.001+05:30

ഇന്ത്യയിലെ പ്രമുഖ തൊഴിലാളി സംഘടനകളും ജീവനക്കാരുടെ സംഘടനകളും ആഗസ്റ്റ്‌ 20 നു ദേശവ്യാപകമായി ഒരു പൊതുപണിമുടക്കിന് ആഹ്വാനം ചെയ്തിരിക്കുകയാണല്ലോ. ഈ പണിമുടക്കിന് ആധാരമായി ഉന്നയിക്കപ്പെട്ടിട്ടുള്ള ആവശ്യങ്ങള്‍ താഴെ കൊടുക്കുന്നു :
1. വിലക്കയറ്റം തടയുക ; പൊതുവിതരണ സംവിധാനം ശക്തിപ്പെടുത്തുക.
2. തൊഴില്‍നിയമങ്ങള്‍ കര്‍ശനമായി നടപ്പില്‍ വരുത്തുക.
3. അസംഘടിത മേഖലയിലെ തൊഴിലാളികള്‍ക്ക് സാമൂഹ്യ സുരക്ഷാ സംവിധാനം ഏര്‍പ്പെടുത്തുക.
4. സ്വകാര്യ പണമിടപാടുകാരില്‍ നിന്നും കര്‍ഷകര്‍ എടുത്ത വായ്പയും കാര്ഷിക കടാശ്വാസത്തിന്‍ കീഴില്‍ കൊണ്ടുവരിക.
5. നിയമന നിരോധനം പിന്‍വലിക്കുക.
6. ആറാം ശമ്പള പരിഷ്കരണ കമ്മിറ്റി ശുപാര്‍ശകള്‍ പലതും ജീവനക്കാര്‍ക്ക് എതിരാണ്. അവ മാറ്റണം.
7. കരാര്‍ തൊഴിലാളികള്‍ ഉള്പ്പെടെ കേന്ദ്ര പൊതുമേഖലാ ജീവനക്കാരുടെ സേവന വേതന പരിഷ്കരണം ഉപാധികള്‍ ഇല്ലാതെ പൂര്‍ത്തിയാക്കണം.

ഈ പൊതു ആവശ്യങ്ങള്‍ കൂടാതെ ഓരോ മേഖലയിലെയും തൊഴിലാളികളുടെ / ജീവനക്കാരുടെ സവിശേഷമായ ചില പ്രശ്നങ്ങളും ഈ പണിമുടക്ക്‌ ഉയര്‍ത്തുന്നുണ്ട്. ഈ പണിമുടക്ക്‌ വലിയൊരു വിജയമാക്കി മാറ്റി, അങ്ങനെ കേന്ദ്ര സര്ക്കാരിന്റെ നയങ്ങള്‍ക്കെതിരെ ഒരു താക്കീത് നല്‍കുകയാണ് പണിമുടക്ക്‌ കൊണ്ടു ഉദ്ദേശിക്കുന്നത്. എല്ലാ കാലവും നടന്നിരുന്നതുപോലെ പണിമുടക്ക്‌ ഒരു വലിയ വിജയമാക്കുവാന്‍ വേണ്ട ഒരുക്കങ്ങള്‍ വിവിധ സംഘടനകള്‍ ഊര്‍ജിതമായി നടത്തിവരുന്നു.

