ചെ ഗുവേരയും വി.എച്ച്.പി യും...(2)

ചെ ഗുവേരയുടെ ചിത്രമുള്ള ടി ഷര്‍ട്ട്‌ ധരിച്ചുകൊണ്ട് പോലീസുകാരനെ മര്ദിക്കുന്ന വി.എച്ച്.പി ക്കാരനെ പ്പറ്റി ഞാന്‍ ഒരു പോസ്റ്റ് ചെയ്തിരുന്നു.. അതിന് കിട്ടിയ രണ്ടു കമന്റുകള്‍ പറയുന്നതു ഇങ്ങനെയാണ്.. ''ചെ ഗുവേര ഒരു ഗാന്ധിയന്‍ അഹിംസാവാദി ആയിരുന്നില്ലല്ലോ.. പിന്നെ എന്താണ് പ്രശ്നം? കൂടാതെ, ആ ചിത്രമുള്ള ഷര്‍ട്ട്‌ സഖാക്കള്‍ക്ക് മാത്രമെ വാങ്ങുവാന്‍ പറ്റുകയുള്ളൂ?''
മറുപടി അര്‍ഹിക്കുന്ന കമന്റുകള്‍ ആണ് എന്ന് തോന്നുന്നില്ല എങ്കിലും പറയട്ടെ:
വി.എച്ച്.പി യുടെ ആദര്‍ശങ്ങളും പരിപാടികളും ഒക്കെ നമുക്കറിയാം.. ചെ ഗുവേര ആരായിരുന്നു എന്നും നമുക്കറിയാം.. അര്‍ജന്റീനക്കാരന്‍ ഡോക്ടറില്‍ നിന്നും ആസ്ത്മക്കാരന്‍ ആയ ഉശിരന്‍ വിപ്ലവകാരിയിലെക്കുള്ള പരിണാമം അറിയുന്ന ഒരാളും ഇഷ്ടപ്പെടില്ല, പൊറുക്കില്ല, ചെ യുടെ ചിത്രം വെറുമൊരു commercial commodity ആയി മാറുന്നത്.. ലോകമെങ്ങുമുള്ള ഇടതുപക്ഷക്കാര്‍ക്ക് ആവേശമാണ് ആ ഓര്മ.. ചെ ആരാണെന്നും ചെയുടെ ദര്ശനം എന്തായിരുന്നു എന്നും അറിയുന്ന ആളല്ല ആ ഷര്‍ട്ട്‌ ധരിച്ച ആള്‍ എന്ന് വ്യക്തം.. കാരണം, ചെ ജീവന്‍ വെടിഞ്ഞത് എന്തിനായിരുന്നോ അതിനൊക്കെ എതിരായ കാര്യങ്ങള്‍ക്കുവേണ്ടിയാണ് വി.എച്ച്.പി യെ പ്പോലെയുള്ള സംഘടനകള്‍ നിലകൊള്ളുന്നതെന്ന് ആര്‍ക്കാണ് അറിയാത്തത്?.. ചെ യോടുള്ള ആദരവ്‌ അല്പം പോലും മനസ്സില്‍ ഇല്ലാതെയാണ് ആ ചിത്രം ശരീരത്തില്‍ പേറിക്കൊണ്ടു നടക്കുന്നത്.. പാവം ചെ.. വാണിജ്യ കുതന്ത്രങ്ങളുടെ ഒരു ഇരയായി മാറി, ആ വിപ്ലവകാരി, സ്വന്തം ചിത്രം കൊണ്ടെങ്കിലും.. ഒരാളുടെ ആദര്‍ശം എന്തെന്ന് അറിയാതെ, അതിനോട് ഒട്ടും ആദരവ്‌ പുലര്‍ത്താതെ മറ്റൊരാള്‍ അയാളുടെ ചിത്രമോ വാക്കുകളോ ഉപയോഗിക്കുമ്പോള്‍ അത് യഥാര്‍ത്ഥ വ്യഭിചാരം തന്നെ ആണ്.. അത് ഗാന്ധി ആയാലും ചെ ആയാലും വിവേകാനന്ദന്‍ ആയാലും... കമ്മ്യൂണിസ്റ്റ് ആദര്‍ശങ്ങളോട് ഒട്ടും അടുപ്പമില്ലാതെ ഒരു 'കമ്മ്യൂണിസ്റ്റ്' ചെ ചിത്രം ഉപയോഗിക്കുംപോളും അഴിമതിക്കാരനായ ഒരു കോണ്‍ഗ്രസുകാരന്‍ ഗാന്ധിജിയുടെ ചിത്രം ഉപയോഗിക്കുംപോളും കപട സ്വാമിമാരുടെ ഉപജാപക വൃന്ദത്തില്‍ പെട്ട ഒരു R.S.S. കാരന്‍ വിവേകാനന്ദന്റെ ചിത്രം ഉപയോഗിക്കുംപോളും മേല്‍ പറഞ്ഞ വ്യഭിചാരചിന്ത ഉയര്‍ന്നുവരും.. ഇവര്‍ക്കൊക്കെ സ്വന്തം മനസ്സു പോലെ ശൂന്യമായ വസ്ത്രങ്ങള്‍ ധരിച്ചു നടന്നുകൂടെ?