ഈ പണിമുടക്ക്‌ എന്ന് കേള്‍ക്കുമ്പോള്‍ തന്നെ ചുവപ്പ് കണ്ട കാളയെ പോലെ മുക്രയിടുന്ന ചിലര്‍ ചോദിച്ചു തുടങ്ങിയിട്ടുണ്ട്, ഹും! പണിമുടക്ക്‌.. ഇവര്‍ കുറെ കാലമായല്ലോ സംഘടന, സമരം, പണിമുടക്ക്‌ എന്നൊക്കെ പറഞ്ഞു നടക്കുന്നു.. എന്ത് നേടി? കഴിഞ്ഞ പണിമുടക്കുകളില്‍ ഉന്നയിക്കപ്പെട്ട ആവശ്യങ്ങള്‍ ഒക്കെ നേടിയോ?
ഒന്നു പറയട്ടെ, ഉന്നയിക്കപ്പെടുന്ന ആവശ്യങ്ങള്‍ ഒക്കെ നേടുകയെന്നത് പണിമുടക്കിന്റെ വിജയത്തെ കുറിക്കുന്ന ഒരു മാനദണ്ഡമാണെന്നു തോന്നുന്നില്ല.. നമ്മെ ഭരിക്കുന്നവരുടെ തെറ്റായ നയങ്ങളുടെ വിഴുപ്പു പേറേണ്ടി വരുന്ന ഭൂരിഭാഗം വരുന്ന സാധാരണക്കാരുടെ ആവശ്യങ്ങള്‍ അധികാരികളുടെ ശ്രദ്ധയില്‍ കൊണ്ടുവരികയും, അതിന് ജനപിന്തുണ കിട്ടുന്നതിനാവശ്യമായ പ്രചാരണപരമായ പ്രവര്‍ത്തനങ്ങള്‍ പാരമ്യത്തില്‍ എത്തിക്കുകയും ചെയ്യുകയാണ് ഓരോ പണിമുടക്കും ചെയ്യുന്നത്..

പ്രതിഷേധിക്കണമെങ്കില്‍, പണ്ടു ജപ്പാനില്‍ ചെയ്തതുപോലെ കൂടുതല്‍ സമയം പണിയെടുത്തു പ്രതിഷേധിച്ചു കൂടെ എന്ന് ചോദിക്കുന്ന ചില 'നിഷ്കളങ്കര്‍' ഇവിടെ ഉണ്ട്. ഞങ്ങളുടെ പ്രതിഷേധം പോലും കാശാക്കി മാറ്റുകയെന്ന അധികാരികളുടെ കൌശലമാണ് ഈ നിര്‍ദേശം എന്ന് ഞങ്ങള്‍ക്കറിയാം. അധികാരികളുടെ ബധിരകര്‍ണങ്ങള്‍ തുറക്കണമെങ്കില്‍ സൌമ്യമായ സമര രീതികള്‍ മതിയാവില്ല. ഒരു പരിഷ്കാരതെപ്പറ്റി തൊഴിലാളികള്‍ പ്രതിഷേധം തുടങ്ങുമ്പോഴേക്കും ആ പരിഷ്കാരത്തിന്റെ അടുത്ത പടി അധികാരികള്‍ ചെയ്തിരിക്കും. പ്രകാശവേഗമാണ് ഈ പരിഷ്കാരങ്ങള്‍ക്ക്.. പാര്‍ലമെന്‍റില്‍ പോലും വെക്കാതെ സാമ്പത്തിക പരിഷ്കാരം സംബന്ധിച്ച നടപടി ക്രമങ്ങള്‍ പൂര്‍ത്തിയാക്കുമെന്ന് വീമ്പിളക്കുന്ന ഒരു ധനകാര്യ മന്ത്രി വാഴുമ്പോള്‍, പാവം തൊഴിലാളി എങ്ങിനെ പ്രതിഷേധിക്കും, സര്‍, തപസ്സു ചെയ്തോ?
ബധിര കര്‍ണങ്ങള്‍ എന്ന പ്രയോഗം അതിന്റെ എല്ലാ ഭീകരതയോടും വേണം മനസ്സിലാക്കുവാന്‍. പരിഗണനകള്‍ പോലും തിരിച്ചിട്ട ഒരു ഭരണ സംവിധാനം ആണ് ഇപ്പോള്‍ ഉള്ളത്. എല്ലാ നടപടികളും വമ്പന്‍ കമ്പനികളുടെ താല്പര്യങ്ങള്‍ക്ക് വഴങ്ങിയാണ് നടപ്പില്‍ വരുത്തുന്നത്. ഈ രഥവേഗത്തില്‍ പെട്ട് ചതഞ്ഞു പോകുന്ന സാധാരണക്കാരന്റെ പ്രതിഷേധം എങ്ങിനെ ആണ് അറിയിക്കുക? ഇതു എല്ലാ സംഘടനകളുടെയും ഒരു പ്രതിസന്ധി ആണെന്ന് തോന്നുന്നു.. ആഗോളവല്കരണ കാലഘട്ടത്തില്‍ പ്രതിഷേധം എങ്ങിനെ ആയിരിക്കണം എന്നത് വലിയൊരു ചിന്താവിഷയമാണെന്നു തോന്നുന്നു. കാരണം, പണ്ടു സംഘടനകള്‍ക്ക് ശത്രുവിനെ നേരില്‍ കാണാമായിരുന്നു, ഇന്നു ശത്രു ദൈവത്തിനെ പോലെ അരൂപിയും എന്നാല്‍ ഭീമാകാരനും ആണ്.. ഈ പ്രതിഷേധങ്ങള്‍, പണിമുടക്കുകള്‍, ഹര്‍ത്താലുകള്‍, സമരങ്ങള്‍, എല്ലാം ഞങ്ങളുടെ പിടച്ചിലുകള്‍ ആണ് സര്‍, ചിലപ്പോള്‍ നിങ്ങളുടെ യാത്ര മുടങ്ങിയെക്കാം, സുഖസൌകര്യങ്ങള്‍ക്ക് ഭംഗം വന്നേക്കാം.. ശപിക്കരുത്.. സമരം ചെയ്യാതെ ഞങ്ങള്‍ എന്ത് ചെയ്യും.. ഞങ്ങളുടെ ജീവിതമാണ് വഴി മുട്ടുന്നത്.. ഈ നയങ്ങള്‍ ചക്രം പായിക്കുമ്പോള്‍ ചതയുന്നത് ഞങ്ങളുടെ ജീവിതമാണ്..

സംഘടന, സംഘം എന്നൊക്കെ കേള്‍ക്കുന്നതെ ചിലര്ക്ക് അലര്‍ജി ആണ്.. സംഘടനകള്‍ എല്ലാം ചിലര്‍ സ്വന്തം കീശ വീര്‍പ്പിക്കുവാന്‍ വേണ്ടി നടത്തുന്നതാണെന്ന് കുരവയിടുന്ന ചിലര്‍ ഇപ്പോള്‍ ഒരു സംഘടന ഉണ്ടാക്കിയാല്‍ ഒരുമിച്ചു ചെങ്ങറയില്‍ പോയി ഐക്യദാര്‍ഡ്യം പ്രഖ്യാപിക്കാംആയിരുന്നു എന്ന് ആശിക്കുന്നത് കാണുമ്പോള്‍ മുഖം മൂടി അഴിഞ്ഞുവീഴുന്നത്‌ കാണുന്നില്ലേ? ഒറ്റയ്ക്ക് ചെയ്യുവാന്‍ കഴിയാതെ വരുമ്പോളാണ് കൂട്ടായ്മ, സംഘം, സംഘടന എന്നിവ ഉണ്ടാവുന്നത്.. ഇന്നത്തെ മുതലാളിത്തത്തിന് നമ്മളെ ഒറ്റയ്ക്കൊറ്റയ്ക്കു കിട്ടണം.. എന്നാലേ അവരുടെ അജണ്ടകള്‍ നടക്കുകയുള്ളൂ.. MNC പണിയിടങ്ങളില്‍ അവര്‍ പറയുന്ന വ്യവസ്ഥകളില്‍ ജോലി ചെയ്തു ചൂഷണം ചെയ്യപ്പെടുന്ന പാവം യുവാക്കള്‍ ശരിക്കും സംഘങ്ങളുടെ പ്രസക്തി തിരിച്ചറിയുന്നുണ്ടാവും.. സംഘടന ഞങ്ങളുടെ ജീവനാണ് സര്‍. മരിച്ചുകൊണ്ടിരിക്കുമ്പോള്‍, പ്രാണവായുവാണ് സംഘടന.. ഞങ്ങളുടെ കൈതാങ്ങാണ് സംഘടന.. സംഘടനയില്ലെന്കില്‍, ഞങ്ങള്ക്ക് വേണ്ടി ആര് സംസാരിക്കും? വീഴുമ്പോള്‍ കൊത്തുവാനായുന്ന കഴുകന്മാരല്ലേ, ഞങ്ങളുടെ എതിരാളികള്‍?

ഞാന്‍, ഞങ്ങള്‍ ഈ പണിമുടക്ക്‌ വിജയിപ്പിക്കും.. ഞങ്ങള്ക്ക് വേണ്ടി മാത്രമല്ല.. നിങ്ങള്‍ക്കും കൂടെ വേണ്ടി..

ഉത്തരം പറഞ്ഞേ തീരൂ..

2008-08-09T14:50:00.001+05:30

1. എന്താണ് ഈ ഓ.ടോ. എന്ന് പറഞ്ഞാല്‍?
2. എന്തിനാണ് ചില ബ്ലോഗന്മാര്‍ ബ്ലോഗ് പോസ്റ്റ് ചെയ്ത ഉടനെ ആദ്യ കമന്റ് ആയി തന്റെ പോസ്റ്റിലെ ചില വാചകങ്ങള്‍ അടിച്ചുവെക്കുന്നത്? വല്ല ശകുനശാസ്ത്രവും ഇതിന് പിന്നിലുണ്ടോ? ചില ഡ്രൈവര്‍മാര്‍ രാവിലെ പിന്നോട്ടെടുക്കേണ്ട വണ്ടി ഒരു രണ്ടടി മുന്നോട്ടെടുത്ത ശേഷം പിന്നോട്ടെടുത്തു പോകുന്നത് കണ്ടിട്ടുണ്ട്.. അതുപോലെ വല്ല വിശ്വാസവും ഇതിന്റെ പിന്നിലുണ്ടോ?
3. ഈ ഫീഡ്, RSS, എന്നിവ എന്താണ്?

ഈ ചോദ്യങ്ങള്‍ക്ക് നിങ്ങള്‍, ബ്ലോഗാശാന്മാര്‍, ബ്ലോഗ് പുലികള്‍ തുടങ്ങിയവര്‍ മറുപടി പറഞ്ഞേ തീരൂ.. എനിക്ക് യാതൊരുവിധ അക്കാദമികളിലും അംഗത്വം ഇല്ല എന്ന നഗ്ന സത്യം എന്നെ നോക്കി പല്ലിളിക്കുന്നുന്ടെന്നു സമ്മതിക്കുന്നു .. പ്ലീസ്, ഒന്നു ഹെല്പണെ.. ഈ ചോദ്യങ്ങള്‍ വായിക്കുമ്പോള്‍ മറ്റൊന്നും തോന്നരുത്‌, ആത്മാര്‍ഥമായി ചോദിക്കുന്നതാണ്..

"നിങ്ങളുടെ വിശ്വസ്തന്‍, ജോണ്‍..." ആദ്യ സ്ക്രീനിംഗ്..

2008-08-06T13:45:00.002+05:30

മലയാളത്തിനു ജോണ്‍ എന്ന് പറഞ്ഞാല്‍ ജോണ്‍ അബ്രാഹം മാത്രമാണ്.. മലയാളത്തിന്റെ സാംസ്കാരിക ഭൂമികയില്‍ ജോണ്‍ അവശേഷിപ്പിച്ചത് എന്താണെന്ന് ഇത്രയും വര്‍ഷങ്ങള്‍ക്കു ശേഷവും നമുക്കു മനസ്സിലായിട്ടില്ല.. മലയാളത്തില്‍ വല്ലാത്തൊരു സാന്നിധ്യമായി ജോണ്‍ ഇന്നും നിറഞ്ഞു നില്ക്കുന്നു.. അനുപമമായ ആ നിഷേധവും..

ജോണിനെപ്പറ്റിയും ജോണിന്റെ സിനിമയെപ്പറ്റിയും എഴുത്തിനെപറ്റിയും ജീവിതത്തെപറ്റിയും നമുക്കു ഇനിയും പറഞ്ഞും കേട്ടും കണ്ടും മതിയായില്ല.. ഇപ്പോഴും ജോണ്‍ എന്ന് കേള്‍ക്കുമ്പോള്‍ നമ്മള്‍ കാതു കൂര്‍പ്പിക്കുന്നു. ജോണിന്റെ ബഹുമുഖ വ്യക്തിത്വത്തെ അധികരിച്ച് സി. ശരത്ചന്ദ്രന്‍ കറുപ്പിലും വെളുപ്പിലും ഒരുക്കിയ ഡോക്യുമെന്റാരി ചിത്രമാണ് "നിങ്ങളുടെ വിശ്വസ്തന്‍, ജോണ്‍.." ഇതു ഒരു 100 മിനിട്ട് വീഡിയോ പ്രബന്ധമാണ് (video essay). ജോണിന്റെ സഹപ്രവര്‍ത്തകരും സുഹൃത്തുക്കളും ആയ അന്‍പതിലധികം പേര്‍ ഇതില്‍ ജോണിനെ പറ്റി സംസാരിക്കുന്നുണ്ട് . ജോണിന് 71 വയസ്സാകുന്ന ഈ അവസരത്തില്‍ ജോണിന് നല്കുന്ന ആദരമാണ് ഈ ചിത്രം..

ഈ ചിത്രത്തിന്റെ ആദ്യ സ്ക്രീനിങ്ങിനു കോഴിക്കോട്ടെ ബാങ്ക്മെന്‍സ് ഫിലിം സൊസൈറ്റിയ്ക്കാണ് അവസരം കിട്ടിയിരിക്കുന്നത്. ആഗസ്ത് 11 തിങ്കളാഴ്ച വൈകിട്ട് 6 മണിക്ക് നളന്ദ ആഡിറ്റോറിയത്തിലാണ് സ്ക്രീനിംഗ് നടക്കുന്നത്.. ഇതു കൂടാതെ അന്ന് തന്നെ കേരളത്തിലെ മറ്റു അഞ്ചു സ്ഥലങ്ങളില്‍ കൂടെ സ്ക്രീനിംഗ് നടക്കുന്നുണ്ട്..
(സോഴ്സ് : ശ്രീ . K.J.തോമസ്, ബാങ്ക്മെന്‍സ് ഫിലിം സൊസൈറ്റി, കോഴിക്കോട് ) കൂടുതല്‍ വിവരങ്ങള്‍ക്ക് തോമസ്സിനെ 9447042004 ല്‍ ബന്ധപ്പെടാം..

കമന്റുകള്‍ വായിക്കാതെ വിടരുതേ.. ചില തിരുത്തുകള്‍ ഉണ്ട്...

അക്കാദമി വേണ്ട, അവാര്‍ഡും വേണ്ട..

2008-08-04T09:30:00.001+05:30

ബൂലോകം സുന്ദരമായ ചില സങ്കല്‍പ്പങ്ങള്‍ ഉണര്തുന്നുണ്ട്.. അവനവന്‍ പ്രസാധനത്തിന്റെ എല്ലാ നന്മയും തിന്മയും ഇതിലുണ്ട്.. സുന്ദരമായ കുശുമ്പും വൃത്തികെട്ട കുശുമ്പും കാണാം.. ശൈഥില്യത്തിന്റെ അനുപമ ഭംഗി.. മനസ്സില്‍ തോന്നുന്നതൊക്കെ പറയാം.. തെറി വിളിക്കാം.. പ്രശംസിക്കാം.. ഇഷ്ടമുള്ളവര്‍ക്ക് കേള്ക്കാം.. അല്ലാത്തവര്‍ക്ക് അവഗണിക്കാം.

നല്ലതിനെ ഒക്കെ നശിപ്പിക്കുവാന്‍ ഏറ്റവും എളുപ്പമുള്ള വിദ്യ അതിനെ സ്ഥാപനവല്‍ക്കരിക്കുകയാണ്.. നമ്മുടെ ബൂലോകത്തെ നശിപ്പിക്കുവാന്‍ ചിലര്‍ കച്ചകെട്ടി ഇറങ്ങിയതായി കാണുന്നു.. ഒരു കൂട്ടായ്മ നല്ലതാണ്.. പക്ഷെ, രജിസ്റ്റര്‍ ചെയ്തു ഭരണഘടന ഉണ്ടാക്കി, ഭാരവാഹികളെ നിശ്ചയിച്ചു, ഫണ്ട് പിരിച്ചു, ഓഫീസ് കെട്ടി നടത്തുന്ന ഒരു കൂട്ടായ്മയെയും ബൂലോകത്തിന്റെ ഏഴയലത്തു പോലും കൊണ്ടുവരരുതെന്നാണ് ഈയുള്ളവന്റെ പക്ഷം.. അകാദമികളും അവാര്‍ഡുകളും ബൂലോകത്തും തിന്മകള്‍ കൊണ്ടുവരും.. വായിക്കുന്നവരുടെ പ്രതികരണമാണ് ഏറ്റവും നല്ല അവാര്‍ഡ്.. സമാനഹൃദയരുടെ നല്ല വാക്കുകളേക്കാള്‍ മികച്ച പുരസ്കാരം ഏതാണ്..? ആസ്വാദ്യമായ ഈ ജനാധിപത്യത്തെ നശിപ്പിക്കാതിരിക്കുക..

അകാദമി ഉണ്ടാക്കുമെന്ന് പറയുന്നവരെ ചീത്തവിളിക്കുക.. അല്ലെങ്കില്‍ വേണ്ട, ബഹിഷ്കരിക്കുക, അല്ലെങ്കില്‍ വേണ്ട, കമന്റിയിട്ട് പ്രതിഷേധിക്കുക, അല്ലെങ്കില്‍ വേണ്ട, എന്തെങ്കിലും ഒക്കെ ചെയ്യുക .. ബൂലോകത്ത് നേതാക്കന്മാരും പുരോഹിതന്മാരും വേണ്ട...

ഫ്രം ഉലുവക്കഞ്ഞി ത്രൂ നായനാര്‍ ടു സോമനാഥ് ചാറ്റര്‍ജീ..

2008-07-28T18:02:00.002+05:30

ഓര്‍മ്മകള്‍ അങ്ങനെയാണല്ലോ.. തീരെ കരുതാതിരിക്കുമ്പോള്‍ കയറി വരും.. ജോലിത്തിരക്കില്‍ ഇരിക്കുമ്പോള്‍, പണ്ടു അമ്മ ഉലുവക്കഞ്ഞി വെച്ചുതന്നിരുന്നത് ഓര്മ വന്നു.. സത്യം പറയട്ടെ, ആ കയ്പാര്‍ന്ന രുചിയുടെ ഉപമയില്ലാത്ത ഓര്മ ഉണര്‍ന്നപ്പോള്‍, ഇന്നു ഉലുവക്കഞ്ഞി കുടിക്കണമെന്നു തോന്നി. വൈകിട്ട് അടുത്തിരുന്ന സുജാതയോട് എങ്ങനെ വെക്കുമെന്ന് ചോദിച്ചു. അവള്‍ വിശദമായി പറഞ്ഞുതന്നു.. അങ്ങനെ ഉലുവക്കഞ്ഞി മനസ്സില്‍ കിടന്നങ്ങനെ വെന്തുതുടങ്ങിയപ്പോള്‍ മനസ്സു നമ്മുടെ നായനാരിലേക്ക് വന്നു.. പഴയ മുഖ്യമന്ത്രി നായനാര്‍ കേരളത്തിന്റെ അവകാശങ്ങളെ പറ്റി നിവേദനം സമര്‍പ്പിക്കുവാന്‍ പോയപ്പോള്‍ ചര്‍ച്ചകള്‍ക്കൊടുവില്‍ വെറുതെ സംസാരിച്ചിരുന്നപ്പോള്‍ മന്ത്രിക്കു പ്രമേഹം ഉണ്ടെന്നു നായനാരോട് പറഞ്ഞത്രേ.. അപ്പോള്‍ എല്ലാവര്ക്കും ഉലുവക്കഞ്ഞി ഉപദേശിക്കാറുള്ള നായനാര്‍ മന്ത്രിയോടും പറഞ്ഞു, ഉലുവക്കഞ്ഞി കുടിക്കുവാന്‍..

അടുത്ത ദിവസം പത്രങ്ങളിലൊക്കെ വാര്ത്ത വന്നു.. അവകാശ ചര്‍ച്ചക്കൊടുവില്‍ മന്ത്രിക്കു ഉലുവക്കഞ്ഞി നിര്‍ദേശിച്ച നായനാര്‍ അരുതാത്തതെന്തോ ചെയ്തു എന്ന പോലെ പത്രങ്ങള്‍ എഴുതി.. എല്ലാവര്ക്കും ഒര്മയുണ്ടാവും, നായനാര്‍ അന്ന് കേരളത്തിന്റെ മധ്യവര്‍ഗ സമൂഹത്തില്‍ ഒരു കോമാളിയുടെ ഇമേജ് ആണ് പേറിയിരുന്നത്.. അത് കല്പിച്ചുകൊടുതതാകട്ടെ, നമ്മുടെ മാധ്യമ സമൂഹവും, 'ഗൌരവക്കാരായ' രാഷ്ട്രീയ എതിരാളികളും.. നാട്ടിലെ മധ്യവര്‍ഗ ചര്‍ച്ചകളില്‍ നായനാര്‍ ഒരു ബഫൂണ്‍ ആയി.. ഒരു ഭരണാധികാരി ഒരിക്കലും ചിരിക്കാനും ചിരിപ്പിക്കാനും പാടില്ലെന്ന് ആരൊക്കെയോ വിധിയെഴുതി.. ഒരു യോഗത്തില്‍ നായനാര്‍ അടുത്തിരുന്ന IAS കാരനോട് ചോദിച്ചുപോലും..'അല്ലെടോ?' എന്ന്... പത്രസമൂഹം ആ മനുഷ്യന്റെ മേല്‍ ചാടി വീണു.. കല്ല്യാണ വീടുകളിലും ചായക്കടകളിലും നായനാര്‍ ഒരു പരിഹാസ പാത്രമായി.. സത്യമായും വല്ലാതെ വേദന തോന്നിയിരുന്നു, അന്നൊക്കെ.. പിന്നെ തോന്നി... ഇങ്ങനെ വിമര്ശനം വരുമ്പോള്‍ നായനാര്‍ക്ക് ഈ രീതിയോന്നു മാറ്റിക്കൂടെ? പക്ഷെ, പിന്നീടറിഞ്ഞു, ഒട്ടും കാപട്യമില്ലാതിരുന്ന ആ മനുഷ്യന് ഒന്നും ഒളിച്ചുവെക്കുവാന്‍ കഴിയില്ലായിരുന്നു, എന്ന്.. സ്വന്തം പ്രകൃതം കേരളത്തിലെ ഏറ്റവും ഉയര്ന്ന പദവിയില്‍ ഇരിക്കുമ്പോളും കാത്തു സൂക്ഷിക്കുവാന്‍ അദ്ദേഹത്തിന് കഴിഞ്ഞതിനു കാരണം, ആ നിര്‍മലമായ മനസ്സായിരുന്നു എന്ന്.. എല്ലാമറിഞ്ഞിട്ടും അദ്ദേഹത്തെ വേട്ടയാടി.. പക്ഷെ, കുറ്റം പറയരുതല്ലോ, അദ്ദേഹം മരിച്ചപ്പോള്‍ മാധ്യമ സമൂഹം ആഘോഷിച്ചു.. ഇത്ര നല്ല മനുഷ്യന്‍ വേറെ ഇല്ലായിരുന്നു എന്ന മട്ടില്‍ നായനാരെ സ്തുതിവചനങ്ങള്‍ കൊണ്ടു മൂടി.. നിഷ്കളങ്കന്‍, ഒന്നും ഒളിച്ചു വെക്കാന്‍ കഴിയാത്തവന്‍, സത്യസന്ധന്‍, പരോപകാരി, സ്നേഹബന്ധങ്ങള്‍ക്ക്‌ വില കല്പിക്കുന്നവന്‍, നര്‍മത്തിന്റെ മാധുര്യം എപ്പോഴും കൊണ്ടുനടന്നവന്‍, എന്ന് വേണ്ട, ഇവര്‍ എന്തൊക്കെയാണ് പറഞ്ഞത്... പക്ഷെ ഇതൊക്കെ പറയുവാന്‍ നായനാര്‍ മരിക്കേണ്ടി വന്നു.. (പക്ഷെ 'ഇത്തരം' നേതാക്കന്മാര്‍ക്ക് വംശനാശം വരുകയാണെന്ന് അവര്‍ ഒരേ സ്വരത്തില്‍ വിളിച്ചു കൂവി.. കാരണം, അവര്‍ക്കറിയാം, നായനാര്‍ ഇനി അവരെ ഉപദ്രവിക്കില്ല, എന്ന്.. ഇനി ജീവിചിരിക്കുന്നവരെയല്ലേ ഇകഴ്തെണ്ടത്..!)

രാത്രി ടെലിവിഷന്‍ തുറന്നപ്പോള്‍ കണ്ട കാഴ്ച : സോമനാഥ് ചാറ്റര്‍ജി കഴിഞ്ഞ തെരഞ്ഞെടുപ്പില്‍ അദ്ദേഹത്തിന്റെ മണ്ഡലത്തില്‍ ഒരു തെരഞ്ഞെടുപ്പ് പരിപാടിയില്‍ സംബന്ധിക്കുകയാണ്.. വെറും സാധാരണക്കാര്‍ മാത്രം പങ്കെടുത്ത ഒരു ചടങ്ങ്.. ബംഗാളിലെ പാവപെട്ട കര്‍ഷകര്‍ അദ്ദേഹത്തെ കാത്തിരിക്കുകയാണ്.. അദ്ദേഹം വന്നിറങ്ങിയപ്പോള്‍ നിരവധി സാധാരണക്കാര്‍ വന്നു ചുവന്ന മാലയിടുന്നു, ഒരു കര്‍ഷകന്‍ അദ്ദേഹത്തെ പിടിച്ചു ചുംബിച്ചു.. ജനങ്ങളുടെ സ്നേഹവായ്പിന്റെ ഒരുപാടു കാഴ്ചകള്‍.. എന്റെ ഓര്മ കഴിഞ്ഞ തെരഞ്ഞെടുപ്പ് കാലത്തെ ടെലിവിഷന്‍ കാഴ്ചകളിലേക്ക് പോയി.. ബംഗാളിലെ സ്വെചാധിപത്യം.. പാര്‍ലമെന്‍റില്‍ മാത്രമൊതുങ്ങുന്ന സോമനാഥ്-ന്റെ പ്രവര്ത്തന രീതിയില്‍ ജനങ്ങള്ക്ക് അമര്‍ഷമുണ്ടാത്രേ.. തോല്പിക്കപ്പെടുമെന്നുപോലും ചില പത്രങ്ങള്‍ പറഞ്ഞു വെച്ചു.. ഇപ്പോള്‍ കാണിക്കുന്ന പല കാഴ്ചകളും ഇവരുടെ കൈയില്‍ ഉണ്ടായിരുന്നു.. അവര്‍ കാത്തു വെച്ചതാണ് .. ഒന്നുകില്‍ സോമനാഥ് മരിച്ചാല്‍ കാണിക്കുവാന്‍.. അല്ലെങ്കില്‍ ഈ പാര്ടിയില്നിന്നും പുറതാക്കപ്പെടുമ്പോള്‍ കാണിക്കുവാന്‍... എന്തൊരു സ്നേഹമാണ് സോമനാഥ് നോട് ഇപ്പോള്‍.. അസൂയ തോന്നും..

ഉലുവക്കഞ്ഞി ഊതി കുടിക്കുമ്പോള്‍ ഓര്ത്തു.. പാവം നായനാര്‍...

ഗുണപാഠം : ഒരു കമ്മ്യൂണിസ്റ്റ് നല്ലവനാണ്: പക്ഷെ, അവന്‍ മരിച്ച ശേഷം, അല്ലെങ്കില്‍ ആ പാര്‍ടിയില്‍ നിന്നും പുറത്തായ ശേഷം..